Hechos 14:15 - NandevaBiblia

¹⁵ Kuimbaire, marã'ĩrãra kova pijapo? Ore rãnga kuareta peeva rãĩmi jyve ouha peveĩ rãnga veruhape verã Ñee kaviva, pijyhejama verã mbaimba vekuaivi, hãrã pijerejy verã Tũpa hykoveva jykoty, japo vekua ara, yvy, yyvasu hareka opaite ẽpyare.

Hechos 14:15 ပူးပေါင်းရင်းမြစ်များ

Mateo 16:16

Simón Pedro heishu: Nde hai Cristo, Tũpa tay hykove'ia.

Juan 5:26

Shara Tuu ĩmere ijehe tykove, kyrãĩ jyve Tay, meẽshu tykove hai reko ijehe verã.

Juan 7:18

Hareka ijuhuvii pyrỹmboiva, japo pota kuaretare mbyveteshurã; tẽvã Tũpa mbouva õñehãã kyrã japo õmombaivasushu verã, hokava añeteva hei hareka mba'etyre mbai hekopemba'õ.

Hechos 10:26

Tẽvã Pedro mupũãrã heishu: Pu'ã, she ha'eĩ jyve kuareta nde rãĩmiva.

Hechos 13:32

Kyrã ore mbe'uha jyve pee Ñee kaviva Tũpa ĩñee meẽ vekua ñanytynõndeva retape.

Hechos 14:21

Hãrã opama mbe'uha Ñee kaviva hoka tenta Derbeperã, heta haipe japoshi mbo'ehare verã. Kova oparã, jyraha reta Listrape.

Hechos 14:7

Hãrã haipi mbeujyve reta Ñee kaviva ryheva.

Hechos 16:30

Katoape raha retarã, haipe pyrãndushu: Karaire, mbaivarapo ajapo ahajepe verã?

Hechos 27:10

Karai reta, ahesha haĩnyshe ko jahajaiva porãmba verã, ñande varko hareka jarahapyare oapy verã yy, katupo ñandeave opa ñamanokui.

Hechos 27:21

Heta araitema karuhããrã, Pablo ñymbou haire mbyteperã hei: Shi'ĩrũre haikavivetẽ verã rãngamba pijapo she haivarã, ñaheã tenta Cretaivirã, hãrãtẽpo mba'eã jehushue varko hareka jyve ñande.

Hechos 27:25

Hãme rãnga kuimbaire, pyrẽĩ katu! She aroja Tũpa japo verã opa mbai hai he'ikasheva rãĩmi.

Hechos 4:24

Haire opama hendurã opaĩ hỹnatu jurure reta Tũpape hãrã hei reta: Sheja, nde rijapo vekua yvy hareka ara vate'õ, yy vasu hareka opa mbai ẽẽpyare,

Hechos 7:26

Pareejyrã, Moisés hesha mokue Israelitava ñyrãrõ ñynoĩrã, hareka pota jocharerã hei: Pee rãnga pente'ovare, mãrã'ĩrãra pindijupii pirãrõpẽĩ?

1 Corintios 8:4

Hãrã katura jau ho'uava ta'angape me'ẽãva? Jaikuaa kavi ta'angare mba'ẽã hai ko yvy'ĩãrẽrã, hareka penteĩ'õ Tũpa.

Efesios 4:17

Kova she haipeva, hareka airurepeva Ñandeja heepe: Pikovẽãma verã Tũpa kuambavare rãĩmi, mbaimba vekuareĩ pya mbijeta'ivare,

1 Tesalonicenses 1:9

Hai retateiva mbeu marãra pee ỹrỹmyvãhẽ kavi, hareka mbeu reta marãra ta'ãnga pypoi pemombai Tũpa jykoty peijy verã, hai potava pijapo verã Tũpa manombava hareka añeteva,

1 Timoteo 3:15

kova kuatiape, sapyareii yrẽ'ãã aharã, rikuaa verã marãrapo ryraha Tũpa jy'tupao, hokava rãnga hai Tũpa hykoveva tũpao, jytasohea hareka mbai añeteva mirãta'õ.

Hebreos 3:12

Pymaĩ shyryvyre, avy mbava pee ĩmetyre pya porãmba hareka mbai rojamba'ia Tũpa hykove'ia pynymymbyryshi verã.

Santiago 5:17

Tũpa ĩñee mbeu'ia Elías haimba pente kuimbai ñande rãĩmiva; jurure jyrojakue ryheve potaveãma haivirã, haivi jyvyãmba yvy'iãrẽ mbahapy ãño hareka ova jasy.

Apocalipsis 14:7

Sapukerã hei: Pykyjeshi Tũpa hareka pemombai, shara vãhẽma ara hai pirĩmbivache verã hareka pemombaishu japova ara vate'õ, yvy hareka yy'vasu hareka yy õhẽ'õre.

Apocalipsis 19:10

Haivi ãĩñesu hỹnonde ãmombaishu verã, tẽvã hai heishe: “Avy hoka japo! Emombai Tũpa, shara she ha'ẽĩ jyve hai jokuerea, nde rãĩmiva hareka opaite ñandyryvyre Jesús ĩñee jyrojateriheare”. Shara ñee Jesús pyrỹmboihea hai mykyrẽyva kuaretare mbeu verã ñee iko verã.

Apocalipsis 19:19

Haivi ahesha mymba ñarõva, yvy ĩãrẽ'õ mburuvisha vasure hareka ñysyndarore ñymbaty ñyrãrõ verãre.

Apocalipsis 22:9

Tẽvã hai heishe: “Avy japo hoka! Emombai Tũpa shara she hai jokuearea nde rãĩmiva, hareka ndyryvy Tũpa ĩñee mbeu'iare, hareka opaite Tũpa ĩñee kova kuatiape'õ hendu hareka japovare”.

Apocalipsis 4:11

“Yreja hareka Yreru, ndeñõi ẽẽ nde nemomba'ea verã, he'ia ndyrehe haikaviteva hareka ñymbai katuiteva; shara nde opa rijapo opa maĩnungare, nde ripotava rupii iko hareka japoha reta”.