Hechos 2:4 - NandevaBiblia

⁴ Hãrã opaite tynyhe reta Espiritu Santo, hãrã haipe õñepyrõ ijeta reta ñee yngavape, Espiritu Santo mbijetaka rãĩmi.

Hechos 2:4 ပူးပေါင်းရင်းမြစ်များ

Mateo 10:19

Tẽvã pynymẽ'ẽhama mburuvisha ipoperã, avy pejepy'apyhe perepi verãre maĩrã pere verã rãĩmi, shara Tũpa meẽpope ñee pere verã rãĩmi.

Marcos 16:17

Ko mbaikavi heshaha verã mĩ'ĩrũpo opaite rojavare: Shyreepe mohẽpokui mbaiposhy, ijetapo ñee py'ahuvape;

Lucas 1:15

Shara ndyray haipokui pente kuareta mbaivasuva Ñandeja hỹnonde. Ho'ũãpo vino pyrỹmyngauva, hareka ndeiteri oarãvãĩpo tynyhẽ Espiritu Santo.

Lucas 1:41

Elizabet hendu Maria mãrãndurã, õmy sanjay hyepe, hãrã Elizabet Espiritu Santo tynyhẽ.

Lucas 1:67

Hãma tuu Zacaria, tynyhẽ Espiritu Santorã mbeu ikoverãrã hei:

Lucas 12:12

shara haipevãĩpo Espiritu Santo pynymboihekui pere verã rãĩmi.

Lucas 21:15

Shara sheepo ameẽpekui ñee hareka mbaikuaa, katumba pyndyvaishore jepy pyndyrehe verã.

Lucas 4:1

Jesús Espiritu Santo tynyhe ryheve, oujy ysyryva Jordanvi hãrã Espiritu Santo rahashu yvy ikoambaipi.

Juan 14:26

Tẽvã Espiritu Santo Sheru shyreepe mbou verã hai pynymbypya kavi verã, pynymbo'epo hareka pynymymandu'akahe verã opaite hai pee vekua.

Juan 20:22

Haipe Jesús mboireare peju ĩãrẽrã, heishu: Ameẽpe Espiritu Santo.

Hechos 1:5

Ãñete rãnga Juan yypeĩ pyrymyngarai tẽvã pee piñymyngaraipokui Espiritu Santope.

Hechos 1:8

Tẽvã Espiritu Santo vejymapyrerã ĩmepopyre mbaikatu, hãrã pẽhẽpo shymbeupi Jerusalenpe, Judeape, Samariape hareka yvy japyapevepo mbe'uha ko shiñee.

Hechos 10:46

shara hendu reta yngaiva ñeepy ijetarã hareka pyraheshu Tũpa.

Hechos 10:47

Hãrã Pedro hei: Katurapo mbava jocha ñymyngarai verã opaite ko kuaretare Espiritu Santo vejyheva, ore rãĩmi?

Hechos 11:15

Añepyrũmã aijetarã Espiritu Santo vejy'ĩãrẽ reta, jypyite vejy ñaneãreva rãĩmi.

Hechos 11:24

Bernabé haimba pente kuimbai heko kaviva, tynyhẽvã Espiritu Santo hareka jyrojakue. Hãmemba heta'ẽ kuareta jyrojahea Ñandeja.

Hechos 13:52

Tẽvã Jesús mboireare vy'ajyre hareka tynyhẽ Espiritu Santo.

Hechos 13:9

Haivi Saulo mbyheava jyve Pablo, tynyhe Espiritu Santo hãrã mãikavi'ẽherã,

Hechos 15:8

Tũpa rãnga opa kuaa ñandypyape ẽvãre, hai haihu jyveshu haimba Judiore, meẽ jyveshu haire pevarã Espiritu Santo meẽ ñandea rãĩmi.

Hechos 19:6

Haivi Pablo ipo ñono'ĩãre retarã, Espiritu Santo ou ĩãrẽ reta hareka ñee yngaivapy ijeta retarã mbeu reta Tũpa he'ikava ñee.

Hechos 2:11

ore Judio hareka haimba Judiore jyrojaheva Tũpa. Ĩme'ẽ jyve kuareta Creta hareka Arabiaivi ouva. Opaitea ñahendu ñaniñeepetei õmombaishu Tũpa opaite mbai vasu japo vekua rehe.

Hechos 2:3

Haipe hesha reta tata rãĩmiva pepenteĩ vejyhe ñakare.

Hechos 4:31

Haivi opama jurure retarã, oo haire ñymbaty ñynoĩvape opa ryry; hareka haire opa tynyhe Espiritu Santo hãrã mbeu reta Tũpa ĩñee kyjembape.

