Hechos 15:29 - NandevaBiblia

²⁹ Avy peu mymba hoo me'ẽãva tarã'ãnga retape, tuvy, mymba javokahava hareka avy pypyrẽno ndeiteri pemendaheape. Haikavipo pijapokui kova pijijokoshirã. Kova haipeveima.

Hechos 15:29 ပူးပေါင်းရင်းမြစ်များ

Lucas 9:61

Haipe ĩrũ heishu: Sheja, pota rãnga ahave ndipii, tẽvã mã'ẽĩshyre taharãni tambeushu ãĩmoña hãndiare.

Hechos 15:20

Koñeĩ ñambyparashu reta kuatia hareka jairureshu avy hou verãre soo ynga tentape'õ ñutũpare pevarã, avy iko verãre omendambape, avy tou reta mymba javokava hoo hareka huvy.

Hechos 18:21

Koñeĩ hei: Aipota rãnga Jerusalenpe ahasakui ko arete ouva. Tẽvã Tũpa heirã aipo apyryreshajykui. Haivi Pablo jupi varkoperã oho Éfesoivi.

Hechos 21:25

Tẽvã haimba Judiovare roja vekuare, mbyparahamashu reta potamba kova mbaire ojepy'apy ñynoĩ verã, avypo hou reta soo ta'anga mẽ'ẽhashuva, turuvy hareka mymba javokahava hoo, avy mbava ndeite omendava typoko ijehe.

Hechos 23:30

Mbe'uhashe imenda'ẽ pota ñemiãpe pysyva ko kuimbai jukaha vẽra. Hãme rãnga amondo nyrẽndape hareka añonojyveshu porãmba pirĩñono'iare hei verãre nynonde mbaiva rehera ñymbyvaishohe.

2 Corintios 11:9

Ãĩmẽ'ãi pynymbyteperã hareka mba'ety she maĩnungarã, airureãpe shymborypi verã, shara ñandyryvy ouvare Macedoniaivi opa ñonoshe reta mba'etyshea. Hãrã aipotãã añonope pente mbai pohyva, hareka kyrãñoĩpo ajapo.

2 Corintios 13:11

Koñymahea shyryvyre, pyvyañoĩ, pẽĩkavi, piñymykyrẽy pepenteĩ, pente pyapeĩ piko hareka pyavapype. Kyrã Tũpa jyhaihukue hareka pyavapy Ija ẽẽpo penendie.

1 Timoteo 5:22

Avy are'ãĩte ñono ĩãrẽ ndepo rỹmbyhee verã tũpaope mba'apo verã, ndypya rĩmbijeta kavimba terivape. Avy mi'ĩrũhe mbai porãmba japo'iare. Ñyngareko ndijehe ndykove kyamba verã.

Santiago 1:27

Opakavi jajapova Tũpa ĩñee ryheva hai kova: Ñambory reta tuu hareka ishyveamavare hareka ĩme manoshiare opava maĩnunga mba'etyshuape, hareka ñaĩngareko ñandijehe potamba ñaĩmyngyapya mbai porãmba ko yvy'ĩãrẽ'õ.

1 Juan 5:21

Shyrayre ahaihuva, pysyryshipe tũpa rã'ãngare.

Judas 1:24

Tũpa ñyngarekopohe potãã mbai porãmbape pearã hareka ĩmerejy mbaikatu pẽĩ verã hai hỹnonde mbai porãmba mba'etypyrea ryheve. Vy'apepo pẽĩ hỹnondekui hareka kyambape, pente mondeava py'ahuva rãĩmi.

Apocalipsis 2:14

Tẽvã ĩme'ẽ pente mbai ajetemba'ẽshea: Ĩme'ẽ pynymbytepe Balaam pyrỹmboiheva potamba hejava, mboi vekua Balac israelitare oa verã mbai porãmbape hareka pota houshu reta mymba jukahava Tũpa rã'anga retape me'ẽãva hareka mykyrẽyshu reta kyrãrãĩ jyre verã.

Apocalipsis 2:20

Tẽvã ĩme'are pente mbai shypya'ohombahe ndyheviva: Rỹma'ẽĩhe Jezabel taupe ñimiñee Tũpa heepe, mbytavy shyryhevare, mboishu reta ikoĩ hãndi verãre taupe omendambape hareka hou verã ho'uavare me'ẽãva ta'angape.