Hebreos 9:11 - NandevaBiblia

¹¹ Tẽvã Cristo ouma hai pai vasurã veru verã mbai kavikue ã'ẽ ĩmejareva. Hai iche Tũpa tabernáculo haikaviveva hareka hekope kavi'õ vate arape'õ, ha'ẽã kuareta japo vekua, hareka ha'ẽã yvy'ĩãrẽ'õ.

Hebreos 9:11 ပူးပေါင်းရင်းမြစ်များ

Mateo 11:3

Ndera hai Cristo ou verã, maĩrã ĩmera'ẽjy yngava hãrõha verã?

Mateo 2:6

“Nde Belén, Judeape rẽĩva, nimishivẽãmapokui mbavaivi tentare mbytepe. Shara ndyhevipo õhẽ mburuvisha vasu, ñyngarekohe verã shyrẽnta Israel”.

Marcos 14:58

Ore henduha heirã: “Opapo ãmambaikui ko tũpao kuimbaire japo vekua, tẽvã mbahapy arape amupũãpojy yngava, haimba kuimbaire japova”.

Juan 1:14

Hãma hokava Ñee ikoshi kuareta, hareka iko'i ñanymbyteipi, tynyhẽ jyhaihukue hareka añeteva. Ore heshaha hĩmbipekue, hãrã hokava hĩmbipeva hai Tyray ña'ãpova, Teru meẽshuva tay penteĩ'ia.

Juan 4:25

Haivi taupe heishu Jesús: She aikuaa jyve ou verã Mesia, Cristo he'iashua; hai oumarã opa mbaipo mbeu kavi orekui.

Hechos 7:48

Katynga ha'ẽã Tũpa iko'iva hoka tũpao kuaretare japovape. Tũpa ĩñee mbeu'ia heiva rãĩmi:

2 Corintios 4:18

Ore ma'ẽhãhe ijyheshavare, koñeĩ ma'ẽhã heshahambavare. Shara mbai ijyheshava opareii, tẽvã heshahambare hai ikova opa ara.

2 Corintios 5:1

Ñande jaikuaa ñandykove hãĩ, oo yvy'ĩãrẽ'õ opa ñymbai verã, tẽvã kova oo opa ñymbairã, Tũpa myhẽvã'ẽ ñande vate arape pente oo opa ara pevarã, haimba kuaretare ipope japova.

Colosenses 2:11

Cristo rupii pindipire chĩchĩama jyve. Tẽvã ha'ẽã japoava tyretere, koñeĩ ñandipire chĩchĩãva Cristo japo ñandyreheva, hareka ñandyreky porãmba vekuaivi.

Hebreos 10:1

Moisés mbypara vekua rãnga hai pente haikaviva heshaha verã Tũpa meẽ ñande verã. Hãrã mbyparahava katuã añeteĩte mbyhaikavi ñono opaite ãñope raha mymba jukarã meẽñoĩva Tũpa pevarã.

Hebreos 12:27

Hãma hei kova “pentemapo”, kuaaha opapo hekyha mbai japoha vekua retarã, kova hai katu my'õmyãvare, pyta verã õmymbare.

Hebreos 13:14

Ko yvy jerekuepe mba'etyjare pente tenta opa ara pevarã, koñeĩ jaha jai jykoty jaheka hokava tenta ou verã.

Hebreos 2:17

Hãrã Jesús tyvyre ikova rãĩmirãnipo iko reta, ikoshi verãkui Tũpa hỹnonde Pai ruvisha jyrojahaheva hareka pyryparekova, hareka opa hejahareiishi verã kuaretare heko porãmba vekua, hai mano rupii.

Hebreos 3:1

Hãme rãnga shyryvyre, pee Tũpa ryhevare, pyhỹrõava hareka hẽnohava vate arape oho verã. Hãrã pypya pimbijeta kavihe Jesús: Hai rãnga apostol hareka Pai Vasu jairojahea ryheva.

Hebreos 4:15

Ñandy pai ruvishavasu katupo ñandyparekorã ñanymborykui ñanykangyñaĩrã, shara ñande rãĩmimba heta pyahã'ãha jyve; koñeĩ mbai porãmba japoã hai rãmeĩmba.

Hebreos 7:1

Kova Melquisedec haimba Salempe huvisha vasurã'õ hareka pai Tũpa vateve'õ ñonova, Abraham oujy ñyrãrõivi mbysypema yngava huvisha retarã, Melquisedec oho hỹvãĩtishu hareka maĩkavihe.

1 Juan 5:20

Jaikuaa kavijy Tũpa Tay ouva hareka meẽ ñande mbaikuaa jaikuaa verã Tũpa añeteva hareka ñande ñañymypente hãndi verã Tay Jesucristo. Hoka'ẽ Tũpa añeteva hareka tykove opambava.

2 Juan 1:7

Shara ko yvy'ĩãrẽ hetama'ẽ pyrỹmbytavy'iare, heiva Jesucristo oumbava yvy'ĩãrẽ kuareta rãĩmi, tyroope hareka tykãvẽpe. Kyrã japo'ia hai pyrỹmbytavy'ia hareka Cristo ñymbyvaisho'ihea.