Hechos 4:8

Pedro tynyhe Espiritu Santoivirã heishu reta: Mburuvishare Israelpe'õre,

Hechos 6:3

Hãrã shyryvyre, pyheka pynymbyteivi 7 kuimbai pyrojava, tynyheva Espiritu Santo hareka ñy'arãnduva, ñañonopokui ipope hokava haire japo verã.

Hechos 6:5

Hãrã opaite haipe ñymbatyvare haikavishu reta he'iava rãĩmi, haivi ñono reta Esteban, kuimbai tynyheva jyrojakue hareka Espiritu Santo, Felipe, Procopo, Nicanor, Timoteo, Parmenas, Nicolas Antioquiape'õ jyrojahe vekua Judiore ohoheva.

Hechos 6:8

Esteban, Tũpa mynyheshu mbaikatu hareka maĩkavihe, hai rupii japo opa mbai kavi heshaha verã hareka mbai heshaha verã opaite kuaretare mbytepe.

Hechos 7:55

Tẽvã Esteban, tynyhẽ Espiritu Santorã, mãĩ vate arapy hãrã hesha Tũpa hĩmbipekue, hareka Jesús ñymboy'ẽ Tũpa jakata kytyrã.

Hechos 8:17

Pedro hareka Juan ipo ñono'ĩãrẽhe retarã, kyrã vãhẽhe reta Espiritu Santo.

Hechos 9:17

Ananías oho iche oo Saulo ẽvãpe, ipo ñonohẽrã heishu: Shyryvy Saulo, Ñandeja Jesús ijeshakandeje Damascope reirã. Hai shymbou kope ai verã, ryheshajy verã hareka nytynyhe verã Espiritu Santo.

Romano 15:13

Tũpa hai, meẽva jyroja, vy'akue pynytynyhẽpo hareka pya vapype pirojahe verã, Espiritu Santo ñymbai katukue rupii pynytynyhẽ ryheve pynypyrãta verã.

1 Corintios 12:10

Ĩme'ẽ me'ẽãshuva mbaikatu japo verã mbaikavi heshaha verã, hareka ĩme'ẽjy me'ẽãshuva iko verã mbeu'i verã. Hareka yngavare, Tũpa meẽshu reta kuaa verã espiritu japuva hareka Espiritu añeteva, ĩrũre me'ẽãshu ijeta verã ñee kuaahambape ĩmeve'ẽjy me'ẽãshuva kuaa verã mbaivara he'iha hokava ñee kuaahambape.

1 Corintios 13:1

Ajemaĩpo opava kuaretare ĩñeepe aikatu aijeta hareka katupo Tũpa jokuevare ĩñeepe aikatu aijetajy, tẽvã ahaihuã yngava retaperã, shy'ova pente hiero mbi'ipuha'õ, maĩrã maĩnunga parãrãreiva.

1 Corintios 13:8

Ãñete jyhaihukue opããpohai, tẽvã iko verã mbe'uava opapokui, ñee kuaahambava opapokui, hareka jyve ãrãndukue.

1 Corintios 14:18

Ameẽshu ajetekue Tũpa aijetave pyndyhevi ñee kuaahambaperã;

1 Corintios 14:5

Aipotaratẽpo opaĩ pijetapy ñee kuaahambare, tẽvã aipotaveva hai piñimiñee Tũpa ñymbaikatukue ryheve; kova haikaviveshi ijetava ñee kuaahambape, ĩme'ẽ mbeu kavivarã tũpao mupuã verã.

Efesios 3:19

airure Tũpape pikuaa verã hokava jyhaihu, tivishaveva jaikuaa verã, heta pyheky verã opaite Tũpa ĩmereva meẽpe verã.

Efesios 5:18

Avy piñymyngaupi vinopy, hokava rãnga pyrỹmbai, pynytynyhẽ jyve Espiritu Santo.

Efesios 6:18

Pimboi jyvyĩ Tũpape pirure Espiritupy pymaĩ kavi pyndykovere hareka avy pypoi pimbo'ehe opaite heko kyambare.

1 Pedro 1:12

Tẽvã Tũpa opa mbykuaaka reta hoka maĩnunga mbeu jyrevare ha'ẽã haire pevarãñoĩteva, koñeĩ haikavipe verã. Hãrã ã'ẽ kuaaka pe ko maĩnunga ñimiñee'ipe vekua ko Ñee kavivare, Espiritu Santo mboua vekua vate araivi. Kova mbai rãnga Tũpa jokueva retatei pota hesha.

2 Pedro 1:21

Shara Tũpa ĩñee mbeu'iare mapeãmba ijuhuvireii ñimiñee reta. Koñeĩ kuareta pyhyrõavare Tũpa heepeimba ñimiñee reta Espiritu Santo mboivare rãĩmi.