30 Tẽvã Tũpa mũpũajy manovare mbyteivi.
Mba'ety kope, kuerajy hai heiva rãĩmi. Pei pymãihe ñonoa vekuape.
Sheru shyraihu, shara aĩ shykove ameẽ verã, haivi ai apysyjy verã.
Jesús heishu reta: Opa pymambai ko tũpao, mbahapy arapepo ãmupũãjykui.
Tẽvã Tũpa mbahapy arajyape mupuãjyshu, hareka hykuaĩ ñonojy ñande jahesha verã.
Tũpa opa japo ĩñee meẽ ñande vekua, ñande haijyveva ñymoñashia, mynguerajyshu verã Jesús, heiva rãĩmi Salmo mokueheape: “Nde hai shyray ko arape she ãrĩmĩmoña vekua”
Tũpa heimba mynguerajy ñoipo Jesús manovare mbyteivi hetekue ñymbaimba verã, heijy kuatiape mbyparahava kyrã: “Ameẽpojyvepe jyparekokue añeteva David ãmbeushuva rãĩmi jyve”.
Tẽvã Tũpa mynguerajy vekua hetekue tujuã hai.
Tũpa ñono pente ara mbivacheka verã hekope kavi yvy jerekuepy'õ, pente kuimbai rupii hai pyhỹrõ vekua, hareka heshaka hai pyhỹrõva mbivacheka verã mũpuãjy manovare mbyteivi.
tẽvã Tũpa mynguerajy manovare mbyteivi, nohẽjyshu ñymanoivi, hãrã ñymano mba'etyre pyrãtãkue jepyhe verã.
Tũpateiva rãnga mynguerajy Jesús, hãrã ore pytaha hokava heshahava mbe'ua verã.
Abraham, Isaac, Jacob ñu Tũpa hareka ñanytynondevare ñu Tũpa rãnga, vateiteve ñono hai tay Jesús opaite jokueva retaivi, pee pymeẽ hareka piñomipyre Pilato hỹnonde, hai heimatẽã poishi verã.
Kyrã pijuka tykove Ija, tẽvã Tũpa mynguerajy manovare mbyteivirã hãrã ore hai hokava mbai heshaha vekua.
Pee pevarã tynõnde Tũpa mupuãjy tay Jesucristo, hai rupii pipity verã jyhovasa hareka hejaka pyndyhevi verã mbai porãmba pijapopi vekua.
Mbe'uha kavi, opaite Israelpe õre kuaa verã, ko kuimbai pỹnonde'õ, Jesucristo Ñazaretpe'õ heepe kuera. Kova Jesús pee pymbysavava vekua kurusure hareka Tũpa mynguerajy mano vekuare mbyteivi.
Tũpa pyakaviva, ñymanoivi puãjy vekua Ñandeja Jesús, avisha ñyngareko'ihea ojaimbava, ñee me'ẽãva opa ara pevarã huvy rupii.
