Hebreos 7:27 - NandevaBiblia

²⁷ Hai ha'ẽã ĩrũ pai vasure rãĩmiva, opa ara ikotẽveva mymba jukahava, tynonde mbai porãmba hai japovare, haivi japo jyvehe tentape'õre pevarã. Tẽvã Jesús penteĩmba haiteiva ñymeẽ jukaha verã hareka opa ara pevarã.

Hebreos 7:27 ပူးပေါင်းရင်းမြစ်များ

Romano 6:10

Shara Jesucristo mano, mbai porãmba vekuarerã, penteĩ mano hareka opa ara pevarãma; tẽvã ĩmeĩteri'irã, Tũpa pevarã iko.

Efesios 2:22

Hãrã pee Cristo rupii hai jyvepe tũpao ryheva, Tũpa ikovape Espiritu rupii.

Efesios 5:2

Piko jyhaihuvape Cristo ñandyraihuva rãĩmi. Cristo hykove meẽ ñandyrehe vekua, pente avisha ray jukahava rãĩmi hareka me'ẽãva Tũpape pishe katuva.

Tito 2:14

Hai ñymeẽ ñandyrehe mbai porãmba vekua ñandijorashi verã hareka opa kavi ñandohe, iko ñandyhevi verã henta'ĩrũre, mbai haikavivaĩ japo'i verã.

Hebreos 5:1

Opaite pai vasure hekahapyva kuimbaire mbyteivi, ñonoha kuaretare reheĩ mba'apo verã Tũpa hỹnonde hareka Tũpape me'ẽãva mbeu verã hareka mymba jukahava mbai porãmba kuareta japo vekua hejahareiishi verã.

Hebreos 5:3

hãrã hai rehe japoñoĩpo mymba jukahava ryheva ha'ei mbai porãmba japo vekua rehe, hareka jyve henta ĩrũ rehe.

Hebreos 8:4

Hai ikoĩteri ko yvy'ĩãrẽrã, mba'apoãmbapo pai rãĩmi, shara kope ĩmema'ẽ paire mbishaka verã Tũpape me'ẽãva Moisés mbypara vekuape heiva rãĩmi.

Hebreos 9:12

Cristo iche Tyrẽnda Kyamba'eitevevape, ha'ẽã kapura hareka vakare huvy rupii, koñeĩ ha'ei huvypy; penteĩ icherã hipityma ñande pevarã ñymondojepeva opa arape.

Hebreos 9:14

mbovykuerapore mbaikatukue Cristo huvykue! Hai, Espiritu opamba rupii, ñymeẽ kyamba ryheve Tũpape, johe verã ñandypyape opaite mbai japoarã manõa ryhevaivi, jaijokuekashu verã Tũpa hykove'ia.

Hebreos 9:25

Ha'ẽãmba hetajy ñymeẽva ñymbyhaikavi verã Pai ruvisha japo'i vekua rãĩmi Tyrẽnda Kyamba'eiteveva meẽ reta tuvy haimba ña'ãpova pente ãñope.

Hebreos 9:26

Kyrãpotarã, Cristo hetajymbapo mano ko yvy jypyite japoharãvãĩ. Tẽvã ha'ẽã kyrãva. Ã'ẽ, ko ara opa oho'iape, penteĩmba ijeshaka hareka opa arape, mbai porãmba opa mambai verã ha'ei ñymeẽ jukaha verã.

Hebreos 9:28

Kyrã jyve Cristo penteĩmba meẽ hykove hetava retaivi heky verã mbai porãmba vekua; oujyrã haiveãma raha verã mbai porãmba, koñeĩ hãrõ pytambavare mondojepe verãĩmapo.

Hebreos 9:7

Tẽvã oo ñyvyĩ mokueheape koñeĩ pai ruvishaĩ iche pentejy pente ãñope, icherã rahañoĩpo mymba jukahava huvy, hokava meẽhe mbai porãmbare hai japo vekua hareka mbai porãmbare Israelvare japo vekua haire kuambape.