Hechos 10:22 - NandevaBiblia

²² Haire hei: Senturion Kornelio rãnga ỹrỹmbouje, pente kuimbai heko kaviva, Tũpa omoimbaishuva hareka opavare ijeta kavihe Judiore mbytepe. Pente Tũpa jokueva heishu ouha ma'ẽã ndyrehe, reho verã hentape nde rereshuva hendu verã.

Hechos 10:22 ပူးပေါင်းရင်းမြစ်များ

Mateo 1:19

José hai kuimbai heko kaviva, potãã mymarãkashurã mbavamba kuavape pota hejareshu.

Mateo 2:12

Tẽvã Tũpa kuaakashu reta jypaihupe, potamba ohojy verãre Herodes ẽvãpe, hãrã tape yngavaipi jyrahajy hentape.

Marcos 6:20

shara Herode kyje'ishi Juan, kuaa kavite hai kuimbai heko kyambarã, hãrã ñyngareko kavihe, hendu ijeta'ẽrã ajemaĩ kuaa kaviãshi, tẽvã Herode kyrẽ'ỹpe hendushu.

Marcos 8:38

Ĩme'ẽ mbava shynotivarã hareka Shiñee notiva ko tykove ñarõva hareka mbai porãmba japo'ia hỹnonde, kuareta Tay notipo jyveshukui oujyma Tuu hĩmbipekue ryheverã hareka Tũpa jokueva heko kyambare hãndi.

Lucas 2:25

Hokava arape Jerusalénpe iko'i pente kuimbai heko kaviva Simeón he'iashua. Tũpa õmombaiva hareka harõ'iva Israel mupu'ãjy verã. Espiritu Santo ẽẽ hãndi.

Lucas 23:50

Iko haipe pente kuimbai heko kaviva José he'iashua, tenta Arimatea Judeape'õ, hai jyve Judiore juhuvisha penteva.

Lucas 9:26

Ĩme'ẽ shynõti'ia hareka shiñee, ãnotipo jyvekui, kuareta Tay oujyma hĩmbipevapyrã, Sheru hĩmbipekuepy hareka opaite jokuevare heko kyambare hãndi.

Juan 13:20

Ãñete hai pee, ãmondova myvãhẽ kaviva, shymyvãhẽjyve; hãrã shymyvãhẽva, myvãhẽjyve shymbou vekua.

Juan 17:20

Ha'ẽã kova retareĩ airurendeva, airure jyvehende mbairã jyroja shyrehe verãre, henduma haire mbeuvarã.

Juan 17:8

she ambeushu reta niñee rikuaakashe vekua, hãrã haire roja. Kuaama reta ãñetẽĩte ndyhevi aiva, hareka roja reta nde shymbouva.

Juan 5:24

Ãñeteĩte hai pee, she haiva henduva hareka jyrojahea shymbou vekua, ĩmemare tykove opambava. Jahehããpohe shara hasama ñymanoivi tykove opamba kyty.

Juan 6:63

Espiritu rãnga hai meẽva tykove; tyro'o mba'ẽã hai. She aijetahepeva hai añeteva Espiritu ryheva meẽva tykove.

Juan 6:68

Hãrã Simón Pedro heishu Jesús: Yreja, akuarã mbavarapo ohoajy hipi? Niñee rãnga hai meẽva tykove opambava.

Hechos 10:2

Kornelio hareka hĩjapore hãndi haihuva hareka kyje Tũpaivi. Heta Judiore paveteva mbory hareka ñymboiñy'iva Ñanderupe.

Hechos 10:21

Hãrã Pedro vejyrã, heishu kuimbai jokuehavare: She hai pyhekapiva. Mbaiverãra shyrekapi?

Hechos 10:30

Kornelio hei: Japoma 4 ara, kuijavepe'ãmo mbahape oravape, sheii shyrẽtape mbaimba hau ãĩva ka'arurã, mondii pente kuimbai mondeva opaĩ hĩmbipeva ijeshakashe.

Hechos 10:33

Haivi ãrẽ'ãĩte amondo ndyreka verã hareka ndypya kavimbaje, rei verã. Ã'ẽ opaite ĩmehã'ẽ Tũpa hỹnonde, henduha verã opaite Ñandeja ñonondeva rỹmbeu ore verã.

Hechos 10:6

Simón mymba pire mba'apo'ihea hentape pyta'iva, yyvasu hymbeype”.

Hechos 11:14

hai heipo ndekui marãra katu rehojepe ndee hareka nysanjayre hãndi”.

Hechos 22:12

Haipe ẽẽ pente kuimbai Ananías he'iashua, kuimbai pyryparekova Tũpa haihuva hareka Moisés mbypara vekua heiva japoñoĩ'ia, hareka opaite Judiore ijeta kavihea Damascope'õre.

Hechos 24:15

Hãrã haire rãĩmi, ĩme'are jyve ãhãrõva Tũpaivi, mano vekuare kuerajy verã, heko kyambare hareka heko porãmbavare.

Hechos 6:3

Hãrã shyryvyre, pyheka pynymbyteivi 7 kuimbai pyrojava, tynyheva Espiritu Santo hareka ñy'arãnduva, ñañonopokui ipope hokava haire japo verã.

Romano 1:17

Ñee kaviva rãnga ñanymboihe Tũpa mbyheko kaviva Jesús jyrojahea. Mbyparahava heiva rãĩmi: “Heko kaviva Tũpa jyrojaherã rupiipo iko”.

2 Corintios 5:18

Opaite kova mbai ou Tũpaivi, ñaniñonojy kavi hãndi opavare, hareka ñandokue opava retape ñañono kavijy hãndi verã.

1 Timoteo 3:7

Tekotẽvẽ ijetaha kavijyvehe Jesús jyrojambaterihevare mbytepe, mahẽ ijetaha porããhe hareka oakui Ãña ñonovapy.

Hebreos 10:38

Opa mbaipe heko kaviva jyrojakue rupiipo iko, tẽvã haykue ohojyva avy'ããpo hãndi reta.

Hebreos 11:2

Jyrojakue ĩmereare rupii ñanytynondevare ijetaha kavihe reta.

Hebreos 12:23

hareka ñymbatyva Tũpa tay tynondevare mbyparahava vate arape. Tũpa teiva piñymbojahe, opavare mbivacheva, hareka piñymboja jyvehe kuaretare je'espiritu vate arape'õre mbyheko kaviamavare,

2 Pedro 3:2

Pynymanduahe arykai Tũpa ĩñee mbeu'ia heko kyambavare hareka ñeẽ japoa verã Ñandeja ña'ãpova hareka Pyrỹmondojepe'ia apostolre rupii.

3 Juan 1:12

Opaiteva ijeta kavihe Demetrio hareka hai hykovepe heshaka he'iaheva añeteva. Ore ijetahakavĩĩ jyvehe, nde rikuaa kavi mbe'uhava haiva añeteva.

Apocalipsis 14:10

haipo hou jyve Tũpa poshykue, haitei ẽẽ vekua poshykue hyrupe; hãrã jyvareapohe tatapy hareka asufre Tũpa jokuevare kyambava hỹnonde hareka Avisha Ray.