Hechos 14:1 - NandevaBiblia

¹ Iconiope Pablo hareka Bernabé jypykuaañoĩ reta ichejyre reta israelitare jy tũpaope, hãrã ĩjetareta mbyrojaka verã, Judiore hareka haimba Judiore.

Hechos 14:1 ပူးပေါင်းရင်းမြစ်များ

Marcos 7:26

Kova t aupe hai Griega, tenta Sirofeniciaivi ouva. Haipe jurure'asyshu Jesús, mohẽshi verã mbaiposhy memby ĩmerea.

Juan 12:20

Jerusalenpe ohovare õmombai verã Tũpa Pascua aretepe, haire mbytepe'ẽjyve Greciavare.

Juan 7:35

Hãma Judiore pyrãndu jyre ijupe: Matyrapo ohojy ko kuimbai, katumba ñavãĩshu verãpe? Ohorapo Judiore opa ñymõmohẽva hendaipi, mboishu verã griego reta?

Hechos 11:21

Ñandeja ñymbaikatukue ẽẽ hãndi retarã, hetamba'ẽ rojavare hãrã hejava heko arykaiva rojava, haivi jyrojajyva Ñandeja.

Hechos 13:43

Hãrã opama ñymbatyvarã, heta Israelitava hareka tenta mbyryva hekopekavi jyrojaheva Tũpa mĩ'ĩrũshu Pablo hareka Bernabé, haivi ijetashu reta tãnta jyroja ñynoĩ verã Tũpa jyhaihupe.

Hechos 13:46

Tẽvã Pablo hareka Bernabé pyavasu ryheve ijetarã heishu reta: Pee Israelitarãni pynymbykuahatẽ verã ko Tũpa ĩñee, tẽvã potãã pypysyrã kova tykove opambava ryheva. Hãrã ã'ẽ ohoapo ñimiñẽ'ẽashu haimba Judiore.

Hechos 13:5

Hãrã vãhema jyraha Salamina he'iashuaperã, oñepyrõ Tũpa ĩñee mbeu reta Judiore ñymbatyseape oho jyve hipii reta Juan mborype veĩverãre.

Hechos 13:51

Hãrã Pablo hareka Bernabé mytymõhe reta ipyre'õ yvy timbo, hãrã jyraha Iconiope.

Hechos 14:19

Hãma Judiovare Antioquia hareka Iconiova kuaretare mbyposhykashu hareka mbyvaishokahe verã Pablo. Hãma itape Pablo japi reta hareka mõãte jykama retarã, mbytyryry nohẽ reta tentaivi.

Hechos 14:2

Tẽvã Judiore rojambaare mbyposhyka reta haimba Judiore hareka mbyvaishokahe Jesure jyrojavare.

Hechos 14:21

Hãrã opama mbe'uha Ñee kaviva hoka tenta Derbeperã, heta haipe japoshi mbo'ehare verã. Kova oparã, jyraha reta Listrape.

Hechos 16:1

Pablo vãhẽ oho Derbe hareka Listraperã haipe hesha pente mbo'eharea, Timoteo he'iashua, pente taupe Judiova memby ko taupe jyrojava jyve Jesús Cristore, tẽvã tuu hai Greciape'õ.

Hechos 16:2

Jesure jyrojavare Listra hareka Iconiope'õre mandua kavihe Timoteo,

Hechos 17:12

Hãrã heta'ẽ rojava hareka griegovare, kuimbai hareka taupere. Kova kuaretare hai vateve'õ tentape, opaiteva taupe hareka kuimbaire.

Hechos 17:17

Hãrã ijeta hãndi reta Judiore ñymbatyseape, Judiore hareka opaite Tũpare jyrojavare. Hãrã opa ara ijeta jyve hãndi plazape ñymbaty'õre.

Hechos 17:4

Ĩmemba'ẽ haire rojavare, hãrã ñimi'ĩrũmbahe reta Pablo hareka Silas, hetamba'ẽ jyve griegovare rojavare, Tũpa õmombai'iare, hareka hetamba jyve taupe mbyvetehavare tentape.

Hechos 18:4

Vãhẽma putu'uava jy'ararã Pablo ohoñoĩ Judiore ñymbatyseape, ijeta hãndi verãre Judiore hareka griegore, potatẽ rojave reta Jesús haiva Mesia.

Hechos 18:8

Hãrã Crispo sinagogape mĩñakã'õ hareka opaite hentape'õre jyroja jyvehe Ñandeja, hareka heta Corintovare hendu hokava ñeerã, rojarã, ñymyngarai jyve reta.

Hechos 19:10

Mokue ãño kavi kyrã japo, hãrã opaite ikovare yvy Asiape, hendu Ñandeja ĩñee.

Hechos 19:17

Opaite Éfesope'iare, Judiova hareka haimba Judiovare, kuaama reta kovarã opa kyje reta hareka õmomba'ea vasu Ñandeja Jesús hee.

Hechos 19:8

Pablo mbahapy jasy kavimba oho Judiore ñymbatyseape, haipe kyjembape mbeu Ñee hareka õñehãã mbyrojaka jyve kuaretare Tũpa huvisharã'õpe'õ ryheva.

Hechos 2:47

Opapaveĩ pyraheshu reta Tũpa hareka opavare haihushu reta. Hãrã opa ara Ñandeja mbyhetave raha kuaretare tũpaope ohojepe verãre.

Hechos 20:21

Judiore hareka haimba Judiovare haishu reta oujy verã Tũpa kyty, hareka jyve jyrojahe verã Ñandeja Jesús.

Hechos 21:28

hareka sapuke reta: Kuimbaire Israelvare, yrỹmborymi! Kova kuimba hai oparupi kuaretare mboiheva ỹrỹrẽta hyvaishorã, Moisés mbypara vekuare hareka tũpaore, harekajy ã'ẽ minjemajy griegore, hareka myngya kova tyrẽnda kyambava.

Hechos 9:20

Saulo õñepyrõ ravi mbeu Judiore ñymbatyseape, hei Jesús haiva Tũpa tay.

Romano 1:16

Ãnotiã ãmbeu ko Ñee kaviva, shara hai Tũpa ñymbaikatukue mondojepeva opaite jyrojaheare, Judio reta rãni hareka jyve haimba Judiovare.

Romano 10:12

Shara jyvavyã Judiore hareka Griegore; shara penteĩ'ẽ Teja, hareka ha'ĩjy opavare Ija hareka hetavee hai meẽshu hai hẽnova retape.

Galatas 2:3

Tẽvã Titopembaa, shimi'ĩrũte'iva, jurureshuare pire chĩchĩka verã, ajema griegote haiva.

Galatas 3:28

Mba'etyma Judiovara maĩrã Greciavara, jokuehareara maĩrã ha'eãra jokueharea, kuimbaira maĩrã tauperã. Pirojama Jesucristorerã, opava pee pentevaĩma.

Colosenses 3:11

Hãrã mba'etyma jyvavyhe verã ndera hai Greciape'õ maĩrã Judiora, ndera ndipire chĩchĩhã maĩrã chĩchĩhããra, ndera mbyryivireiva, maĩrã mba'ẽãra rikuaa, haira nde jokueharea maĩrã ha'ẽãra. Haikaviveva rãnga hai Cristo opa mba'epe hareka jyvache opavape'ẽ.

2 Timoteo 3:11

shymoñaha'irã hareka jyhasa'asykuere. Rikuaa iko shyrehe vekua Antioquiape, Iconiope, hareka Listrape. Tẽvã opa kova mbaivi Ñandeja shynohẽjy.