4 Vãhẽma putu'uava jy'ararã Pablo ohoñoĩ Judiore ñymbatyseape, ijeta hãndi verãre Judiore hareka griegore, potatẽ rojave reta Jesús haiva Mesia.
Abraham heishu: “Henduseã Moisés, hareka Tũpa ĩñee mbeu'ia retarã, rojã'ãĩpo jyve reta ĩmetẽ'ẽ pũãjyva manovare pãũvi”.
Jesús oho Nazaretpe, mbykuakuaa vekuape, hareka putu'uava jy'arape iche Judiore ñymbatyseape hai jypykuava rãĩmi, hãrã ñymboyrã mbijeta mbypara vekua.
Hãma Judiore pyrãndu jyre ijupe: Matyrapo ohojy ko kuimbai, katumba ñavãĩshu verãpe? Ohorapo Judiore opa ñymõmohẽva hendaipi, mboishu verã griego reta?
Haivi hasa reta Pergeivi tenta Antioquia Pisidia kyty, haipe pente putu'uhava arape iche Judiore ñymbatyseape vapyñynõi.
Iconiope Pablo hareka Bernabé jypykuaañoĩ reta ichejyre reta israelitare jy tũpaope, hãrã ĩjetareta mbyrojaka verã, Judiore hareka haimba Judiore.
Kovare pya kavitevembashi Tesalonicape'iare, vy'ape mỹvãhẽ reta ñee, opa ara ñymbo'eka kavihe reta Mbyparaha vekua, kuaa verãre ãñetera mbe'uha'ẽshuare.
Hãrã ijeta hãndi reta Judiore ñymbatyseape, Judiore hareka opaite Tũpare jyrojavare. Hãrã opa ara ijeta jyve hãndi plazape ñymbaty'õre.
heishu reta: Kova kuimbai rãnga pota opaite kuaretare jyrojaheshu Tũpa, ñee mbyparahava kyrãmbatẽ heiva.
Vãhẽma jyraha Éfesoperã, Pablo heja Priscila hareka Aquila, haivi oho Judiore ñymbatyseape, haipe ijetashu reta Judiore haipe ñymbaty'õre.
Tẽvã pyhesha hareka pyhenduva rãĩmi, Pablo hei kuareta japova Tũpa rã'anga haimbava Tũpa; kyrã hetavape heirã roja, ha'ẽã ko Éfesopeĩ ajete rãnga opaĩ tenta Asiaipi.
Pablo mbahapy jasy kavimba oho Judiore ñymbatyseape, haipe kyjembape mbeu Ñee hareka õñehãã mbyrojaka jyve kuaretare Tũpa huvisharã'õpe'õ ryheva.
Agripa heishu: Ajejeteima rijapo shyhevi Cristo ryheva.
Ñonombajyshu reta pente ara ñymbatyjy verãre, hãme hetaiteve oujy Pablo ẽvãpe. Hãrã ko'ẽĩ hareka ka'arupeve Pablo ijetaheshu reta Tũpa ẽvãpe'õ ryheva. Moisés mbypara vekua hareka Tũpa ĩñee mbeu'iare jykuatia rupii ijeta jyveshu reta haire roja verãre Jesús haiva Mesia.
Saulo õñepyrõ ravi mbeu Judiore ñymbatyseape, hei Jesús haiva Tũpa tay.
Kuaaha rãnga kyjehashi verã Tũpa, hãrã õñehã'ãha mbyrojahaka jyve kuaretare. Tũpa rãnga kuaa mbaivara'ore, hãrã ãhãrõ pikuaa verã jyve pypyape.