Hebreos 9:14 - NandevaBiblia

¹⁴ mbovykuerapore mbaikatukue Cristo huvykue! Hai, Espiritu opamba rupii, ñymeẽ kyamba ryheve Tũpape, johe verã ñandypyape opaite mbai japoarã manõa ryhevaivi, jaijokuekashu verã Tũpa hykove'ia.

Hebreos 9:14 ပူးပေါင်းရင်းမြစ်များ

Mateo 12:28

She ãmohẽ mbaiposhykue Tũpa Espiritu rupiirã, hokava he'ise Tũpa Mburuvisha vasu vãhẽmapeva.

Mateo 16:16

Simón Pedro heishu: Nde hai Cristo, Tũpa tay hykove'ia.

Mateo 20:28

Kyrã, kuareta Tay oũã ñyngareko pyryrehe verã, jokueha'i verã rãnga jyve hareka meẽ verã tykove, mondo jepe verã hetavape mbai porãmbaivi.

Mateo 7:11

Pee piniñarõva, mbai haikavivaĩ pymeẽshu pyndyrayre, ñopyĩara hai Peru vate arapy'õ, mbai haikavivapo meẽshu jurureshuare.

Lucas 1:74

ñandyrekyshi verã opaite ñandyvaishore, hareka jakyjembape jaha verã hai haykue,

Lucas 12:24

Pymaĩhe vyrapuare, haire ñotỹa hareka mỹno'õã; mba'ety houva nãtu verãpe, tẽvã Tũpa myngarushu. Pee rãnga mbai vasuveshi vyrare!

Lucas 12:28

Hãma Tũpa kyrã mimonde yvyramire ñanaipi'õ hãndi ñũũhupi ã'ẽvãre, haivi kõĩjyrã opa momboha hornope, marãĩrapo pynymymondekaã kuareta sai jyrojava!

Lucas 4:18

Ñandeja je Espiritu ẽẽ shearẽ, hai shymbyheko kavi ãmbeuverã Ñee Kaviva pavete'ia retape. Shymbou amynguera verã ojepy'apy'iare; amohẽjy verã mbypereso vekuare, hareka heshajy verã kũvaĩpi heshambare; apoikajyshi verã jopya porãmba'õre;

Juan 3:34

shara Tũpa mbou vekua ijetahe Tũpa ĩñee, shara Tũpa opaĩ meẽshu jy Espiritu.

Hechos 1:2

hupihapeve vate arapy, ohojyma potarã, Espiritu Santo rupii mbeushu mbaivara japopo reta Apostol hai pyhyrõ vekuare.

Hechos 10:38

Tũpa ñonohẽ Jesús Nazareno Espiritu Santo hareka ñymbaikatukuepy, heta Ãña ichepy vekuare opa kuera, shara Tũpa ẽẽ hãndirã.

Hechos 14:15

Kuimbaire, marã'ĩrãra kova pijapo? Ore rãnga kuareta peeva rãĩmi jyve ouha peveĩ rãnga veruhape verã Ñee kaviva, pijyhejama verã mbaimba vekuaivi, hãrã pijerejy verã Tũpa hykoveva jykoty, japo vekua ara, yvy, yyvasu hareka opaite ẽpyare.

Hechos 15:9

Tũpa rãnga mbivavyã haire ẽvã hareka ñande, shara opaĩ johejyveshu reta pyare jyrojavehe retarã.

Romano 1:20

Tũpa opava japovare rupii heshaka katumba heshahaheva, ñymbaikatukue opamba ryheva hareka haiteiva hai Tũpa. Hãme rãnga mba'etyma hei verãre.

Romano 1:4

tẽvã kuerajyrã, hareka Espiritu Santo ñymbaikatu rupii heshahakamba Jesucristo Ñandeja haiva Tũpa Tay.

Romano 11:12

Hãme, Judiore ñee hendumbaa veru ikokatukue opaite yvy ĩãrẽ pevarã hareka Judiore javyva rupii veru ikokatukue haimbaa Judio retape, ñañonoshu mbaivarapo verukui Judiore ñymbypy'aujymarã!

Romano 11:24

Nde ndijypyivive hai nde olivo ñanaipi'õ, haivi ndijasyjaha hareka nimbihi'a olivo haikavivare hareka javai'ãĩtevemapo mbihi'aha Judio retare, arykaima hai peeva olivo haikaviva hãka.

