Hechos 11:20 - NandevaBiblia

²⁰ Tẽvã ĩme'ẽ a'ãmo hai retava ouva Chipreivi hareka Sireneivi, vãhẽma jyraha Antioquiaperã õñepyrõ ĩjetaheshu reta haimba Judiova retape, ñee kavi Ñandeja Jesús ryheva.

Hechos 11:20 ပူးပေါင်းရင်းမြစ်များ

Mateo 27:32

Õhẽ jyjaha retarã, ñyvãiti hãndi reta pente kuimbai Cirenepe'ia Simón he'iashua; mbyrahaka reta Jesús jukurusu.

Juan 7:35

Hãma Judiore pyrãndu jyre ijupe: Matyrapo ohojy ko kuimbai, katumba ñavãĩshu verãpe? Ohorapo Judiore opa ñymõmohẽva hendaipi, mboishu verã griego reta?

Hechos 11:19

Haivi Esteban jukahamarã õñepyrõ pũãhe reta Jesús jyrojaheare, hãrã a'ãmore ñyvãhe Fenicia kyty, Chipre hareka Antioquiape, mbavamba ijetajyheshuare Ñee Kaviva koñeĩ Judiova retapeĩ.

Hechos 11:22

Tũpao Jerusalenpe'õre kuaama kyrã mbe'uharã, mondo reta Bernabé tenta Antioquiape.

Hechos 11:26

Haipe pyta hareka ñymbaty hãndi reta tũpaope'õre pente ãño kavi, hetava kuareta mboishu reta. Hareka ohojy tenta Antioquiape haipemba tynõndeite oñepyrõ mbo'ehareare mbyheheharã he'iashu reta “Cristo jyrojahea”.

Hechos 11:27

Hokava arape a'ãmo Tũpa ĩñee mbeu'iare oho Jerusalenvi tenta Antioquia kyty.

Hechos 13:1

Tũpao Antioquiape'õ ĩme'ẽ Tũpa ĩñee mbeu'ia hareka pyrỹmboi'iare. Haire hai Bernabé, Simón, mbyheeava jyve “Hũva” Lucio Sireneva, Manaen mburuvisha Herodes mbykuakuaheva hareka Saulo,

Hechos 14:26

Hãrã haivi jupi reta varkope hareka jyraha reta Antioquiape, hokava tentaivi mondohaka reta mbai kaviva pevarã hareka ñonoshu verã Tũpa ipope japo verã Tũpa japo vekua.

Hechos 15:22

Hãma Apostolre, tũpao ñakarã'õre, kuakavare hare opaite tũpaope'õre mbyteivi pỹhỹro reta Judas, mbyheavajy Barsabas hareka Silas mondoha hãndi verãre Pablo hareka Bernabé Antioquiape. Judas hareka Silas kuimbai hekokavivare pente'ova Tũpare jyrojavare.

Hechos 15:23

Hãrã mbyrahaka reta ko kuatiape heiva: Ore Apostol, kuakuavare tũpao ñãkarã'õre hareka jyve opaite kope tũpaope'õre, pynymarãnduha opaite yryryvyre, haimba Judiovare, pee tenta mbyryva pikova Antioquia, Siria hareka Ciliciape.

Hechos 15:30

Hãrã Bernabé, Pablo, Judas hareka Silas jyraha Antioquiape. Vãhẽma jyraha haiperã, ñymbaty hãndi reta tũpaope'õre hãrã haipe meẽ reta kuatia mbyparahava.

Hechos 17:18

Hãma epicureo pyrỹmboi'iheare hareka estoico ijeta pohy ijupe hãndi reta. Ĩme'ẽ heiva: Mbaivara ijetahe hokava ĩñeegãtu'ia? Ĩme'ẽjy heiva: Ĩme'ãmo yngava tũpare myhỹrãkua'iare. Shara mbeushu reta Ñee kavi Jesús ryheva hareka manovã kuerajya ryheva.

Hechos 18:22

Vãhẽma jyraha Cesareaperã oho Jerusalenpe marãndu verã tũpaope'õre, haivi ohojy Antioquiape.

Hechos 2:10

Frigia, Panfilia, Egipto, Libia Sirene hyvache'õ ouva jyve, hareka ĩme'ẽ jyve Romaivi ouva kope iko'iare;

Hechos 4:36

Kyrã haire mbytepe ẽjyve mbory'ẽshua paire tũpaope, José he'iashuva, Apostolre mbyheembajypy reta Bernabé, he'iseva “mbypya kaviva hapishare”, hokava hai Chiprepe'õ;

Hechos 5:42

Opa arapema tũpaope hareka oomire ẽvãipi pyrỹmboi mbeu reta ñee py'ahuva Jesús hee ryheva.

Hechos 6:1

Hokava arape ñymbyhetave oho Jesús mboireare, opaite ijetava griego ĩñeepe õñepyrõ ijeta porããhe reta hebreo ĩñeepe ijetavare, hei reta ñyngarekoha kaviãhe opaite taupere hai ryheva retarã, ĩme manoshiare, hou verãre mẽ'ẽhavape.

Hechos 6:5

Hãrã opaite haipe ñymbatyvare haikavishu reta he'iava rãĩmi, haivi ñono reta Esteban, kuimbai tynyheva jyrojakue hareka Espiritu Santo, Felipe, Procopo, Nicanor, Timoteo, Parmenas, Nicolas Antioquiape'õ jyrojahe vekua Judiore ohoheva.

Hechos 6:9

Hãrã puã reta kuimbaire sinagoga he'iashua Libertospe'õ hareka Cirene, Alejandria, Cilicia hareka Asiape'õre hãndi, haivi õñepyrõ ijeta pohyshu reta Esteban,

Hechos 8:35

Hãrã Felipe õñepyrõ mbeu kavishu ko mbyparahavape'õ mbijetavaivi, hareka mbeushu Ñee kaviva Jesús ryheva.

Hechos 8:5

Felipe, hai jyve penteva, oho tenta Samariape hãrã õñepyrõ ijeta hareka mbeu Cristo ryheva.

Hechos 9:20

Saulo õñepyrõ ravi mbeu Judiore ñymbatyseape, hei Jesús haiva Tũpa tay.

Hechos 9:29

Haipe ijeta hareka hei ñynoĩ ijupii reta Judiore hãndi griego ĩñeepe ijetavare tẽvã haire õñepyrõ hei reta juka verã.

1 Corintios 2:2

Hãrã ãĩme'ãĩ pynymbyteperã, koñeĩ aijetahe Jesucristo ryheva, jaishu, manorã vekua kurusure.

Galatas 2:11

Tẽvã Pedro ouma tenta Antioquiaperã, hovapetei poshy ryheve haishu shara hai porãmbava japo.

Efesios 3:8

She, shimishĩveva opaite heko kyamba retaivi, tẽvã Hai meẽshe, jyhaihukue rupii, ambeu verã Ñee kaviva haimbaa Judio retape hareka jahe mbai haikaviva Cristo ryheva,