Hechos 18:19 - NandevaBiblia

¹⁹ Vãhẽma jyraha Éfesoperã, Pablo heja Priscila hareka Aquila, haivi oho Judiore ñymbatyseape, haipe ijetashu reta Judiore haipe ñymbaty'õre.

Hechos 18:19 ပူးပေါင်းရင်းမြစ်များ

Hechos 18:20

Haire jurureshu reta mbovy aramive pyta verã haipe, tẽvã Pablo ñatẽy pyta.

Hechos 18:21

Koñeĩ hei: Aipota rãnga Jerusalenpe ahasakui ko arete ouva. Tẽvã Tũpa heirã aipo apyryreshajykui. Haivi Pablo jupi varkoperã oho Éfesoivi.

Hechos 18:24

Hoka arape vãhẽ Éfesope pente kuimbai Judiova Apolo he'iashua, tenta Alejandriape'õ. Ĩñee katui'ia ijetarã myrỹkey kuaretare hareka kuaa kavi Mbyparahava Tũpa ĩñee.

Hechos 18:4

Vãhẽma putu'uava jy'ararã Pablo ohoñoĩ Judiore ñymbatyseape, ijeta hãndi verãre Judiore hareka griegore, potatẽ rojave reta Jesús haiva Mesia.

Hechos 19:1

Apolo ẽẽ teri Corintoperã, Pablo hasa tentami retaipirã vãhẽ oho Éfesope. Haipe hesha mbovy Jesús mboireare,

Hechos 19:17

Opaite Éfesope'iare, Judiova hareka haimba Judiovare, kuaama reta kovarã opa kyje reta hareka õmomba'ea vasu Ñandeja Jesús hee.

Hechos 19:26

Tẽvã pyhesha hareka pyhenduva rãĩmi, Pablo hei kuareta japova Tũpa rã'anga haimbava Tũpa; kyrã hetavape heirã roja, ha'ẽã ko Éfesopeĩ ajete rãnga opaĩ tenta Asiaipi.

Hechos 19:28

Hendu reta kovarã, poshyite jyre hareka sapuke reta: Tiko puku Diana Efesiovare ñu Tũpa!

Hechos 19:35

Hãrã mbapara'õva hoka tentape, kuaretare opama mbijasakarã hei: Opaite Éfesovare, opaite ko yvy jerekue kuaa ko tenta Éfeso ẽẽ ipope ñyngarekohe verã ko tũpao Tũpa Artemisa hareka ha'ãnga, vate araivi vejyva.

Hechos 20:16

Kyrã japoha shara Pablo ñatẽy hasa Éfesoperã, shara potãã kỹỹĩte pyta Asiaperã, pota'areã vãhẽ oho Jerusalenpe Pentekoste jy'areterãpe.

Hechos 20:17

Miletope imeteri'ẽrã, Pablo hẽnoka tũpaope miñaka'õre, Éfesope'õre ijeta hãndi verã.

Hechos 21:29

Shara heimba reta heshavare tenta Trofimo Éfesope'õ hareka mõãte Pablo rahashu reta tũpaope.

1 Corintios 15:32

Aĩrãrõ hãndi kuimbai rãĩmi Éfesope mymba ñarõ vekua rãĩmiva, mbaivara ãmbijehupy hokava? Mano vekuare kuerajyvyarã, haikavive jajapo ã'ãmore heiva rãĩmi: Jakaru hareka ñaimby'u, paremapo opa ñamano.

1 Corintios 16:8

Tẽvã Éfesope apytapokui Pentecostés jy'aretepeve.

Efesios 1:1

She hai Pablo, Jesucristo apostol Tũpa potava rupii, amarãndu opaite heko kyamba hareka hekope kavi Cristo jyrojahea Éfesope'õre.

1 Timoteo 1:3

Ndeiteri aha tenta Macedonia kytyrã, airure nde rypyta verã tenta Éfesope, rijocha verã opaite haipi yngaiva pyrỹmboi'iheare ỹnteñoma kyrã japo verãre,

2 Timoteo 1:18

Ñandeja jyparekokue tõĩ hãndikui hokava arape. Nde rikuakavi marãra heta ñanymbory Éfesope.

2 Timoteo 4:12

Tíquiko amondo hai Éfesope.

Apocalipsis 1:11

hokava ñee heishe: She hai jypy hareka japyhea, õñepyrõhea hareka opahea, ryheshava mbypara kuatiape rahaka 7 tũpao Asiape'õ, Éfesope, Esmirnape, Pergamope, Tiatirape, Sárdispe, Filadelfiape, hareka Laodiceape.

Apocalipsis 2:1

Mbyparashu Tũpa jokueva tũpao Éfesope'õ: Kyrã hei 7 jasytata ipo jakataperea, hareka ikova 7 tataĩndy hyru ita vera ijuva mbyteipi: