Hechos 16:19 - NandevaBiblia

¹⁹ Kova kuñataĩ jokuereare heshama katuveamapo kyrypoti heky retarã, pysy reta Pablo hareka Silas, hãma raha huvishare hỹnonde, plazape.

Hechos 16:19 ပူးပေါင်းရင်းမြစ်များ

Mateo 24:9

Haivi pypysyapo pynymbyperesoa verã, hetapo jyvavareha pyndyrehe, pukahapo hareka opaiteva kuaretare pyndyreshatããpo shyryhevaperã.

Marcos 13:9

Tẽvã pingareko katu pindijehe. Shara ĩmepo'ẽ pyndypysykarã pyndyrahava mburuvishare hỹnonde hareka punũpa verã Judiore ñymbatyseaipi. Shyryhevaperã pyndyrahapo mburuvisha vasu hareka huvishare hỹnonde, shyreepe piñymbeushu verãre.

Hechos 14:19

Hãma Judiovare Antioquia hareka Iconiova kuaretare mbyposhykashu hareka mbyvaishokahe verã Pablo. Hãma itape Pablo japi reta hareka mõãte jykama retarã, mbytyryry nohẽ reta tentaivi.

Hechos 14:5

Haipema ĩñono reta pente ñeepe israelva hareka haimba israelva hãndi mburuvisharã'õre, apostolre itape japi verã.

Hechos 15:22

Hãma Apostolre, tũpao ñakarã'õre, kuakavare hare opaite tũpaope'õre mbyteivi pỹhỹro reta Judas, mbyheavajy Barsabas hareka Silas mondoha hãndi verãre Pablo hareka Bernabé Antioquiape. Judas hareka Silas kuimbai hekokavivare pente'ova Tũpare jyrojavare.

Hechos 15:26

haire kyjeã ñono reta hykove Ñandeja Jesucristo heepe.

Hechos 15:40

hãma Pablo pyhỹrõ jyve Silas. Haipe Jesure jyrojavare ñonoshu reta Ñandeja ipoperã, jyrahajy,

Hechos 16:16

Pente arape ohoha ñymbo'eharã, haipe heshaha pente kuñataĩ jokueha'reirea ñymbai kuaa'ia ñyvãĩtĩhã hãndi. Hai heta mbykyrypoti ijarãreare, ñymbai kuaa'irã.

Hechos 16:20

Haipe heishu reta huvishare pirĩmbivache'ia: Ko kuimbaire haitẽjyve Judavare, opa myporãã ñynoĩ ñanyrẽta,

Hechos 16:25

Tẽvã pyhare mbytepe Pablo hareka Silas ñymboiñynoĩ retarã hareka pyraheshu reta Tũpa, haipe ĩrũ mbyperesoareare jasaka ñynoĩhe reta.

Hechos 16:29

Haipe veruka pente sapepy verã, ñani oho oo hapype, opa ryryrã ĩñesu Pablo hareka Silas hỹnonde.

Hechos 17:6

Hãma vahẽamashu reta Pablo hareka Silasrã, mbytyryry raha reta Jason hareka a'ãmo jyrojavare, hãrã raha reta huvishare hỹnonde, sapuke jyre: Ko kuimbaire pyrymangãtumba'iare ko yvy jerekue, ã'ẽ ouma jyve kope,

Hechos 21:30

Opaite hokava tentape'õre ikorai hareka ñani ou reta. Hãma pysy reta Pablo hareka mbytyryry tũpaoivirã õche mbotyraveĩ reta.

Hechos 8:3

Tẽvã Saulo haipe opa momohẽ Tũpare jyrojavare hareka henta retaipitei iche oho, nohẽ mbytyryry kuimbaire hareka taupere raha mbyperesoka verã.

Hechos 9:16

She ambyheshakapo heta hasa'asy verã shyreepe jyrojarã.

2 Corintios 6:5

urũnupãhãvape hareka ỹrỹmbyperesoavape, ñymomohẽ vasuvape, pohy mba'apoavape, ochehambape hareka irĩmbahyvape,

Filipenses 1:30

Pee hareka she rãnga ñaĩmeñaĩ penteva ñyhããpeĩ, hokava pyheshama shyrehe, hareka ã'ẽ pyhenduma marãra ãñehããtẽ aha'ai.

1 Tesalonicenses 2:2

Hãma pikuaajy tenta Filipope heta poporãã he'iha ore hareka yryrekoha'asy, tẽvã Tũpa ỹrỹmbory mbe'uhape verã Ñee kaviva, pyavasu ryheve hareka ajemaĩ heta'ẽ pya ohombaheva.

1 Timoteo 6:10

Shara kyrypoti jyhaihu hai opa mbai porãmba vekua jypy, hãrã ĩme'ẽ kyrypoti potaiterã poi jyrojava, hareka heta veru ijupe jyhasa'asy hykovepe.

Santiago 2:6

Pee rãnga pijapo mbaimbava rãĩmi pavete'iare. Ha'eãra iko katuvare pynymymba'apokarei'iva hareka pyndyraha'ia huvishare hỹnonde?