Hechos 10:35 - NandevaBiblia

³⁵ hareka Tũpa opa pavẽĩ haihu, opaite tenta, kyjeshiva retape hareka mbai haikaviva yngavare japova.

Hechos 10:35 ပူးပေါင်းရင်းမြစ်များ

Lucas 1:28

Tũpa jokueva iche Maria ẽvãperã heishu: Arỹmarãndu kavi! Ñandeja ẽẽ nendie, mbaikavipy nymytynyhẽva opaite taupe retaivi.

Hechos 10:2

Kornelio hareka hĩjapore hãndi haihuva hareka kyje Tũpaivi. Heta Judiore paveteva mbory hareka ñymboiñy'iva Ñanderupe.

Hechos 10:28

Pedro heishu: Pee pikua Judio jykuatiape ẽẽ potamba ichehava hentape hareka jihia karai mbyryvare, tẽvã Tũpa shymbyheshaka potambaa ahenova mbavape kyashuva Tũpa.

Hechos 15:9

Tũpa rãnga mbivavyã haire ẽvã hareka ñande, shara opaĩ johejyveshu reta pyare jyrojavehe retarã.

Hechos 9:31

Hãrã opaite tũpao Judeape'õre, Galilea hareka Samaria, reko reta pyavapy hareka ñymypyrãta jyrojakuepe. Ñandeja kyjeshiape iko reta, hareka Espiritu Santo mboryshu retarã ñymbyhetave jyraha.

Romano 2:13

Shara Tũpa mbyheko kaviã Moisés mbypara vekua hẽndupeveĩ'ia, koñeĩ hendurã japovaĩ.

Romano 2:14

Shara haimba Judiovare japo jyve ñee mbyparahava japoha verã Tũpa ryheva, ajemaĩ kuambatẽva, shara haire kyrã potarã, kuaa reta mbaivara haikaviva hareka mbaivara porãmba.

Romano 3:22

Jyrojakue rupii Tũpa mbyheko kavi opaite Jesucristo rojavare, mba'ẽãshu haira Judio maĩrã ha'ẽãra.

1 Corintios 12:13

Shara penteva Espiritu Santoivi pepenteĩ ñanymyngaraiha opaite iko ñandyhevi verã penteva tyreteĩ, jaishu Judio maĩrã griego, jokuehareireape maĩrã mbaimba ñandochavape; hareka opaĩ penteva Espirituivi ñonoã ñande ñaimbyu verã.

2 Corintios 7:1

Hãme, shyryvyre ahaihuva, kova ĩmejareva hai ñee me'ẽãva. Hãme avypo ñaimyngyapy opaite katu ñanymyngyavare, katupo ñandyretepe maĩrã espiritupe, kyrãpo ñandyky'ãã shara Tũpaivi jakyje.

Galatas 3:28

Mba'etyma Judiovara maĩrã Greciavara, jokuehareara maĩrã ha'eãra jokueharea, kuimbaira maĩrã tauperã. Pirojama Jesucristorerã, opava pee pentevaĩma.

Efesios 1:6

Kyrãpo ñamombai vasuñoĩshu Tũpa shara ñandyraihuite, hareka hai ĩãrẽve meẽjy ñande mbai haikaviva Tay haihuva rupii.

Efesios 5:21

Pijapo kavi pijehe Cristo jyhaihukue rupii.

Filipenses 3:3

Ñande hai ãñete ñymbai pire chĩchĩava; ñamombaiva Tũpa ñande espiritu ryheve, javyava Cristo Jesure, hareka jairojambaheva tyroore.

Colosenses 1:6

Hoka ñee rãnga mbe'uhamaĩpe, hareka oparupi ko yvy jerekue pũã hareka ñymbyheta oho, jehuva rãĩmi jyve pynymbytepe, hoka arape pyhendurãvaĩ ko añeteva, marãra Tũpa pyndyraihu.

Colosenses 3:11

Hãrã mba'etyma jyvavyhe verã ndera hai Greciape'õ maĩrã Judiora, ndera ndipire chĩchĩhã maĩrã chĩchĩhããra, ndera mbyryivireiva, maĩrã mba'ẽãra rikuaa, haira nde jokueharea maĩrã ha'ẽãra. Haikaviveva rãnga hai Cristo opa mba'epe hareka jyvache opavape'ẽ.

1 Juan 2:29

Pee pikuaa Jesús hykove kavivarã, pikuaapo jyve opaite japova mbaikavi oa Tũpaivi.