9 Tũpa rãnga mbivavyã haire ẽvã hareka ñande, shara opaĩ johejyveshu reta pyare jyrojavehe retarã.
Haipe ijeta'ẽshua heijyshu: Pedro, kova mymbare She opama ajohe, avy ereshu “kyava”.
Pedro heishu: Pee pikua Judio jykuatiape ẽẽ potamba ichehava hentape hareka jihia karai mbyryvare, tẽvã Tũpa shymbyheshaka potambaa ahenova mbavape kyashuva Tũpa.
Hãrã Pedro õñepyrõ ijetashu reta: Ã'ẽ aikuaa, ãñeteñoĩmba Tũpa pevarã penteva rãĩmi ñanderã,
Hãrã Espiritu Santo heishe aha hãndi verãre kyjembape, hãrã oho jyve shendie 6 ñandyryvy Jesús jyrojaheare, opaiteva icheha pente kuimbai hoo ipe.
Iconiope Pablo hareka Bernabé jypykuaañoĩ reta ichejyre reta israelitare jy tũpaope, hãrã ĩjetareta mbyrojaka verã, Judiore hareka haimba Judiore.
Vãhẽ reta Antioquiaperã mbatyshu tũpaope'õ reta hãrã mbeushu reta opa mbai Ñanderu Tũpa japo vekua haire ipo rupii hareka marãra mbory iche verã ynga tenta haimba Judiore retaipi haire jyroja verã jyve.
Jyrojakue rupii Tũpa mbyheko kavi opaite Jesucristo rojavare, mba'ẽãshu haira Judio maĩrã ha'ẽãra.
Aipota hai kova, Judio retara haikavive ñaĩ yngava retaivi? Mba'ety rãnga! Hai ãĩva rãĩmi, ajemaĩpo Judio ñande maĩrã ha'ẽã, opaiteva rãnga ñaĩmeñaĩ mbai porãmba ñymbaikatu ipe.
Kyrã Tũpa ñanyrẽno arykai Judiovare mbyteivi hareka haimba Judiovare.
opaite Tũpa ryhevare Corintope'õre, pee Tũpa pyhyrõ vekuare henta'ĩrũrã kyamba, hareka opa rupi'õre Ñandeja Jesucristo hee hẽno'iare, haire Ija hareka ñande jyve.
Ĩmera'ẽ pire chĩchĩamashivape hẽnoãva? Kyrãĩ typyta. Ĩmera'ẽ pire chĩchĩambashia hẽnohava? Avy tichĩchika.
Mba'etyma Judiovara maĩrã Greciavara, jokuehareara maĩrã ha'eãra jokueharea, kuimbaira maĩrã tauperã. Pirojama Jesucristorerã, opava pee pentevaĩma.
Ñande rãnga ñañymypenteĩ hãndi Cristo, hãrã mba'eã he'ise iripire chĩchĩhãkara maĩrã mba'ety, koñeĩ haikaviveva hai jyrojakue, hareka kova jyrojakue rupii jahaihu jyve ñandapishare.
Hãrã kuaahamba vekua hai kova: Jesucristo Ñee Kaviva rupii haimba Judiore myvahe verã jyve pyrỹmondojepeva, hareka ĩñee meẽva tenta Israelva retape, hareka pente tentaĩ iko hãndi verã Israel.
Hãrã mba'etyma jyvavyhe verã ndera hai Greciape'õ maĩrã Judiora, ndera ndipire chĩchĩhã maĩrã chĩchĩhããra, ndera mbyryivireiva, maĩrã mba'ẽãra rikuaa, haira nde jokueharea maĩrã ha'ẽãra. Haikaviveva rãnga hai Cristo opa mba'epe hareka jyvache opavape'ẽ.
Ã'ẽ ñee añeteva pijapomarã pyndykyaveãma, Espiritu rupii pijyhaihumapo, hãrã pijyhaihu opaite pente'ovare rãĩmi. Pypya ryheve pijyhaihu.