Hechos 2:23 - NandevaBiblia

²³ Ko Jesús rãnga Tũpa ñono hashatãmbareare ipope, Tũpa rekova rãĩmi ñakape hareka hai potava rãĩmi iko, tẽvã pee pijuka pymbysavava kurusure kuimbaire ñañarõvare rupii,

Hechos 2:23 ပူးပေါင်းရင်းမြစ်များ

Mateo 20:19

Haivipo shyme'ẽãkui haimba Judiovare ipope, ñymbyhory shyrehe verã, shunũpa hareka shymbysavavaha kurusure. Tẽvã mbahapy arapepo shykovejyrã ãpuãjykui manovare mbyteivi.

Mateo 26:24

Kuareta Tay iko ñoĩpohe kuatia mbyparahahea rãĩmi, tẽvã tengapokui kuimbai Kuareta Tay meẽva! Haikavivetẽshu verãmba ko kuimbai o'ãrã.

Mateo 27:35

Mbysavavama kurusurerã, syndarore jyvare ñynoĩ Jesús mondeva mbijao ijupe verãre. Kyrã iko Tũpa ĩñee mbeu'ia hei vekua rãĩmi jykuatiape: “Mbijao reta mondeva jyvare ñynoihe mbavarapo raha”.

Marcos 15:24

Hãma mbysavavama reta kurusurerã, haipe syndarore mbijao reta jasoi vekua jyvare ñynoiheape, kuaa verãre mbavarapo raha Jesús monde vekua.

Lucas 22:22

Ãñete kuareta Tay manoñõĩpo ñonoãshuva rãĩmi. Tẽvã, tengapokui meẽ vẽkua!

Lucas 22:37

Hai rãnga pee potanõĩ opa iko shyrehe hekope kavi kuatia mbyparaha vekuapy: “Heko porãmbava rãĩmi rekoha”. Shara opaite he'ia shyrehe vekua, opa iko oho'i.

Lucas 23:33

Vãhẽma jyraha “Tãka kãvẽ rẽnda” he'iashuaperã, kurusure mbysavava reta Jesús, hareka mõkue kuimbai maĩnunga porãmba japo'i vekuare; pente ñonoha jakata kyty, ĩrũ jasu kyty.

Lucas 24:20

hareka marãra pai ruvishare hareka mburuvishare meẽ reta jukaha verã, hãndi kurusure mbysavavaha verã.

Juan 19:18

Haipe mbysavava reta kurusure, hareka mõkue kuimbai hãndi, pente jasu kyty ñonohã ĩrũ jakata kyty, hãrã Jesús mbytepe ñonohã.

Juan 19:24

hãrã syndarore hei ijupe reta: Avy ñamyndoro, haikavivepo jaivareherã mbarapo raha. Kyrã iko hoka Mbyparahavapy'õ heiva: “Amonde vekua ñimbijaohe reta, ajasoiva jyvarehe reta mbarapo raha”. Kyrã katĩ japo reta syndarore.

Hechos 13:27

Jerusalenva hareka juhuvishare kuããshu Jesús, hareka kuãajy Tũpa ĩñee mbeu'iare ĩñe'ẽkue mbijetava Judiore ñymbatyseape putu'uhava arape. Hãrã hai retatei ñonovaimashu Jesús, japohe reta ñĩmĩñee'iare jykuatiape ẽvekuarã.

Hechos 15:18

Kyrã hei Ñandeja, kova mbai japova kuaaha aryka'eitevaĩ, meẽmava ĩñee.

Hechos 2:36

Tikuaa kavi opaite Israelvare, ko Jesús pee pymbysavava vekua kurusure, Tũpa japoshu Ñandeja hareka Mesia rãĩmi.

Hechos 3:18

Tẽvã Tũpa kyrã japo opa iko verã Tũpa ĩñee mbeu'iare rupii mbeu vekua; Mesia manoñõĩ verã.

Hechos 4:28

iko verã opa mbai nde rere vekua rãĩmi.

Hechos 5:28

He'iha kavi rãngape ỹnteñoma pypyrỹmboi verã Jesús heepe, tẽvã ã'ẽ pymytynyhẽma Jerusalen pypyrỹmboihea, hãrã pota pity yryrehe ko kuimbai ñymanokue.

Hechos 5:30

Ñanytynondevare Ñutũpa mynguerajymba Jesús, pee pijuka vekua pymbysavava kurusurerã.

Hechos 7:52

Mbava Tũpa ĩñee mbeu'ia retara reko asyãshu arykai pynytynondeva reta? Haire opa juka, arykaivaĩ ijeta jyrehe heko kaviva ou verãre hareka ã'ẽ oumarã, pee pymbytavyshu hareka pijukashu.

Romano 2:12

Opaiteva porãmba japo'iare kuambava Moisés mbypara vekua japoha verã, jyvarehapohekui mbyparahava japoa verãmbape; hãrã opaite mbai porãmba japova Moisés mbypara vekua kuaatẽvã, mbyparahava japoa verãpypo mbivachehaka.

Romano 4:17

Mbyparahava hei: Arĩñono tentare hetava tuurã, hokava he'ise Abraham haiva ñanderu, Tũpa hỹnonde, kova haimba Tũpa Abraham rojava, Tũpa meẽshuva tykove mano vekuare, hareka japova maĩnunga ikombaterivare.

1 Tesalonicenses 2:15

Hokava Judio reta rãnga juka Ñandeja Jesús, hareka Tũpa ĩñee mbeu'iare arykaivare, hareka opa ỹrỹmohẽ reta. Japoã reta Tũpa potava, hareka opava kuimbaire ñymbyvaisho jyrehe,

1 Pedro 1:2

Opaiteva Tũpa Teru potava rãĩmi pyhyrõãvare Tũpa ñymbaikuaakue rupii. Espiritu Santo rupii pinimbijicheha Tũpa pevarã, ñee pyhendu hareka pijyjoheka verã Jesucristo huvype. Tyvãhepe heta jyhaihukue hareka pyavapy.

1 Pedro 1:20

Cristo rãnga Tũpa rupii pyhỹrõha ndei yvy japoharã vekua, pyndyraihu rupii ijeshakape.

1 Pedro 2:8

Harekajy: Pente ita mãrẽyva, haire vapihe verã. Hai reta rãnga vapi ñee henduãrã; ñonoha verãre pevarã.

Judas 1:4

shara ñymbytavy rupiima ã'ãmo kuareta iche pynypaũpe porãmbava. Haire yngai mbeujy Tũpa pyakavikue heijyre Jesucristo haimba Ñandeja koñyjareva hareka ña'ãpova, hãrã japoi jajaposhu verã heiva. Pya mbijeta reta, Tũpa ñandyraihuiterã, jahembaa ñandyrehe verã mbai porãmba jajaporã. Ajenynga, heta arama he'ihahe kuatia Tũpa ĩñeepe jaheañoĩhe verã hokava kuaretare.

Apocalipsis 13:8

Hareka omombaishu reta kova mymba opaite Avisha Ray jykuatia tykove ryhevape hee ñonoambava, jukaha vekua. Kova kuatia ẽẽmba arykai Tũpa yvy ndeiteri japorã, haipe opa ĩme'ẽ kuaretare hee tykove ĩmemareare.