Hechos 19:26 - NandevaBiblia

²⁶ Tẽvã pyhesha hareka pyhenduva rãĩmi, Pablo hei kuareta japova Tũpa rã'anga haimbava Tũpa; kyrã hetavape heirã roja, ha'ẽã ko Éfesopeĩ ajete rãnga opaĩ tenta Asiaipi.

Hechos 19:26 ပူးပေါင်းရင်းမြစ်များ

Hechos 14:15

Kuimbaire, marã'ĩrãra kova pijapo? Ore rãnga kuareta peeva rãĩmi jyve ouha peveĩ rãnga veruhape verã Ñee kaviva, pijyhejama verã mbaimba vekuaivi, hãrã pijerejy verã Tũpa hykoveva jykoty, japo vekua ara, yvy, yyvasu hareka opaite ẽpyare.

Hechos 17:29

Tũpa ñymoñashia ñanderã, katuãpo ñandypya ñambijetarã Tũpa ñambivachehe, ita verava ijuva, ita vera tĩĩva maĩrã itaivi kuaretare japova.

Hechos 18:19

Vãhẽma jyraha Éfesoperã, Pablo heja Priscila hareka Aquila, haivi oho Judiore ñymbatyseape, haipe ijetashu reta Judiore haipe ñymbaty'õre.

Hechos 19:1

Apolo ẽẽ teri Corintoperã, Pablo hasa tentami retaipirã vãhẽ oho Éfesope. Haipe hesha mbovy Jesús mboireare,

Hechos 19:10

Mokue ãño kavi kyrã japo, hãrã opaite ikovare yvy Asiape, hendu Ñandeja ĩñee.

Hechos 19:25

Mbatyka mba'apo'i hãndia retarã heishu: Karaire, pee rãnga pikuaa kova jajapova rupii jaiko katurã.

1 Corintios 12:2

Pee rãnga pikuaa ndei pirojarã, pyma'ẽĩhe pyndyrahaha ta'ãnga ña'ẽnguvare jykoty.

1 Corintios 8:4

Hãrã katura jau ho'uava ta'angape me'ẽãva? Jaikuaa kavi ta'angare mba'ẽã hai ko yvy'ĩãrẽrã, hareka penteĩ'õ Tũpa.

Galatas 4:8

Arykai, ndeiteri pikuaa Tũpaperã, Tũpa ha'ãngare mba'etyva haykue pijokuekapi.

1 Tesalonicenses 1:9

Hai retateiva mbeu marãra pee ỹrỹmyvãhẽ kavi, hareka mbeu reta marãra ta'ãnga pypoi pemombai Tũpa jykoty peijy verã, hai potava pijapo verã Tũpa manombava hareka añeteva,

Apocalipsis 9:20

Kuaretare hembyva, mbairasy porãmba vekuaivi manombare, hejãã reta mbai porãmba japo vekuare, poimbaa omombaiva ãñare, hareka ta'ãngare japoava ita vera ijuvaivi, ita vera tĩĩvaivi, bronceivi, hareka yvyrava, katumba heshava kũvãipi hareka henduĩmba hareka vataĩmba.