Hebreos 7:25 - NandevaBiblia

²⁵ Hãrã katu mondojepe jyve opaite hai rupii Tũpa kyty ñymbojavare, shara hai iko opa ara, jururehe verãre Tũpape.

Hebreos 7:25 ပူးပေါင်းရင်းမြစ်များ

Juan 14:13

Hãrã opaite maĩnunga shyreepe pirureva ameẽpope; Teru mbyvetehashu verã Tyray rupii.

Juan 14:16

Hãrã airureposhukui Sheru mboupe verã, pente pynymbory verã hokava hai Espiritu Santo opa ara pinimi'ĩrũ verã.

Juan 14:6

Jesús heishu: She hai tape, añeteva hareka tykove. She rupii katupo vãhẽha Sheru ẽvãpe.

Romano 5:10

Ajemaĩ ñaĩñymbyvaishotẽhe Tũpa, Tay ñymano rupii ñaniñonoãjykavi hãndi, hareka hai ñaniñonojy kaviteve hãrã jahajepepo Tay hykove rupii.

Romano 5:2

Hai jairojaherã, ã'ẽ katuma jaiko Tũpa jyhaihupy, tanta ñaĩhe hareka vy'ape ñahãrõkuaa ñaĩmeñaĩ verã jyve Tũpa hĩmbipekuepy.

Romano 8:34

Mbarapo katu jahehe reta? Cristo rãnga hai mano vekua, ĩãrẽve hai kuerajy manovare mbyteivi, hai ĩme'ẽ Tũpa jakata kyty, hareka hai jurure'ẽ ñandyrehe.

1 Corintios 1:21

Shara Tũpa ñonoãshu kuaretare yvy'ĩãrẽ'õ ñy'ãrãndukue rupii kuaashu verã, hai ñy'ãrãndukue heshakavape. Tũpa pyryparekorã mondojepe ĩñee mbe'uava rupii opaite jyrojaheare, ajemaĩ ko ñee hãĩtẽ mbaimbava.

Efesios 2:18

Hãrã Cristo rupii opavare ã'ẽ Judio hareka haimbavare, katuma ñavãhẽ Tuu ẽvãpe pente Espiritu rupii.

Efesios 3:12

Ñameẽshu ñandyvya Cristo, shara jairojaherã, jareko pyrãtãkue jahahe verã Tũpa jakyjembape.

Efesios 3:20

Hãrã ã'ẽ, toñemombai vasu Tũpa ñymbaikatuva japo verã hetaiteve hoka ñande jairureva maĩrã ñaĩmoãtẽva, hareka ñymbaikatukue rupii heta japo mbai kavi ñandypy.

Filipenses 3:21

Hai ñono kavipojy ñandyretepy hai hete hĩmbipekue rãĩmi ñymbaikatu rupii, opa ipope'ẽ opa mbaire.

1 Timoteo 2:5

Tũpa rãnga penteĩ'ẽ, hãrã penteĩ'ẽjy mbi'iko kaviva kuaretare Tũpa hãndi, Jesucristo kuaretaĩva jyve.

2 Timoteo 1:12

Hokava rehe rãnga ahasa'asy'ãĩ, tẽvã anotiã shara aikuaa kavi mbavarera airoja hareka aikuaa kavi hai ñymbaikaturã natu verã opaite shepope ñonova hokava ara pevarã.

Hebreos 11:6

Tẽvã katuã ñambyvyashu Tũpa jairojããrã, shara ĩme'ẽ pota Tũpa kyty ñymbojava rojañoĩpo hai ĩme'ẽva hareka mbyhepyshu hekashuvare.

Hebreos 13:15

Hãrã japyraheñoĩposhu Tũpa, Jesucristo rupii. Kova mbyrahe hai mymba jukahava rãĩmiva ñameẽshu verã. Japyraheshu, ñandijuru rupii ñambeu hai hee!

Hebreos 2:18

Haiteiva heta hasa'asy hareka pyahã'ãhãshurã, hai katu mbory jyveshu opaite pyahã'ãhãva retape.

Hebreos 2:9

Tẽvã jahesha Jesús, kỹỹãmba mimishĩĩha Tũpa jokuerea retaivi, ñonohe hĩmbipekue hareka omomba'eha huvishavasu rãĩmi, shara heta hasa'asy hareka mano. Tũpa pyakavi rupii, heja hasa ñymanoipi opavare haikavishu verã.

Hebreos 5:7

Cristo ko yvy'ĩãrẽ kuareta rãĩmi ikorã, hỹnatu, hareka jaheo ryheve jurure'asyshu Tũpa, rekova mbaikatu mondojepeshi verã ñymano; hãme ñee hendurã Tũpa hendushu.

Hebreos 7:16

Yngaijy hai, shara pyhỹrõhããmba ñymoña hãndiaivi ñee mbyparahava japoa verã heiva rãĩmi, koñeĩ pyhỹrõhamba pente tykove mbaikatu rupii ñymbaimbava.

Hebreos 7:19

Shara Moisés mbypara vekua mba'ẽã mbyhaikavi, tẽva ã'ẽ jairojamahe ñyhãrõ kavipe, hokava heja ñande ñaimbojahe verã Tũpa.

Hebreos 7:24

tẽvã Jesús manomba ryheva hairã, tekotẽvẽã mbyhasa yngavape pa'irã mba'apo verã.

Hebreos 7:8

Kope, pente pañandepoivi me'ẽha'ẽshua hai kuareta pente arape mano verã, tẽvã kuatia mbyparahava ijetahe Melquisedec ĩmeĩteri'ia rãĩmi.

Hebreos 9:24

Cristo icheã oo kyamba'õpe kuaretare ipope japova ẽvãpe, añeteiteva myha'angahaĩhea koñeĩ vate arapeteimba, ã'ẽ ẽvãpe Tũpa hỹnonde jurure'asy ñandyrehe verã.

Judas 1:24

Tũpa ñyngarekopohe potãã mbai porãmbape pearã hareka ĩmerejy mbaikatu pẽĩ verã hai hỹnonde mbai porãmba mba'etypyrea ryheve. Vy'apepo pẽĩ hỹnondekui hareka kyambape, pente mondeava py'ahuva rãĩmi.