Hechos 12:7 - NandevaBiblia

⁷ Sapy'aĩ ijeshaka Ñandeja jokueva hareka hĩmbipekue opa mykõĩ'ipe pyrỹmbyperesohaseape. Tũpa jokueva Pedro pokoherã, mombarã hei: Narẽã pũ'ã! Hãrã haipe kadenare opa oashi Pedro papyivi.

Hechos 12:7 ပူးပေါင်းရင်းမြစ်များ

Mateo 2:13

Ohojyma karai ãrãndu retarã, Tũpa jokueva José jypaihupe ijeshakashurã hei: “Pũ'ã, narẽ'ãĩte raha sanjay hareka ishy Egiptope. Haipe pytakui she ãrỹmarãndujypeve, shara Herodes hekakapo'ẽ sanjay juka verã”.

Lucas 2:9

Mondii ijeshakashu reta pente Tũpa jokueva, haivi Ñandeja hĩmbipekue sape juri reta, hãrã opa kyje reta.

Lucas 24:4

Opa kyje retarã kuaã mbaivarapo japo reta, hãrã haipe ijeshakashu reta mokue kuimbai mondea opa hĩmbipeva;

Hechos 10:30

Kornelio hei: Japoma 4 ara, kuijavepe'ãmo mbahape oravape, sheii shyrẽtape mbaimba hau ãĩva ka'arurã, mondii pente kuimbai mondeva opaĩ hĩmbipeva ijeshakashe.

Hechos 12:23

Haipevãĩ pente Tũpa jokueva mbypere, shara õmomba'ẽãshu Tũpa, hãrã Herodes hasorã mano.

Hechos 12:6

Haivi Herodes nohẽjyvyĩma'ẽ verã pyharepe meẽ verã henta'õre ipope, Pedro oche'ẽ mokue'õ syndarore mbytepe, tãnta pokuahavape mokue kadenape, hareka ĩrũ syndarore katoape õnchepe ñyngareko'ẽhea karcel.

Hechos 12:8

Hãrã Tũpa jokueva heishu: Jokua ndukua hareka mondejy ndypasa. Opa kyrãã japorã Tũpa jokueva heijyshu: Mombo ndijehe rijasoiva hareka ei shaykue.

Hechos 16:26

Haivi sapy'ãĩ hỹnatu yvyryry hãrã opa my'õmy oo jypyre, õchere opa jypea hareka mbyperesoareare opa jerashi kadenare.

Hechos 2:24

tẽvã Tũpa mynguerajy manovare mbyteivi, nohẽjyshu ñymanoivi, hãrã ñymano mba'etyre pyrãtãkue jepyhe verã.

Hechos 5:19

Tẽvã pente Ñandeja jokueva, pynturã pea pyrỹmbyperesohaseape hõche, hãrã nohẽjyrã heishu reta:

Hechos 9:3

Haipe vãhẽserima oho tenta Damascoperã, mondii ou juri pente sapeva araivi.

Efesios 5:14

Hokava rehe rãnga he'iha: Sareko nde recherẽĩva. Pũã manovare pãũvi hãrã Cristo sapepo ndyrehe.

Hebreos 1:14

Shara Tũpa jokuevare hai espiriture mba'apova Tũpa pevarã, jokueshu mbory verãre opaite ñymondojepe hipityva retape.

Apocalipsis 18:1

Hokava haykuema aheshajy yngava Tũpa jokueva vejy ou vate araivi. Ñymbaikatu vasukue ryheve, hareka hĩmbipekuepe opa mykõĩ yvy'ĩãrẽ.