Hechos 2:47 - NandevaBiblia

⁴⁷ Opapaveĩ pyraheshu reta Tũpa hareka opavare haihushu reta. Hãrã opa ara Ñandeja mbyhetave raha kuaretare tũpaope ohojepe verãre.

Hechos 2:47 ပူးပေါင်းရင်းမြစ်များ

Lucas 19:48

Tẽvã katuã mbaiva japohe reta, shara kuaretare jasaka kavi ñynoĩhe.

Lucas 2:52

Jesús syry oho'i mbai kuaakuepy hareka puku oho'iseve hareka Tũpa maĩkavihea ryheve hareka kuaretare jyvy'akue ryheve.

Hechos 11:21

Ñandeja ñymbaikatukue ẽẽ hãndi retarã, hetamba'ẽ rojavare hãrã hejava heko arykaiva rojava, haivi jyrojajyva Ñandeja.

Hechos 11:24

Bernabé haimba pente kuimbai heko kaviva, tynyhẽvã Espiritu Santo hareka jyrojakue. Hãmemba heta'ẽ kuareta jyrojahea Ñandeja.

Hechos 13:48

Judiombare kova hẽndumãrã, vy'a jyre hareka hei reta Ñandeja ĩñee haikaviva; haivi opaite hipity verãre tykove opambava, roja reta.

Hechos 14:1

Iconiope Pablo hareka Bernabé jypykuaañoĩ reta ichejyre reta israelitare jy tũpaope, hãrã ĩjetareta mbyrojaka verã, Judiore hareka haimba Judiore.

Hechos 14:21

Hãrã opama mbe'uha Ñee kaviva hoka tenta Derbeperã, heta haipe japoshi mbo'ehare verã. Kova oparã, jyraha reta Listrape.

Hechos 16:5

Hãrã jyrojava tũpaope'õre, ñymỹpyrãta oho jyrojakuepe hareka opa ara ñymby hetave oho py'ahu jyrojavare.

Hechos 17:12

Hãrã heta'ẽ rojava hareka griegovare, kuimbai hareka taupere. Kova kuaretare hai vateve'õ tentape, opaiteva taupe hareka kuimbaire.

Hechos 2:39

Ko ñee me'ẽãva rãnga, pee hareka pyndyrayre pevarã, jaishu opaite Teja ñanu Tũpa hee hẽno'iare pevarã jyve.

Hechos 2:41

Kyrã opaite ĩñee henduvare, ñymyngaraika reta. Hoka arape iche jyrojavare mbytepe 3.000 kuareta.

Hechos 4:21

Haivi mburuvishare ijeta pohyjyshu retarã ma'ẽĩmahe reta kuaretare rehe, vãhẽãshu mãrãrapo nũpaka reta shara haipe ikova rehe opaite õmombaishu Tũpa.

Hechos 4:33

Apostolre, mbaikatukue ryheve, mbeu jyre Ñandeja Jesús kuerajy manovare mbyteivirã hareka Tũpa heta maĩkavihe reta.

Hechos 4:4

Tẽvã hetamba Ñee hẽnduvekuare rojajy; 5.000 rupiimba rojaitevare, kuimbaire jepeiva.

Hechos 6:1

Hokava arape ñymbyhetave oho Jesús mboireare, opaite ijetava griego ĩñeepe õñepyrõ ijeta porããhe reta hebreo ĩñeepe ijetavare, hei reta ñyngarekoha kaviãhe opaite taupere hai ryheva retarã, ĩme manoshiare, hou verãre mẽ'ẽhavape.

Hechos 6:7

Tũpa ĩñee mbe'uha jyvyĩ rahaha hareka ñymbyhetave Jerusalenpe Ñandeja Jesús mboireare, hareka heta paire jyrojaheva jyve.

Hechos 9:31

Hãrã opaite tũpao Judeape'õre, Galilea hareka Samaria, reko reta pyavapy hareka ñymypyrãta jyrojakuepe. Ñandeja kyjeshiape iko reta, hareka Espiritu Santo mboryshu retarã ñymbyhetave jyraha.

Hechos 9:35

Opaite Lidia hareka Saronpe'õre, hesha pũãjyrã hareka opa roja jyve reta Ñanderu Jesús.

Romano 14:18

Kyrã japova Cristo pevarã hai, pya ohohe Tũpa hareka kuaretare mymorãshu.

Romano 8:30

Hãma õñepyrõãivive pyhỹrõ vekuare hẽnoshu, hareka henoshu vekuare mbyheko kavi, hareka mbyheko kavishu vekuare õmombaishu.

Romano 9:27

Tũpa ĩñee mbeu'ia Isaías sapukeape hei Israelitare: “Ajemaĩpo israelitare yvykui yyvasu hỹmbeypi'õ rãĩmi heta, koñeĩpo ohojepe retakui Tũpa myhemby vekuamire,

1 Corintios 1:18

Shara ñee Cristo jukurusu ryheva mba'ẽãshu hai, õñehundi verã kyty oho'iare; tẽvã ohojepevare pevarã hokava ñee hai Tũpa ñymbaikatukue.