Hechos 15:32 - NandevaBiblia

³² Hãrã Judas hareka Silas haireta jyve Tũpa ĩñee mbeu'ia retarã heta ñeepe mbyvyajy hareka mỹkyrẽyshu reta pente'ova Tũpare jyrojavare.

Hechos 15:32 ပူးပေါင်းရင်းမြစ်များ

Mateo 23:34

Hãmẽãra amondopokui Tũpa ĩñee mbeu'ia pyrỹmboi'ia mbai kuaava. Tẽvã peepo pijuka hareka pymbysavava kurusure hai retavape, hãrã ĩrũre punũpapokui Judiore ñymbaty'õpe hareka pymoñapokui henta'ia retape.

Lucas 11:49

Hãrã Tũpa ñymbai kuaakuepy hei kavi pyndyrehe: “Ãmondoposhu reta Tũpa ĩñee mbeu'iare hareka apostolre; a'ãmore jukapo retakui hãrã ĩrũre heshatãrã moñapo retakui”.

Hechos 11:23

Bernabé vãhẽ oho Antioquiaperã hesha marãra Tũpa maĩkavihe retarã vya'i, hãrã opaiteva mykyrẽy verã heishu reta roja katu ñynoĩ verãre Ñandeja.

Hechos 11:27

Hokava arape a'ãmo Tũpa ĩñee mbeu'iare oho Jerusalenvi tenta Antioquia kyty.

Hechos 13:1

Tũpao Antioquiape'õ ĩme'ẽ Tũpa ĩñee mbeu'ia hareka pyrỹmboi'iare. Haire hai Bernabé, Simón, mbyheeava jyve “Hũva” Lucio Sireneva, Manaen mburuvisha Herodes mbykuakuaheva hareka Saulo,

Hechos 14:22

Kovare ẽvãpe mykyrẽy jyshu Jesús mboireare, ñimiñẽ'ẽrã heishu reta tantai ẽẽ vẽrãre jyrojakuepe heivape shara jaiche verã Tũpa ẽvãpe heta rãnipo jahasa asy.

Hechos 15:1

Hãrã vãhẽ ou kuaretare Judeaivi, Antioquiape õñepỹrõ mboishu reta Jesús jyrojaheare, pire chinchĩhambava Moisés heiva rãĩmi, katũãpo ohojepekui.

Hechos 15:22

Hãma Apostolre, tũpao ñakarã'õre, kuakavare hare opaite tũpaope'õre mbyteivi pỹhỹro reta Judas, mbyheavajy Barsabas hareka Silas mondoha hãndi verãre Pablo hareka Bernabé Antioquiape. Judas hareka Silas kuimbai hekokavivare pente'ova Tũpare jyrojavare.

Hechos 15:27

Hamẽ rãnga mondoha Judas hareka Silas, haire mbeu kavipe verã mbyparahapeva.

Hechos 15:3

Tũpao Antioquiaivi mondohavare hasa reta Feniciaipi hareka Samariaipi. Haipe Judio Tũpare jyrojavare mbeu marãra haimba Judiovare opa poishi arykai roja vekuare hareka pya hei jyve reta roja verã Tũpa. Kova ñee henduma retarã vy'a jyre.

Hechos 15:31

Mbijetama retarã, opa vyajy jyre shara haikavishu reta.

Hechos 15:41

hãrã hasa reta Siria hareka Siliciaipirã, tũpaope'ẽvãre opa mykyrẽỹ reta, jyrojañoĩhe verãre Ñandeja Jesús.

Hechos 18:23

Haivi heta arama pyta haiperã, õhe vatajyhupi, pepenteĩ vãhẽ Galacia hareka Frigiaipi, mykyrẽyjy Jesús mboireare.

Hechos 2:40

Pedro kyrãva ñee rupii ñimiñeeshu reta hareka mbarakuaashu retarã hei: Avy piko hãndi kuaretare mbai porãmba japo'iare!

Hechos 20:2

Opama vata hoka yvy retaipirã, hareka hetama mykyrẽyshu jyrojava retarã, ohojy Greciape.

