Hebreos 5:13 - NandevaBiblia

¹³ Sanjay rãĩmi kambyĩ hou'iare, katuaã kuaaha mbaivara haikavi hareka porãmbava.

Hebreos 5:13 ပူးပေါင်းရင်းမြစ်များ

Mateo 11:25

Hokava ara vãhẽrã Jesús hei: “Apyrahende Sheru. Nde hai yvy hareka vate arapy'õ Ija, rĩñomishi ñy'ãrãnduvare hareka mbai kuavare, hãrã rymbykuakashu sanjaymi retape.

Marcos 10:15

Añeteĩteva hai pee, ĩme'ẽ myvãhẽmbava Tũpa ẽvãpe'õ ryheva pente sanjay rãĩmirã, icheãpo vate arape.

Romano 2:20

Shara ĩmeryre ndepope Moisés mbypara vekua japoha verã, rerema ndijehe nde haiva ñymboimbare mboirea hareka ãrandu ija hareka añeteva.

1 Corintios 13:11

Shyndeiteri'airã, sanjay rãĩmi aijeta, sanjay rãĩmi shypya ambijeta, sanjay rãĩmi ãmaĩ; tẽvã shupukumarã opa aheja sanjay hekokue.

1 Corintios 14:20

Shyryvyre, piko sanjay rãĩmi, tẽvã avy sanjay rãĩmi pypya pimbijeta, porãmbapepo sanjayre heko rãĩmipi, tẽvã kuareta tarõmava rãĩmimapo pypya pimbijeta.

1 Corintios 3:1

Shyryvyre, katuãny aijetape kuaretare kurimba jyrojavare rãĩmi, koñeĩ pyrãtambateriva hareka sanjaymire rãĩmi Cristo rehe.

2 Corintios 3:9

Shara Moisés mbypara vekua ñandukava hĩmbipemba aryka'e, hãrã hĩmbipeitevepo hai kova, meẽ ñande ñimbivacheva ryheva.

Efesios 4:14

Jaikoveãma verã sanjay rãĩmi pya mokuepe, kokoty ñandyraha yvyture ñee pyrỹmbo'eaheva py'ahuva ñanymbytavypeve kuareta japuva ikova tyrape javyape ñandyrahavape, ñahendushi verã mbai tykove mbai kuava japu ryheve pyrỹmboi'iva, pyrỹmbytavy hareka pyryraha verã pee javy verãĩpi.

2 Timoteo 3:16

Opaite Mbyparahava hai Tũpa rupii me'ẽhava hareka haikavi poryha pyrỹmbo'eapy verã, ñyngãta, ñonoãkavijy verã hareka pyrỹmbo'ehapy marãrapo hekope kavi jaiko.

1 Pedro 2:2

Pyheka kamby kyambava sanjayre hãĩrãã oava rãĩmi, kyrãpo pyheka ñee añeteĩteva Tũpaivi, kyrãrãpo pykuakua peho hareka pehojepekui.

2 Juan 1:11

Shara marãndushuva mi'irũmahe mbai porãmba hai japova.