Romano 6:13

Avypo pyporyka pyndyrete ryhevare mbai hekopemba'õ pevarã, kyrãte verã, piñiñono Tũpa ipope, ĩmeĩteri'ia rãĩmi manovare mbytepe, hareka pyrete ryhevare pymeẽ mbai mbi'ipuhavare mbaikaviva rãĩmi Tũpa pevarã.

Romano 6:22

Hãma ã'ẽ pymbysyryamashiva mbai porãmba vekua, japoama pyndyhevi Tũpa jokuereva. Kova rãnga mbijehu pee pevarã tykove kyamba, hareka koñemahea pyvaĩposhu tykove opambava.

1 Corintios 15:45

Kyrã hei kuatia mbyparaha vekua: “Kuimbai tynondeva, Adán, japoha hete hykove ryheve”; hãma Adán mokueheva hai, espiritu meẽva tykove.

2 Corintios 5:21

Cristo rãnga japoã hai mbai porãmba, tẽvã ñandyraihuiterã Tũpa rekoshu mbai porãmba japo'ia rãĩmi, hai rupii japity verã Tũpa ñimbivache.

2 Corintios 6:16

Mbaivaperapo haikavi'ẽ hãndi Tũpa hoo hareka tarã'ãngare ñemombai vasu ryheva? Ñande rãnga hai Tũpa ĩme'ia hoo, haiteiva rãnga hei: She aikopo hãndi reta, hareka avatapo haire mbyteipi. Hãma she haipo ñu Tũpa hareka hai retapo jyve shyrẽnta ĩrũre.

Galatas 2:19

Moisés mbypara vekua pevarã rãnga she amanoma, tẽvã Tũpa pevarã ãĩmeĩ ai.

Efesios 2:5

ñanymynguerajy hãndi Cristo, mbai porãmbape ñamanoterirã vekua. Kyrã Tũpa jyhaihukue rupii jahajepe.

Efesios 5:2

Piko jyhaihuvape Cristo ñandyraihuva rãĩmi. Cristo hykove meẽ ñandyrehe vekua, pente avisha ray jukahava rãĩmi hareka me'ẽãva Tũpape pishe katuva.

1 Tesalonicenses 1:9

Hai retateiva mbeu marãra pee ỹrỹmyvãhẽ kavi, hareka mbeu reta marãra ta'ãnga pypoi pemombai Tũpa jykoty peijy verã, hai potava pijapo verã Tũpa manombava hareka añeteva,

1 Timoteo 1:17

Hãrã ñamombaivasu hareka ñambitivishañoĩpo Mburuvisha vasu opambava, manombava, katumba heshahava, hareka Tũpa koñeĩ'õ ikova opa ara! Amén.

1 Timoteo 3:15

kova kuatiape, sapyareii yrẽ'ãã aharã, rikuaa verã marãrapo ryraha Tũpa jy'tupao, hokava rãnga hai Tũpa hykoveva tũpao, jytasohea hareka mbai añeteva mirãta'õ.

Tito 2:14

Hai ñymeẽ ñandyrehe mbai porãmba vekua ñandijorashi verã hareka opa kavi ñandohe, iko ñandyhevi verã henta'ĩrũre, mbai haikavivaĩ japo'i verã.

Hebreos 1:3

Tũpa hĩmbipekue heshahahe Tay, hai rãnga penteva rãĩmi handi Tũpa, Tay rupii tanta'ẽ opa mbai ĩñee ñymbaikatuva rupii. Opama johe ñandyhevi mbai porãmba jajapo vekuarã, vapy'ẽ Tũpa ñymbaikatuva jakata kyty vate arapy,

Hebreos 10:10

Tũpa ñanymbyheko ky'ãã shara Jesucristo japoshu Tũpa potava ha'eĩ meẽ hete jukaha verã penteĩ hareka opa ara pevarã.

Hebreos 10:12

Tẽvã Jesucristo meẽma mbai porãmba vekuarerã penteĩ jukaha opa ara pevarã, vapy Tũpa jakata kyty.

Hebreos 10:2

Ãñete mbyparahava mbai porãmba joherã, mbaiveãmate reko ijehe verã hareka meẽveãmate verã mymba jukava ryheva Tũpa pevarã.

Hebreos 10:22

Hãrã, ñaimbojahe Tũpa ẽvãpe pya añetevape hareka tanta jairojavape, joheha ñandypya potaveãma jajepy'apyhe verã mbai porãmba vekuare hareka yy kyambavapy joheha tyretere.

Hebreos 11:21

Jyrojakue rupii Jacob, manoserimarã, ohovasashu pepenteĩ José tayre hareka õmombaishu Tũpa jy'yvyrare ñyrãtaĩ'iape.