Romano 12:6

Tũpa jyvavavy meẽ ñande mbai jaikatu verã, hai pota opaiteva meẽ ñandeva rupiimba. Hãme añete hai ñono ñande heepe ĩñee ñambeu verãrã, japory kavi jairojakue rupii,

Romano 12:8

hãrã ñapyrỹmykyrẽỹ verãrã, ñapyrỹmykyrẽypo. Hãma mbai ĩme jarea ñameẽpotarã, jahaihumbapepo ñameẽ. Mbai ñamiñaka jai verãrã, jajapo kaviñoĩpo. Hareka maĩnunga mba'etyrea ñamborypotarã, vy'apepo ñambory.

1 Corintios 1:8

Kyrãpo hai pynymypyrãta ara opapeve, potãã Ñandeja Jesucristo oujymarã hesha pyndyrehe hekopemba'õrã.

1 Corintios 14:29

Kyrã jyve Tũpa ĩñee mbeu'iare, tijeta mokue, maĩrã mbahapy, hãma ĩrũre tijasaka kavihe hesha verã ñee haira ãñete Tũpaivi ouva.

1 Corintios 14:3

Tẽvã Tũpa ñymbaikatukue ryheve ñimiñee'ia, ijeta mupũã verã kuaretare, mykyrẽy hareka mbypya kavijy.

1 Corintios 14:32

Tũpa ñymbaikatukuepy ñimiñee'ia, ijijokokuapo.

Efesios 3:5

Hoka kuaahakambava aryka'evare jy'arape, ã'ẽ Tũpa heshaka jy'apostol hareka Tũpa ĩñee mbeu'ia heko kyambare Espiritu hai ryheva rupii.

1 Tesalonicenses 2:11

Pikuaajy, pepenteĩ pynymykyrẽ'ỹha hareka pynymbypy'a kavijy, pente teru tayre japoheva rãĩmi,

1 Tesalonicenses 3:2

hãrã mondoha pẽĩvape ñandyryvy Timoteo, hai rãnga jyve Tũpa jokueva hareka ỹrymbory'ia Ñee kaviva Cristo ryheva mbe'ua verã. Mondohape pynymykyrẽỹ verã hareka pynymbory verã tãntapeĩ verã jyrojakuepe,

1 Tesalonicenses 4:1

Ã'ẽ, shyryvyre jurureha hareka pymykyrẽ'ỹha Ñandeja Jesús heepe; pupuãve pekua opa ara teko haikavivape pikuava rãĩmi, pymbyvya verã Tũpa, pijapoma pẽĩva rãĩmi.

1 Tesalonicenses 5:14

Jururehape shyryvyre, pijeta pohyshu verã hekope kavi ñatẽỹ mba'apovare, pymykyrẽyjy ñatẽỹmaheare, pymbory jyrojape kangyvare hareka opavare pyhãrõkuaashu.

1 Tesalonicenses 5:20

Avy pijahehe iko verã mbeu'ia.

2 Tesalonicenses 3:12

Hokava retape mondoha hareka he'ihashu Ñandeja Jesucristo heepe tymba'apove reta vãhẽshu verãre hou verã.

1 Timoteo 2:1

Tynondeite, tirureha'asyhe, timbo'eahe, tirureahe opaiteva kuaretare, hareka tyme'ẽãshu vy'akue opaiteva kuaretare rehe,

2 Timoteo 4:2

ñimiñeepy Tũpa ĩñee hareka ereshu tijapo reta, javendeape maĩrã javembandevape; ñono kavi, ñyngãta hareka mykyrẽy opaite ñyharõkuaa ryheve, hareka rymboivape.

1 Pedro 5:1

Ã'ẽ airureposhu kuakuavare ẽvã pynypaupe tũpaope, she jyve kuakuava haire rãĩmi hareka heshava Cristo jyhasa'asykuere, apitypo jyve hai hĩmbipekue heshahaka verãpe:

1 Pedro 5:10

Tẽvã Tũpa jyhaihukue ojaimbavapy ñanyrẽno hĩmbipekuepy opa arapeva Jesucristore, mishĩĩ jyhasa'asy pyhasamarã, hai pynymbyhekokavi, pynymysymyĩ, hareka pynymypyrãtapo peamba verã.

1 Pedro 5:12

Silvano rupii, haiheva shyryvy jyrojahaheva, koĩpĩ ambyparashu, ambarakuaa hareka kova mbai kavikue vãhẽpeva hai my'añeteva Tũpa jyhaihukue. Tantapeĩhe kova jyhaihu.