Hechos 18:26 - NandevaBiblia

²⁶ Apolo õñepyrõ kyjembape ñimiñee Judiore ñymbatyseape, tẽvã Priscila hareka Aquila hendurã rahashu reta hã'ẽĩ'õpe, mbeu kavivejyshu reta Tũpa hape.

Hechos 18:26 ပူးပေါင်းရင်းမြစ်များ

Marcos 10:15

Añeteĩteva hai pee, ĩme'ẽ myvãhẽmbava Tũpa ẽvãpe'õ ryheva pente sanjay rãĩmirã, icheãpo vate arape.

Lucas 19:26

Mburuvisha vasu hei: “She hai pee, ĩmereva ĩãrẽvepo mẽ'ẽhajyshu; tẽvã mba'etyreva, mĩshĩĩ ĩmetereva hekyajyposhi.

Lucas 24:27

Hãma õñepyrõ Moisésvi hareka Tũpa ĩñee mbeu'iare hei vekuaivi, kuaakashu reta opaite kova mbai kuatia mbyparaa vekua heiva.

Juan 7:17

Tũpa ĩñee pota japova, kuaañoĩpokui she apyrỹmboiheva, haira Tũpa potava rãĩmi, maĩrã shijuhuviira aijeta.

Hechos 14:3

Tẽvã, Pablo hareka Bernabé pytavejyre reta haipe shara Ñanderu Tũpa jyrojahe retarã kyjemba ryheve ijeta Ñandeja heepe. Hai my'ãñete haire heiva Tũpa jyhaihu, mbai heshahava hareka mbai kavi heshaha verã rupii, haire ipoipi japova.

Hechos 18:18

Tẽvã Pablo heta arave pytajy Corintope, koñy marãndushu Jesús jyrojaheare, hãma jupi reta varkope Priscila hareka Aquila hãndi oho verã Siriape. Haivi tenta Cencreape Pablo ñakã mysãka japo verã ĩñee meẽshu vekua Tũpa.

Hechos 18:25

Hai mbo'eha kavihe Ñandeja hape, kyrẽ'ype pyrỹmboi hareka mbeu kavi Jesús ryheva, ajemaĩ koñeĩ kuaa Juan ñymyngaraiva ryheva.

Hechos 19:8

Pablo mbahapy jasy kavimba oho Judiore ñymbatyseape, haipe kyjembape mbeu Ñee hareka õñehãã mbyrojaka jyve kuaretare Tũpa huvisharã'õpe'õ ryheva.

Hechos 28:23

Ñonombajyshu reta pente ara ñymbatyjy verãre, hãme hetaiteve oujy Pablo ẽvãpe. Hãrã ko'ẽĩ hareka ka'arupeve Pablo ijetaheshu reta Tũpa ẽvãpe'õ ryheva. Moisés mbypara vekua hareka Tũpa ĩñee mbeu'iare jykuatia rupii ijeta jyveshu reta haire roja verãre Jesús haiva Mesia.

Hechos 8:31

Kuimbai heishu: Mãrãrapo aikuaa mba'ety mbeu kavisheva? Hãrã jurureshu Felipe jupirã vapy hãndi verã.

1 Corintios 12:21

Tyresa katuãpo heishu tepo: “Aikotẽveãny ndyrehe”, hãma kyrãĩjy ñanaka katuãpo heishu ñandepyre: “Aikotẽveãny pyndyrehe”.

1 Corintios 3:18

Avy mbava ijupei tiñymbytavy. Ĩme'ẽ pynymbytepe hei ijeheva heta ko yvy'ĩãrẽ'õ kuaavarã, tiko mbaimba kuaava rãĩmi, hãmepo ãñeteĩte mbai kuaakui.

1 Corintios 8:2

Ĩme'ẽ pente moãma opa mbai kuaavarã, nde'iave rãngateri opa kuaa, kuaa verã rãĩmi.

Hebreos 6:1

Hãrã jaha tynonde opa jasyrypeve, jaheja jaraha Cristo ryheva tynondeite ñanymbo'eahe vekua. Avy hykuaĩ jaijyshu mbai javaiveãma ñandevape, jaishu ñaimbeujya ryheva hareka jaheja jajapova pyryrahava ñymanope, jyrojakue Tũpare,

2 Pedro 3:18

Haikavivepo, pupuãve peho Jesús jyhaihukuepy hareka pikuave pyraha Ñandejape, Ñanymondojepeva Jesucristo. Japyraheshu Jesucristo ã'ẽ hareka opa arape! Amén.