Hechos 14:22 - NandevaBiblia

²² Kovare ẽvãpe mykyrẽy jyshu Jesús mboireare, ñimiñẽ'ẽrã heishu reta tantai ẽẽ vẽrãre jyrojakuepe heivape shara jaiche verã Tũpa ẽvãpe heta rãnipo jahasa asy.

Hechos 14:22 ပူးပေါင်းရင်းမြစ်များ

Mateo 10:38

Hãma jukurusu hupimbaa hareka shĩmi'ĩrũrã, katuãpo sha'ãporãva.

Mateo 16:24

Haivi Jesús heishu mboireare: Ĩme'ẽ pota shimi'ĩrũvarã tiñymbysare ijuhuvi, tuhupi jukurusu kupere, hãrã tou shimi'ĩrũ.

Mateo 19:24

Hãrã haijy pee, javaiãshu kamello hasa verã ju sakuaipi, kuimbai ikokatuvare iche verã Tũpa huvisharã'õpe.

Marcos 10:30

Heja vekua hendakuepe, 100 vepo hipityjy hasa'asykue ryheve ã'ẽvãĩ ko yvy'ĩãrẽ; hoorã, tyvy, hiindy, ishy, ta'y, hareka yvy, tẽvã manomarã hipitypo tykove opambava.

Marcos 9:47

Ndyresa ndirity mbai porãmbaperã, nohẽ ndijuhuvi; haikavivepo ndyresa hyvaishõi riche Tũpa ẽvãpe, mahẽ ndyresa mokue ryheve nymombohakui tata vasupe,

Lucas 24:26

Katuãra Cristo hasa'asyrãni mbai hasyva iche verã hĩmbipeape Tuu ẽvãpe?

Juan 15:18

Kuareta yvy'ĩãrẽ'iare pyndyreshatããrã, pynymanduapohe sherãni shyreshatãã retarã.

Juan 15:20

Pynymanduahe kova she hai pee vekua: “Mba'ety jokueharea vateve'ẽshia jokue'õ”. Hãrã pũã shyrehe retarã, pũãñoĩpo jyve pyndyrehe. Hãrã she haiva haire japorã, pee pereshuva japoñoĩpo jyve.

Juan 16:33

Opaite kova mbai ambeupe pyndypya vapy verã piroja shyreherã. Hetapo pyhasa'asy ko yvy'ĩãrẽ, tẽvã avy pykyje, shepopema rãnga'ẽ ko yvy.

Juan 3:5

Jesús heishu: Añeteĩteva hai nde, oa py'ahujymba yy hareka Espiritu rupii, katuãpo iche Tũpa ẽvãpe.

Hechos 11:23

Bernabé vãhẽ oho Antioquiaperã hesha marãra Tũpa maĩkavihe retarã vya'i, hãrã opaiteva mykyrẽy verã heishu reta roja katu ñynoĩ verãre Ñandeja.

Hechos 11:26

Haipe pyta hareka ñymbaty hãndi reta tũpaope'õre pente ãño kavi, hetava kuareta mboishu reta. Hareka ohojy tenta Antioquiape haipemba tynõndeite oñepyrõ mbo'ehareare mbyheheharã he'iashu reta “Cristo jyrojahea”.

Hechos 11:29

Hãrã opaite Jesús mboireare mambaty verã pepenteĩ ĩmereamire, mboryshu verã ñandyryvyre Judeaipi iko'iare.

Hechos 13:43

Hãrã opama ñymbatyvarã, heta Israelitava hareka tenta mbyryva hekopekavi jyrojaheva Tũpa mĩ'ĩrũshu Pablo hareka Bernabé, haivi ijetashu reta tãnta jyroja ñynoĩ verã Tũpa jyhaihupe.

Hechos 14:20

Tẽvã Jesús mboireare ñymbaty jyrehe Pablo. Hãrã hai puãjyrã hykuaĩ ichejy hoka tentape, hareka parejyrã õhejy hãndi Bernabé Derbes kyty.

Hechos 14:28

Hãrã Pablo hareka Bernabé heta ara pytavejy mbo'ehareare hãndi.

Hechos 15:32

Hãrã Judas hareka Silas haireta jyve Tũpa ĩñee mbeu'ia retarã heta ñeepe mbyvyajy hareka mỹkyrẽyshu reta pente'ova Tũpare jyrojavare.

Hechos 15:41

hãrã hasa reta Siria hareka Siliciaipirã, tũpaope'ẽvãre opa mykyrẽỹ reta, jyrojañoĩhe verãre Ñandeja Jesús.

