Hechos 10:1 - NandevaBiblia

¹ Ĩmemba'ẽ tenta Cesareape pente kuimbai Kornelio he'iashua, 100 ẽvã syndarore miñaka'ishua, kuaahava jyve Syndarore jatyse'õ “Italiava” he'iashuape.

Hechos 10:1 ပူးပေါင်းရင်းမြစ်များ

Mateo 27:27

Hãma huvisha syndarore rahashu Jesús huvisha hentape hareka mbatykashu ĩrũre ẽẽ hãndiare.

Mateo 27:54

Syndaro ruvisha hareka opaite haipe'ẽ hãndiare Jesús ñyngareko'ẽheare heshama yvyryry hareka opaiteva mbai ikovarã, kyjeiterã hei: Kova rãnga ãñeteimba Tũpa Tay.

Marcos 15:16

Hãma syndarore raha Jesús, huvishavasu ho'ipe “Pretoriope” hãrã haipe syndarore opa mbatyka ñi'ĩrũre.

Lucas 7:2

Haipemba ẽẽ 100 syndaro huvisha Romape'õ ĩmerea pente jokuereirea haihuva, hai ñymbairasy hareka mano verãĩma'õ.

Juan 18:12

Haivi syndarore juhuvisha hãndi, hareka Judio ñyngareko'iheare pysy reta Jesús, hãrã pokua reta.

Juan 18:3

Haipe Judas vãhẽ oho hãndi syndarore hareka tũpaope ñyngareko'õre, paire juhuvisha hareka fariseore mondova. Raha reta sapepyare, tata yvyrare myhendyava hareka kyse pukuva.

Hechos 10:24

Hãma ĩrũ arajyape iche reta Cesareape, haipe Kornelio hãrõ ñynoĩ hentarãre hareka ñi'ĩrũre ñee rahakashuvare.

Hechos 21:31

Jukaserimajyreva, myvãhẽãmbashu marãndu syndarore juhuvisha, opaite kuaretare Jerusalenpe'õre opa ikoraiva.

Hechos 21:8

Pareejyrã, vãhẽha ohoha tenta Cesareape. Haipe vãhẽha ohoha Tũpa ĩñee mbeu'ia Felipe hentape, hai jyve penteva Ñee kaviva mbeu'ia 7 õvare hãrã pytaha hãndi.

Hechos 22:25

Tẽvã opama popokua reta nũpa verãrã, Pablo heishu 100'õ syndarore juhuvisha haipe'ẽvã: Ñonoharape punupãka verã Romava pikuamba porãmbara japo?

Hechos 23:23

Haivi syndarore juhuvisha vasu hẽno mokue syndarore 100 ẽva juhuvisha heishu myhẽvã verãre 200 syndarore yvyipĩĩ'iare, 70 kavajure'iare hareka 200 mĩĩ ĩmereare pyntumarã oho verãre tenta Cesareape.

Hechos 23:33

Vãhẽma jyraha Cesareaperã, meẽshu reta huvisha kuatia hareka Pablo.

Hechos 25:1

Hãrã Festo vãhẽ Cesareape mburuvisharã vapy verã. Mbahapy arajyape oho Cesareaivi Jerusalenpe.

Hechos 25:13

Hãrã mbovy arajyape Mburuvisha vasu Agripa hareka hyreko Berenice oho Cesareape marãndushu verã Festo.

Hechos 27:1

Meẽma reta yrỹmondo verãre Italiaperã, me'ẽha Pablo hareka a'ãmo mbyperesoareare pente 100 õvã syndarore juhuvishape Julio he'iashua, huvisha vasu Augusto ñysyndarore ryheva.

Hechos 27:31

Tẽvã Pablo heishu Centurion hareka syndarore: Kovare pytãã varko vasuperã, pehojepeãpokui.

Hechos 27:43

Tẽvã centurion syndarore juhuvisha Julio he'iãshu reta, shara potamba Pablo mondojepe. Hãme hei ĩme'ẽ katu iña'ỹtavarã ojepoipy verã yy hareka vãhẽ oho vẽra hymbeykyty,

Hechos 8:40

Tẽvã Felipe heshahajy tenta Azotope, hareka opaite tenta retaipi mbeu raha Ñee kaviva, vãhẽ peve Cesareape.