8 Tẽvã poi jyrojavare hãĩ yvy kapi'ãti mimoñava; mba'erãveã, hareka Tũpa jahehe. Koñemahea hapyha.
Haivi mburuvishavasu heipo jasu kyty'õ retape: “Pysyry shyhevi, pee pimepẽĩva Tũpa ñunũpa'ipe; pekuape tata opamba'õpe myhẽvãha Ãña hareka jokuereare pevarã.
Shara hasha ẽma jasyja verã yvyra jypyre; opaite yvyra ia porãmbava jasyjahapo hareka momboha verã tatape.
Hãrã opaiteva yvyra ia porãmbava, jasyjaha hareka momboha tatape.
Haipe Jesús heishu igo jypy: Atẽñoĩtemaĩ mbava toukui ndi'ia! Mboireare hendu hokava.
Pedro manduaherã heishu Jesús: Pyrỹmboi'ia maĩhe, igo jypy rijahehe vekua opamba jipi!
Hãrã ẽmba shyreheva, mombohapo hãka jipiva rãĩmi, mbatyha momboha verã tatape.
Koñeĩ hemby ara pirĩmbivacheha verãpe kyjehashia, tata hasyva opa mambai verã Tũpa hyvaishore.
Pikuaa rãnga jyve, Esaú pota tuu ohovasashurã, tẽvã mbijicheha hareka ajemaĩ jaheote'i katuveãma yngaijy hai japo vekua.
Hareka heere ñonohãmbaa kuatia tykove ryhevape, momboha reta tata vasupe.