Hebreos 13:12

Kyrã jyve, Jesús nohẽha tentaivi hareka mano katoape, mbyheko kavi verã hai huvy rupii hai ryhevare.

Hebreos 3:12

Pymaĩ shyryvyre, avy mbava pee ĩmetyre pya porãmba hareka mbai rojamba'ia Tũpa hykove'ia pynymymbyryshi verã.

Hebreos 6:1

Hãrã jaha tynonde opa jasyrypeve, jaheja jaraha Cristo ryheva tynondeite ñanymbo'eahe vekua. Avy hykuaĩ jaijyshu mbai javaiveãma ñandevape, jaishu ñaimbeujya ryheva hareka jaheja jajapova pyryrahava ñymanope, jyrojakue Tũpare,

Hebreos 7:16

Yngaijy hai, shara pyhỹrõhããmba ñymoña hãndiaivi ñee mbyparahava japoa verã heiva rãĩmi, koñeĩ pyhỹrõhamba pente tykove mbaikatu rupii ñymbaimbava.

Hebreos 7:27

Hai ha'ẽã ĩrũ pai vasure rãĩmiva, opa ara ikotẽveva mymba jukahava, tynonde mbai porãmba hai japovare, haivi japo jyvehe tentape'õre pevarã. Tẽvã Jesús penteĩmba haiteiva ñymeẽ jukaha verã hareka opa ara pevarã.

Hebreos 9:12

Cristo iche Tyrẽnda Kyamba'eitevevape, ha'ẽã kapura hareka vakare huvy rupii, koñeĩ ha'ei huvypy; penteĩ icherã hipityma ñande pevarã ñymondojepeva opa arape.

Hebreos 9:26

Kyrãpotarã, Cristo hetajymbapo mano ko yvy jypyite japoharãvãĩ. Tẽvã ha'ẽã kyrãva. Ã'ẽ, ko ara opa oho'iape, penteĩmba ijeshaka hareka opa arape, mbai porãmba opa mambai verã ha'ei ñymeẽ jukaha verã.

Hebreos 9:7

Tẽvã oo ñyvyĩ mokueheape koñeĩ pai ruvishaĩ iche pentejy pente ãñope, icherã rahañoĩpo mymba jukahava huvy, hokava meẽhe mbai porãmbare hai japo vekua hareka mbai porãmbare Israelvare japo vekua haire kuambape.

Hebreos 9:9

Opaite kova ñymyhã'anga ñande ã'ẽ, Tũpape me'ẽãva hareka mymba jukaharã me'ẽhava Tũpape haipe katuãpo añete pyape mbyhaikavi kyrã õmombai'iare.

1 Pedro 1:19

koñeĩ Cristo huvy haikavivapy, Avisha Ray mambaimbaa, kyambava hareka kapyryva.

1 Pedro 2:22

Hai japoã mbai porãmba, hareka mbavapeã mbytavy.

1 Pedro 2:24

Haiteiva opa raha hetere mbai porãmba kurusure, ñamanoma verã mbai porãmbape hareka haikavivape jaikojy verã. Hai mbyperehavapy pykuerajy.

1 Pedro 3:18

Cristo manojyve mbai porãmba jajapova rehe. Hai mbai porãmba japombatẽva, ñañarõva rehe hasa'asy, pyndyraha verã Tũpa ẽvãpe. Hai mano hetepe hareka kuerajy Espiritu rupii.

1 Pedro 4:2

pimeĩteripirã pikombaa verã pyndyroo potavape, kuaretare potava rãĩmi, koñeĩ Tũpa potava rãĩmi.

1 Juan 1:7

Tẽvã jaiko hendyvaperã, Tũpa hendyvape ẽvã rãĩmi, pente pyapeĩmapo ñaĩ hãndi yngare, hareka Tay Jesucristo, huvy rupii opa ñandohe mbai porãmba vekuaivi.

1 Juan 3:5

Pee rãnga pikuakavi Jesucristo ijeshakamba hekyshi verã kuaretare mbai porãmba vekua, Hai mba'etyre hareka japoã hai mbai porãmba.

Apocalipsis 1:5

hareka Jesucristoivi heshava jyrojaheva, tynondeite kuerajyva hareka mbaivasuveshiva mburuvisha vasu yvy ĩãrẽ'õre. Hai ñandyraihurã hareka opa ñandohe mbai porãmba vekuaaivi huvypy,