Hebreos 8:13 - NandevaBiblia

¹³ Tũpa ijeta py'ahujyhe ñee me'ẽãvãrã he'ise tynonde ñee me'ẽã vekua tujama, hareka tujamarã opaserima kañy.

Hebreos 8:13 ပူးပေါင်းရင်းမြစ်များ

Mateo 24:35

Ara hareka yvy opapokui, tẽvã shiñee opããpokui.

Lucas 22:20

Kyrãĩ japojy opa karurã, heky vaso vino ẽpyarã hei: Ko vaso hai ñee me'ẽã py'ahuva shuruvype, ñohẽhã pyndyrehe verã.

1 Corintios 13:8

Ãñete jyhaihukue opããpohai, tẽvã iko verã mbe'uava opapokui, ñee kuaahambava opapokui, hareka jyve ãrãndukue.

2 Corintios 3:6

Hai rãnga meẽ ore ko ñee me'ẽã py'ahuva ijokuehakashu verã. Ha'ẽã kuatiare mbyparahava, Espiritu ryheva rãnga; shara kuatiare mbyparahava puruka, tẽvã Espiritu ryheva, meẽ tykove.

2 Corintios 5:17

Hãrã ĩme'ẽ Cristo ñymypente hãndivarã, haimapo pente japoha py'ahuva. Opa mbai tuja vekua opama hasa, hãrã opa mbaima py'ahujy.

Hebreos 1:11

Kova rijapo vekuare opapo mambaihakui, tẽvã nde opa ara rikopo. Kovare mondeava rãĩmipo opa tujakui.

Hebreos 12:24

Jesure jyve, mbivache kaviva ñee me'ẽã py'ahuva hareka turuvyre kytyhaheva, hokava ijeta kavivehe Abel huvykue.

Hebreos 7:22

Hãme rãnga Jesús my'añete ñande ñee me'ẽãva haikaviveva tynonde vekuaivi.

Hebreos 8:6

Tẽvã ã'ẽ ñandy Pai Vasure me'ẽãshuhai japo verã haikaviveva. Kyrã, ñee me'ẽãva py'ahuva hai veruva tivishaveshi tuja vekuaivi, shara ou ñee me'ẽãva haikavitevevaivi.

Hebreos 8:8

Tẽvã Tũpa hesha porãã hokava kuaretare, hareka hei: Oupokui ara ajapo verã ñee me'ẽãva py'ahuva Israel hareka Juda hãndi, Ñandeja hei.

Hebreos 9:15

Hãme rãnga Cristo hai ñee me'ẽã py'ahuva, henohavare myvãhẽva me'ẽãshu verãre Tũpa mbeu vekua ñee opamba ryheva, ã'ẽ hai manoma mbyhepy ñandyrehe ñanynohẽãjy verã opa mbai porãmba jajapo vekua tynonde ñee me'ẽã vekuape.