Hechos 13:43 - NandevaBiblia

⁴³ Hãrã opama ñymbatyvarã, heta Israelitava hareka tenta mbyryva hekopekavi jyrojaheva Tũpa mĩ'ĩrũshu Pablo hareka Bernabé, haivi ijetashu reta tãnta jyroja ñynoĩ verã Tũpa jyhaihupe.

Hechos 13:43 ပူးပေါင်းရင်းမြစ်များ

Mateo 23:15

Tengapope Moisés mbypara vekua pyrỹmboi'iheare hareka fariseore, hova mokue'iare! Peho opa rupii ko yvy'ĩãrẽ hareka yyvasu hỹmbeyipi pyheka pyndyryhevarã hãrã hokava pijapomarã pijaposhi Ãña tay mokuejy pyndyheviva.

Hechos 11:23

Bernabé vãhẽ oho Antioquiaperã hesha marãra Tũpa maĩkavihe retarã vya'i, hãrã opaiteva mykyrẽy verã heishu reta roja katu ñynoĩ verãre Ñandeja.

Hechos 13:50

Tẽvã israelvare ijeta hãndi taupere hekokaviva hareka hyrãkuakavi'ia karaivasure hoka tentape'õre hãndi, ijeta hãndi huvisha tentape'õre jyvaishohe Pablo hareka Bernabé mohẽ verãre jy'yvyivi.

Hechos 14:22

Kovare ẽvãpe mykyrẽy jyshu Jesús mboireare, ñimiñẽ'ẽrã heishu reta tantai ẽẽ vẽrãre jyrojakuepe heivape shara jaiche verã Tũpa ẽvãpe heta rãnipo jahasa asy.

Hechos 14:3

Tẽvã, Pablo hareka Bernabé pytavejyre reta haipe shara Ñanderu Tũpa jyrojahe retarã kyjemba ryheve ijeta Ñandeja heepe. Hai my'ãñete haire heiva Tũpa jyhaihu, mbai heshahava hareka mbai kavi heshaha verã rupii, haire ipoipi japova.

Hechos 16:14

Hãrã pente taupe Lidia he'iashua, tenta Tiatirape'õ mondeava pynta hũũva hepyva õvẽnde'õ Tũpa õmombai'ia, jasaka kavi'ẽhe Pablo ijeta'ẽrã, hãrã Ñandeja peashu pya jasaka kavihe verã Pablo hei'õva.

Hechos 17:17

Hãrã ijeta hãndi reta Judiore ñymbatyseape, Judiore hareka opaite Tũpare jyrojavare. Hãrã opa ara ijeta jyve hãndi plazape ñymbaty'õre.

Hechos 17:34

Tẽvã ã'ãmo ĩmemba'ẽ ñimi'ĩrũheva Pablo hareka rojavare, haire mbytepe'ẽ Dionicio, hai Areopagope'ia, hareka ĩme'ẽ jyve pente taupe Damaris he'iashuva, hareka mbovy ñi'ĩrũre.

Hechos 17:4

Ĩmemba'ẽ haire rojavare, hãrã ñimi'ĩrũmbahe reta Pablo hareka Silas, hetamba'ẽ jyve griegovare rojavare, Tũpa õmombai'iare, hareka hetamba jyve taupe mbyvetehavare tentape.

Hechos 18:7

Haivi õhẽ sinagogaivirã, oho pente kuimbai Tisio Justo he'iashua hentape, haijyve pente kuimbai õmombaiva Tũpa, sinagoga hyvache.

Hechos 2:10

Frigia, Panfilia, Egipto, Libia Sirene hyvache'õ ouva jyve, hareka ĩme'ẽ jyve Romaivi ouva kope iko'iare;

Hechos 28:23

Ñonombajyshu reta pente ara ñymbatyjy verãre, hãme hetaiteve oujy Pablo ẽvãpe. Hãrã ko'ẽĩ hareka ka'arupeve Pablo ijetaheshu reta Tũpa ẽvãpe'õ ryheva. Moisés mbypara vekua hareka Tũpa ĩñee mbeu'iare jykuatia rupii ijeta jyveshu reta haire roja verãre Jesús haiva Mesia.

Hechos 6:5

Hãrã opaite haipe ñymbatyvare haikavishu reta he'iava rãĩmi, haivi ñono reta Esteban, kuimbai tynyheva jyrojakue hareka Espiritu Santo, Felipe, Procopo, Nicanor, Timoteo, Parmenas, Nicolas Antioquiape'õ jyrojahe vekua Judiore ohoheva.

