Hebreos 4:2 - NandevaBiblia

² Shara mbe'uha jyve ñande Ñee Kaviva, haire rãĩmi; tẽvã haire hendu vekua mba'ẽãshu reta, shara ñee hendu vekuare, jyrojakue ĩmerevare mi'ĩrũãshu japo vekuare.

Hebreos 4:2 ပူးပေါင်းရင်းမြစ်များ

Hechos 13:46

Tẽvã Pablo hareka Bernabé pyavasu ryheve ijetarã heishu reta: Pee Israelitarãni pynymbykuahatẽ verã ko Tũpa ĩñee, tẽvã potãã pypysyrã kova tykove opambava ryheva. Hãrã ã'ẽ ohoapo ñimiñẽ'ẽashu haimba Judiore.

Hechos 3:26

Pee pevarã tynõnde Tũpa mupuãjy tay Jesucristo, hai rupii pipity verã jyhovasa hareka hejaka pyndyhevi verã mbai porãmba pijapopi vekua.

Romano 2:25

Mba'ẽã rãngaposhu mbava pire chĩchĩka'i Moisés mbypara vekua japoãrã, mbijicheĩrã, hãĩny haimbatẽã pire chĩchĩkava.

Romano 3:3

Ĩme'ẽ Judiovare Tũpa ĩñee rojambarã, hãmera haire rojaarã, Tũpa japoãpo jyve hai ĩñee meẽ vekua?

1 Corintios 13:3

Opa ãmemeẽshu ĩme'area paveteva retarã, hareka ameẽ shyrete hapyha verãrã, tẽvã apyryraihuãrã, mbaivapeã haikavi she.

Galatas 3:2

Aipotaĩ pymbyhovaishe ko apyrãnduva: Vãhẽrape Tũpa Espiritu Santo Moisés mbypara vekua pijapopirã maĩrã pyroja ko Ñee kavivarãra?

Galatas 3:8

Kuatia mbyparaha vekuapy hei, haimba Judiore mbytepe'ẽpo jyve heko kaviva jyrojakue rupii. Hãma Tũpa, arykai, myvãhẽshu ko Ñee kavi Abrahampe: Opaite tenta vasure nde rupiipo mbai haikaviva hipitykui.

Galatas 4:13

Pikuamava rãĩmi, she tynonde ambeuperã vekua Ñee kaviva, shymbairasy'ai.

1 Tesalonicenses 1:5

Shara mbe'uhape Ñee kavivarã, ha'ẽã ĩrĩñeepeĩ japohava, Espiritu Santo ñymbaikatupy hareka jyrojakue ryheve rãnga. Pee pikuaa kavi marãra ikoha pynymbyteipi, pyndyraihuhaiterã.

1 Tesalonicenses 2:13

Hãme rãnga me'ẽhãñoĩ yry'ajetekue Tũpape, shara pee pyhendu Tũpa ĩñee mbe'uhaperã, hareka pymyvãhẽ kavi ha'eã kuareta ĩñee rãĩmi, ãñete rãnga hai Tũpa ĩñee, hareka jyrojahevare my'yngaijy ikova rãĩmi.

1 Timoteo 4:8

Ãñete rãnga ndyrete ñumungueva mbaivape haikaviñoĩ, tẽvã tykove mbijicheava Tũpa pevarã opavaretape haikavi, shara ĩmere ñee me'ẽãva tykove ã'ẽ pevarã hareka tykove ou verãpe.

Hebreos 11:6

Tẽvã katuã ñambyvyashu Tũpa jairojããrã, shara ĩme'ẽ pota Tũpa kyty ñymbojava rojañoĩpo hai ĩme'ẽva hareka mbyhepyshu hekashuvare.

Hebreos 3:12

Pymaĩ shyryvyre, avy mbava pee ĩmetyre pya porãmba hareka mbai rojamba'ia Tũpa hykove'ia pynymymbyryshi verã.

Hebreos 4:6

Tẽvã ĩmeteri'ẽ ndeiteri iche verã hokava putu'uha verãpe, shara tynondeite Ñee kaviva mbe'uhashu vekuare ñee henduããrã icheã reta.

Santiago 1:21

Hãrã opa pyheky pindijuhuvi maĩnunga ky'ava hareka heta porãmba vekua, hãma pymyvãhẽ pirojamba pijehevape ñee mbe'uhapeva, hokava hai mondojepe verã pyndyrykove.

1 Pedro 1:12

Tẽvã Tũpa opa mbykuaaka reta hoka maĩnunga mbeu jyrevare ha'ẽã haire pevarãñoĩteva, koñeĩ haikavipe verã. Hãrã ã'ẽ kuaaka pe ko maĩnunga ñimiñee'ipe vekua ko Ñee kavivare, Espiritu Santo mboua vekua vate araivi. Kova mbai rãnga Tũpa jokueva retatei pota hesha.