Hechos 19:9 - NandevaBiblia

⁹ Tẽvã a'ãmore pya mytãta hãrã ñatẽy roja reta, hareka ijeta porãhe reta Tape Py'ahuva kuaretare hỹnonde. Hãrã Pablo syryshi reta hareka raha mbo'ehareare pente kuareta Tirano he'iashua pyrỹmboi'õpe. Haipe opa ara ijetashu reta.

Hechos 19:9 ပူးပေါင်းရင်းမြစ်များ

Mateo 15:14

Pyma'ẽihe hai reta rãnga heshamba kũvãipiare, ĩrũ heshamba kũvaipiare raharea. Hãrã pente heshamba kũvãĩpia rahare ĩrũ heshamba kũvaipiarã, mokue ryheveãrapo oa yvykuape.

Mateo 16:4

Tykove ñarõva Tũpa haihumba hareka ñee hendumbare jurure mbai heshaha verã ara vateivi ouva. Mẽ'ẽhãposhu mbai heshaha verã ara vateivi ouva, koñeĩ heshahakapo pee Tũpa ĩñee mbeu'ia Jonas ikohea rãĩmi. Haipe hejashu retarã oho.

Mateo 26:55

Hãrã Jesús heishu kuaretare: Marã'ĩrãra kyse puku hareka yvyra ryheve pei shypysy verã, manarõ'ia rãĩmi. Opa ara rãnga avapy pynymbyteipi tũpaope apyrỹmboirã, tẽvã mbairãmba shymby peresopiva.

Juan 12:40

Tũpa opa mỹhãvẽshi hesare hareka pya mytãtashi reta. Potãã hesha retarã hareka kuaa reta pyaperã, jyroja shyreherã oujy shykotyrã, hareka amynguera verãre.

Hechos 11:26

Haipe pyta hareka ñymbaty hãndi reta tũpaope'õre pente ãño kavi, hetava kuareta mboishu reta. Hareka ohojy tenta Antioquiape haipemba tynõndeite oñepyrõ mbo'ehareare mbyheheharã he'iashu reta “Cristo jyrojahea”.

Hechos 14:4

Tẽvã henta'iare opa ñimbijajao: Ĩme'ẽ israelvare jykoty'õ, ĩmejy Apostolre jykoty'õ.

Hechos 17:4

Ĩmemba'ẽ haire rojavare, hãrã ñimi'ĩrũmbahe reta Pablo hareka Silas, hetamba'ẽ jyve griegovare rojavare, Tũpa õmombai'iare, hareka hetamba jyve taupe mbyvetehavare tentape.

Hechos 19:23

Hokava arape tape py'ahuva rehe, iko porãmbava tivishava,

Hechos 19:30

Haipe Pablo pota iche'i kuaretare ijetashu verã, tẽvã Jesure mboireare ma'ẽĩãhe iche.

Hechos 20:31

Pimoãpẽĩ, hareka pymanduapohe mbahapy ãño, arakuepe hareka pyharekue shysay ryheve pepenteĩ peeva apyrỹmbarakuaa.

Hechos 22:4

Japoma heta ara amoña'ai ko tapehupi ohovare, ajuka verã hareka araha ambyperesoka kuimbaire hareka taupere.

Hechos 24:21

Koñei haire hỹnonde asapukerã hai: Ã'ẽ pymaĩpẽĩ shyrehe shara aroja manovare kuerajy verã.

Hechos 28:22

Pota henduha ndijuruivi mbaivara rere jyvehe ko ikova, oparupi rãnga henduha porãmba ijetaheva ko mbai py'ahuva.

Hechos 7:51

Tẽvã pee, heishu reta Esteban: Pyndypya tãnta ñoĩva, papysa hareka pyndypya Tũpa kuambava rãĩmi pyre. Espiritu Santo piñymbyvaisho ñoĩpihe.

Hechos 9:2

jurureshu kuatia oho verã Judiore ñymbatyseape Damascope, potañoi vãheshu raha mbyperesoka verã Jerusalenpe opaite õiva Pe py'ahuvape kuimbai hareka taupeivive.

Romano 11:7

Hãmera, mbaivara? Israelitare vãhẽãshu reta haire hekava, tẽvã pyhỹrõãvare vãhẽshu hai, hareka ĩrũre Tũpa pya mytãntashi hai,

Romano 9:18

Hãrã Tũpa parekopo, hai pota parekovape, hareka pota pya mytantashiva, hai mytantashi.

1 Corintios 16:9

Shara õche jypea kavi'ẽshe amba'apo verã, ajemaĩ hetatẽ'ẽ shyreshatambare.

1 Timoteo 6:5

hareka ñyrãrõ opambava, katuã pya mbijeta kavi hareka kuãã mbai añeteva, haire moã tykove mbijicheava Tũpa pevarãpe heta kyrypoti mbatyrã.

2 Timoteo 1:15

Rikuama rãnga tenta vasu Asiape'õre opa shyreja retarã, ẽẽ jyve Figelo hareka Hermógenes.

2 Timoteo 3:5

Ñymbyhekopo tykove mbijicheava Tũpa pevarã rãĩmi, tẽvã ñomipo jyre Tũpa ñymbaikatukue. Avy jihia'i kuareta kyrã'iare.

2 Timoteo 4:2

ñimiñeepy Tũpa ĩñee hareka ereshu tijapo reta, javendeape maĩrã javembandevape; ñono kavi, ñyngãta hareka mykyrẽy opaite ñyharõkuaa ryheve, hareka rymboivape.

Hebreos 3:13

Kyrãte verã pimykyrẽypo opa ara, ẽẽterirã tantangatu ẽẽpeve hokava “ã'ẽ”, mahẽ mbai porãmba pynymbytavyrã pyndypya pymytãtashikui mbavaivi.

2 Pedro 2:12

Tẽvã kova kuaretare jahehe mbai kuaa kavimba vekuare; mymba rãĩmi jyre, oarã pysyha hareka jukaha reta, hãrã jyvareapohe porãmba japova rehe.

2 Pedro 2:2

Hetapo'ẽ mi'ĩrũvare hekokyava haire rãĩmi, hai reta reheĩ ijeta porããpohe pee añeteva.

Judas 1:10

Tẽvã kova kuaretare kuaakavimba retaave ijeta porãhe. Haire mymba rãĩmi jyre, opa mbai kuaa tẽvã kuaakaviã retarã ha'eire jyvare ijehe.