Romano 11:6

Kova rãnga iko Tũpa pya kavi rupii. Ha'ẽã haire mbai japo kavirã. Kyrãrã Tũpa pya kavikue haiveãmapo pya kavi.

Romano 3:24

tẽvã Tũpa meẽ jyhaihukuepy mbaimbape ñanymbyheko kavi, mbyhepya ñandyrehe ñanynohẽajy verã Cristo Jesús japova rupii,

Romano 5:2

Hai jairojaherã, ã'ẽ katuma jaiko Tũpa jyhaihupy, tanta ñaĩhe hareka vy'ape ñahãrõkuaa ñaĩmeñaĩ verã jyve Tũpa hĩmbipekuepy.

Romano 5:21

Shara kyrã mbai porãmbava ouma ñymano ĩãrẽrã, me'ẽãreiiva ouma ĩãrẽ mbai kavi tykove opamba verã Ñandeja Jesucristo rupii.

2 Corintios 5:11

Kuaaha rãnga kyjehashi verã Tũpa, hãrã õñehã'ãha mbyrojahaka jyve kuaretare. Tũpa rãnga kuaa mbaivara'ore, hãrã ãhãrõ pikuaa verã jyve pypyape.

2 Corintios 6:1

Hãme rãnga, ore mboryhava Tũpa, jururehape pymyvãhereiimba verã mbai kavikue Tũpa mbouva.

Galatas 5:1

Ãñete rãnga Jesucristo poiika ñandyhevi jokueareire vekuaivi! Hãme rãnga piñymypyrãta mahẽ hykuaĩ ikojy pyhevikui jokueareirea Moisés mbypara vekuapy.

Galatas 5:4

Ĩme'ẽ peeva pota ijoheva Tũpa hỹnonde japo'i Moisés mbypara vekuarã, hoka kuareta syrymashi Jesucristo hareka mbijiche Tũpa jyhaihukue.

Efesios 2:8

Pee rãnga pehojepe Tũpa jyhaihu rupii, shara pirojaherã. Kova mbai ha'eã peii pijapo vekua rupii, Tũpa me'ẽĩpeva rãnga.

Filipenses 3:16

Tẽvã ñande hokava japitykavivare, pente ñeepeĩpo jaiko hareka penteva pyapeĩ.

Filipenses 4:1

Hãrã pee shyryvyre apyryraihuva, hareka shykyrẽy apyryreshava, tãnta katu pẽĩhe Ñandeja, ahaihuvare.

Colosenses 1:23

Kyrã verã piñymyhãtapo pirojakuepe, avy pyheja ñyhãrõkuaa pyrekova ñee kavi pyhendu vekua rupii. Hoka hai ñee kavi mbe'uhava oparupi, hãrã she Pablo, ambory mbe'ua verã.

Colosenses 1:28

Ore rãnga mbe'uha Cristo ĩñee, pyrỹmbarakuaaha hareka ãrãndupe mbe'uhashu opavare, Cristo rãĩmi opa kavi pyndyreko kavi verã.

Tito 2:11

Tũpa jyhaihukue tivishava heshaka opaite kuareta retape, veru ñymondojepeva kuaretare pevarã.

Hebreos 12:15

Piñyhãã avy mbava hipityããkui Tũpa pyakavikue, mahẽ mbava ovakui pente yvyra hapo irova hareka opavape myporããkui.

Hebreos 13:9

Avy pyroja yngai pyrymbo'eaheva hareka kuaahambava. Haikavivepo ñandypyape pũã Tũpa jyhaihukue, hareka avy pyhendu pyrỹmbo'eahea ho'uava ryheva, mbaivapeã haikavishu hokava ñee ho'uava ryheva henduvare.

1 Pedro 5:12

Silvano rupii, haiheva shyryvy jyrojahaheva, koĩpĩ ambyparashu, ambarakuaa hareka kova mbai kavikue vãhẽpeva hai my'añeteva Tũpa jyhaihukue. Tantapeĩhe kova jyhaihu.

2 Pedro 3:14

Hãme shyryvyre ahaihuva, pyhãrõteripeĩ kova mbai jehu verãrã, pyrẽĩkatu pindijupe pyavapype, tykove kyambape hareka mbaimba mbojaharei pyndyrehevape.

1 Juan 2:28

Ã'ẽ shyrayre ahaihuva, piñymypenteñoĩhe Cristo, jairojahe verã hai ijeshakamarã, ñanymarãmbashi verã hai oujymarã.

2 Juan 1:9

Ĩme'ẽ Cristo pyrỹmboiva rãĩmi õhẽshivarã mba'etyre Tũpa; tẽvã ikova heiva rãĩmi ĩmere Tuu hareka Tay.