Hechos 15:23 - NandevaBiblia

²³ Hãrã mbyrahaka reta ko kuatiape heiva: Ore Apostol, kuakuavare tũpao ñãkarã'õre hareka jyve opaite kope tũpaope'õre, pynymarãnduha opaite yryryvyre, haimba Judiovare, pee tenta mbyryva pikova Antioquia, Siria hareka Ciliciape.

Hechos 15:23 ပူးပေါင်းရင်းမြစ်များ

Mateo 4:24

Jesús kuaaha opa Siriaipi. Hãrã veruashu opaite marãrãgãtu ñymbairasy vekuare, mbaiposhy ĩmereare, kuakuamba'ia hareka vatamba vekuare. Jesús opaite mynguerashu reta.

Hechos 11:18

Henduma reta kovarã, opa chĩrĩrĩ hãrã õmombai reta Ñanderu Tũpa hei: Haimba Judiova reta'ẽẽĩmba jyveshu oujy verã Tũpape hejahareishi verãre mbai porãmba japo vekua, hipity verã tykove opambava!

Hechos 11:20

Tẽvã ĩme'ẽ a'ãmo hai retava ouva Chipreivi hareka Sireneivi, vãhẽma jyraha Antioquiaperã õñepyrõ ĩjetaheshu reta haimba Judiova retape, ñee kavi Ñandeja Jesús ryheva.

Hechos 14:27

Vãhẽ reta Antioquiaperã mbatyshu tũpaope'õ reta hãrã mbeushu reta opa mbai Ñanderu Tũpa japo vekua haire ipo rupii hareka marãra mbory iche verã ynga tenta haimba Judiore retaipi haire jyroja verã jyve.

Hechos 15:1

Hãrã vãhẽ ou kuaretare Judeaivi, Antioquiape õñepỹrõ mboishu reta Jesús jyrojaheare, pire chinchĩhambava Moisés heiva rãĩmi, katũãpo ohojepekui.

Hechos 15:2

Pablo hareka Bernabé pya ohoãhe reta, hãrã hokava rehe heta mbai hei ijupe reta. Hãma Tũpa jyrojaheare Antioquiape'õre mondo reta Pablo hãndi Bernabé hareka ynga reta mi'ĩrũ verã Jerusalenpe, kova mbai rehe jyraha apostolre hareka kuakuavare ẽvape ijetahe hãndi verãre.

Hechos 15:22

Hãma Apostolre, tũpao ñakarã'õre, kuakavare hare opaite tũpaope'õre mbyteivi pỹhỹro reta Judas, mbyheavajy Barsabas hareka Silas mondoha hãndi verãre Pablo hareka Bernabé Antioquiape. Judas hareka Silas kuimbai hekokavivare pente'ova Tũpare jyrojavare.

Hechos 15:4

Vãhẽmã jyraha Jerusalenperã, Apostolre hãrã kuakuava tũpaope'õre hareka Tũpa hope ñymboivare myvãhẽ kavi reta. Haipe Pablo hareka Bernabé mbeu kavishu reta opaite Tũpa japova haire rupii.

Hechos 15:41

hãrã hasa reta Siria hareka Siliciaipirã, tũpaope'ẽvãre opa mykyrẽỹ reta, jyrojañoĩhe verãre Ñandeja Jesús.

Hechos 18:18

Tẽvã Pablo heta arave pytajy Corintope, koñy marãndushu Jesús jyrojaheare, hãma jupi reta varkope Priscila hareka Aquila hãndi oho verã Siriape. Haivi tenta Cencreape Pablo ñakã mysãka japo verã ĩñee meẽshu vekua Tũpa.

Hechos 21:25

Tẽvã haimba Judiovare roja vekuare, mbyparahamashu reta potamba kova mbaire ojepy'apy ñynoĩ verã, avypo hou reta soo ta'anga mẽ'ẽhashuva, turuvy hareka mymba javokahava hoo, avy mbava ndeite omendava typoko ijehe.

Hechos 21:3

Hasaha ohoarã mbyryivi heshaha isla Chipre he'iashuva, hejaha yrasu kytyrã ohohaĩ Siriapeve. Hareka varkope rahahava mbyvejyhapo'ẽ Tiroperã, haipe icheha jyve.

Hechos 23:26

She Claudio Lisias, arỹmymarãndu huvisha vasu hekokaviva Felix Romape'õ.

Hechos 6:9

Hãrã puã reta kuimbaire sinagoga he'iashua Libertospe'õ hareka Cirene, Alejandria, Cilicia hareka Asiape'õre hãndi, haivi õñepyrõ ijeta pohyshu reta Esteban,

Galatas 1:21

Haivi ahajy Siria hareka Cilisia jy'yvyipi.

Santiago 1:1

She Santiago Tũpa hareka Ñandeja Jesucristo jokuereva, amarãndu 12 Israel ñymoñashiare opa mamaipi ohova yvy jerekue.

2 Juan 1:10

Ĩme'ẽ oho pohypeva kyrãva pyrỹmboimbahearã, avy pymyvãhẽ pynyrẽntape hareka avypo pymarãndushu.

2 Juan 1:13

Niindy membyre, Tũpa pyhỹrõva, nymymarãndu.

2 Juan 1:3

Tũpa Teru hareka Tyray Ñandeja Jesucristo, maĩkavipo pyndyryhe, hareka meẽpope jyparekokue hareka pyavapy, añetevape hareka jyhaihukuepy.

3 Juan 1:14

shara ãhãrõ'ãĩ aha aryresha verã, haivi jaijeta ijupii verã.