Hechos 18:23

Haivi heta arama pyta haiperã, õhe vatajyhupi, pepenteĩ vãhẽ Galacia hareka Frigiaipi, mykyrẽyjy Jesús mboireare.

Hechos 6:7

Tũpa ĩñee mbe'uha jyvyĩ rahaha hareka ñymbyhetave Jerusalenpe Ñandeja Jesús mboireare, hareka heta paire jyrojaheva jyve.

Hechos 9:16

She ambyheshakapo heta hasa'asy verã shyreepe jyrojarã.

Romano 8:17

Hareka ñande hai tay retarã, ha'eĩ jyve ñande tay tynondevare; Tũpa tay tynondevare, hareka tynondeiteva Cristo hãndi, añeteĩte jahasa'asy Cristo handirã ñanymbyveteapo jyve handikui.

1 Corintios 1:8

Kyrãpo hai pynymypyrãta ara opapeve, potãã Ñandeja Jesucristo oujymarã hesha pyndyrehe hekopemba'õrã.

Filipenses 1:29

Pee rãnga me'ẽhape Cristo pirojapeveĩmbahe verã, pyhasa'asy verã rãnga jyve hai rehe.

Colosenses 1:23

Kyrã verã piñymyhãtapo pirojakuepe, avy pyheja ñyhãrõkuaa pyrekova ñee kavi pyhendu vekua rupii. Hoka hai ñee kavi mbe'uhava oparupi, hãrã she Pablo, ambory mbe'ua verã.

1 Tesalonicenses 3:13

Hãma jururehajyshu Ñandeja Jesús meẽpe verã pyrãtakue piroja kavihe verã Tũpa, meẽpe verã pente pya kapyryva hareka kyambaa. Kyrãpo oujyma hãndi opaite henta'ĩrũ kyambaare pyhỹrõva retarã, mba'etypo porãmba he'iha pyndyrehe verã Tũpa hỹnonde.

2 Timoteo 1:8

Hãrã nde Timoteo avy noti rijetahe verã Ñandeja, hareka avy shynoti'i, hai reheĩ shymbyperesoha'i. Tũpa ñymbaikatu rupii shimi'ĩrũhe ahasa'asyvape ko Ñee kaviva rehe.

2 Timoteo 3:12

Kyrãpo moñahare jyvekui opaite pota raha ijeheva tykove pyryparekova Cristo Jesús rehe.

1 Pedro 2:21

Shara ha'erãmba pynyrẽnoha; Cristo heta hasa'asy pyndyrehe, heshakape marãrapo pypyrõ peho jyve hakuerepy.

1 Pedro 5:10

Tẽvã Tũpa jyhaihukue ojaimbavapy ñanyrẽno hĩmbipekuepy opa arapeva Jesucristore, mishĩĩ jyhasa'asy pyhasamarã, hai pynymbyhekokavi, pynymysymyĩ, hareka pynymypyrãtapo peamba verã.

1 Pedro 5:9

Tantapẽĩ pirojakuepy, shara pikuaa opaite yvy jerekuepy pee rãĩmi jyrojavare hasa'asy ñynoĩ jyve reta.

2 Pedro 1:11

Hãrã pe'ahapopekui õche vate arape'õ opambava Ñandeja ryheva hareka Jesucristo Ñanymondojepeva.

Judas 1:3

Shyryvyre ahaihuva, pota rãnga ambyparape verã ñanymondo jepeva ryheva ĩmejareva; hareka ã'ẽ añandu tekotẽve ajapo airurepe piñyhãã pirojakuepe haikavi verã penteĩ me'ẽãshu vekua heko kyambare,

Apocalipsis 1:9

She Juan, pyndyryvy hareka pinimi'ĩrũva Jesucristo jyhasa'asype, hai vapyape mburuvisha vasurã'õpe hareka pyrãtape jahasa verã Jesucristo hasava rãĩmi, Tũpa ĩñee ambeu airã hareka Jesucristo rehe aijetarã shymondoha isla Patmos he'iashuape.

Apocalipsis 2:10

Avy kyje ryhasa'asypo rẽĩvare; Ãña rãnga ã'ãmo hããposhu hareka minjekapokui mbyperesoha verãpe pyhasa'asypo 10 ara. Tanta jyroja rỹmanopeve, hãrã she ameẽponde tykove opamba.

Apocalipsis 7:14

She haishu: Sheja nde rãnga rikuaa. Hãrã hai heishe: Kova reta rãnga hai opa jyhasa'asy hasashi vekuare, haire johe mondeva hareka mitĩĩmba reta Avisha Ray huvype.