Hechos 13:45 - NandevaBiblia

⁴⁵ Tẽvã Israelitare heshama hetaite kuareta ñymbatyvarã, oñepyrõ põrãa hei jyrehe Pablo hareka heheijyreshu.

Hechos 13:45 ပူးပေါင်းရင်းမြစ်များ

Mateo 23:13

Tengapope Moisés mbypara vekua pyrỹmboi'iheare hareka fariseore, hova mokue'iare! Pymbotypiva huvisha vasu vate arapy'õ ryheva hõche potãã yngavare icherã, hãrã peeave picheã jyve hareka pyma ẽĩahe iche pota ichevare.

Mateo 27:18

Shara Pilato kuaa haire heshatãã reheĩ meẽshu reta.

Hechos 13:50

Tẽvã israelvare ijeta hãndi taupere hekokaviva hareka hyrãkuakavi'ia karaivasure hoka tentape'õre hãndi, ijeta hãndi huvisha tentape'õre jyvaishohe Pablo hareka Bernabé mohẽ verãre jy'yvyivi.

Hechos 14:19

Hãma Judiovare Antioquia hareka Iconiova kuaretare mbyposhykashu hareka mbyvaishokahe verã Pablo. Hãma itape Pablo japi reta hareka mõãte jykama retarã, mbytyryry nohẽ reta tentaivi.

Hechos 14:2

Tẽvã Judiore rojambaare mbyposhyka reta haimba Judiore hareka mbyvaishokahe Jesure jyrojavare.

Hechos 14:4

Tẽvã henta'iare opa ñimbijajao: Ĩme'ẽ israelvare jykoty'õ, ĩmejy Apostolre jykoty'õ.

Hechos 14:5

Haipema ĩñono reta pente ñeepe israelva hareka haimba israelva hãndi mburuvisharã'õre, apostolre itape japi verã.

Hechos 17:5

Tẽvã kova Judiore jyrojambavare heshatãã reta, hãrã õñepyrõ mbaty reta kuimbaire haipi pehupi ikoreii'iare, opa momõhe verã hoka tentape'ẽvã. Hãrã vãhẽ jyraha Jason hentape heka jyre Pablo hareka Silas, nohẽrã meẽshu verã kuaretare.

Hechos 18:6

Tẽvã haire õñepyrõ ñymbyvaishohe hareka jahehe reta. Hãrã Pablo mỹtỹmo mondeva heshaha verãrã heishu reta: Ã'ẽ ñunupa oupo peãrẽ, tẽvã aikuaveamapo shekui. Hãrã ã'ẽ ahamapo haimba Judiovare mbytepe.

Hechos 19:9

Tẽvã a'ãmore pya mytãta hãrã ñatẽy roja reta, hareka ijeta porãhe reta Tape Py'ahuva kuaretare hỹnonde. Hãrã Pablo syryshi reta hareka raha mbo'ehareare pente kuareta Tirano he'iashua pyrỹmboi'õpe. Haipe opa ara ijetashu reta.

Hechos 5:17

Hãrã pai juhuvisha vasu hareka Saduseore ẽẽ hãndiva haipe opa heshatã'ãkue tynyhe reta.

Romano 1:29

Hãme rãnga haire tynyhẽ mbai hekopemba'õ opaĩ marãrãngatu vekua, haire heko porãã, mbai potavereii jyre, porãmbavaĩ pya mbijetahe reta, pyryreshatãã, mbai potarai, puruka, ñyrãrõse, japu, katu ñono pỹrỹmbytavypy verã hareka ñee ryheva,

1 Corintios 3:3

shara nde'iave pynypyrãta. Ĩmeteri ã'ãmore pynymbytepe pota ha'epaite'iarã hareka poshyvarã, pikoteri kuaretare jyrojambare ikova rãĩmi,

2 Corintios 11:26

Oparupi aha, heta porãã ahasa yysyryvaipi, manarõ'iare mbyteipi, ãĩmoã ryheve sherẽtarãre mbyteipi, Judiomba retaivi hareka tenta yngavaivi ouvare mbyteipi. Hareka heta ahasa porãã tentaipi, yvy ikoamba retaipi, yyvasu hupi, hareka sherẽtarã rã'angare mbyteipi,

Galatas 5:21

pyryreshatãã, pirijuka, ka'u, karuraivi, hãrã japojy heta mbai kyrãva. Apyrỹmymandu'akajyhe haimapeva rãĩmi, kyrã'ia icheãpokui Tũpa ẽvãpe.

1 Tesalonicenses 2:16

hareka yryrejãã mbe'uhashu verã Ñee kaviva haimba Judiovare ohojepe verã reta jyve. Kyrã mbyhetave reta mbai porãmba japo vekuare. Tẽvã Tũpa jahemahe retarã javaitepokui.

2 Timoteo 3:11

shymoñaha'irã hareka jyhasa'asykuere. Rikuaa iko shyrehe vekua Antioquiape, Iconiope, hareka Listrape. Tẽvã opa kova mbaivi Ñandeja shynohẽjy.

Santiago 4:5

Pyrojããra Mbyparahavape heiva? “Tũpa haihu Espiritu ñandypyape ñonova”.

1 Pedro 4:4

Ã'ẽ, pikoveãma hãndi reta heko porãmbaperã, haire porãã hesha reta, hãrã ijeta porãã pyndyrehe.

Judas 1:10

Tẽvã kova kuaretare kuaakavimba retaave ijeta porãhe. Haire mymba rãĩmi jyre, opa mbai kuaa tẽvã kuaakaviã retarã ha'eire jyvare ijehe.