Hebreos 3:12 - NandevaBiblia

¹² Pymaĩ shyryvyre, avy mbava pee ĩmetyre pya porãmba hareka mbai rojamba'ia Tũpa hykove'ia pynymymbyryshi verã.

Hebreos 3:12 ပူးပေါင်းရင်းမြစ်များ

Mateo 16:16

Simón Pedro heishu: Nde hai Cristo, Tũpa tay hykove'ia.

Mateo 24:4

Jesús heishu reta: Pymãĩkavikui, avy pyma'ẽĩhe mbava pynymbytavykui.

Marcos 13:23

Hãrã pingareko katu pẽĩ, ambeu'ãĩpe kova mbai ndeiteri ikorã.

Marcos 13:33

Pymaĩ katupẽĩ, avy peche, hareka pirure katu shara pikuãã mbaipera vãhẽpo hoka ara.

Marcos 13:9

Tẽvã pingareko katu pindijehe. Shara ĩmepo'ẽ pyndypysykarã pyndyrahava mburuvishare hỹnonde hareka punũpa verã Judiore ñymbatyseaipi. Shyryhevaperã pyndyrahapo mburuvisha vasu hareka huvishare hỹnonde, shyreepe piñymbeushu verãre.

Lucas 21:8

Hãma hai heishu reta: Pymãĩ avy piñymbytavyka; shara hetapo'ẽ shyreepe ou heiva: “She hai Cristo, hãrã: Ko hai ara vãhẽpotamãrã”. Tẽvã avypo peho hipi.

Romano 11:21

Shara Tũpa hejareiããshu yvyrahãkare, ha'eã jyve nde hejareii ndyhevi verã.

1 Corintios 10:12

Hãma rojava hai pyrãta kavima'õva, tirykyje katu mahẽ oajykui.

Colosenses 2:8

Pingareko kavi avy piñymbytavykashu kuaretare ñy'ãrãndu mbaimba vekuare, haire ou arykaivare mboiva rupii hareka tẽãre ñymbaikatu'ipe ẽvã ko yvy'ĩãrẽ, hareka ouãã Cristoivi.

1 Tesalonicenses 1:9

Hai retateiva mbeu marãra pee ỹrỹmyvãhẽ kavi, hareka mbeu reta marãra ta'ãnga pypoi pemombai Tũpa jykoty peijy verã, hai potava pijapo verã Tũpa manombava hareka añeteva,

Hebreos 10:31

Mbai kyjehashia rãngapo Tũpa hykove'ia ipope ja'arã.

Hebreos 10:38

Opa mbaipe heko kaviva jyrojakue rupiipo iko, tẽvã haykue ohojyva avy'ããpo hãndi reta.

Hebreos 12:15

Piñyhãã avy mbava hipityããkui Tũpa pyakavikue, mahẽ mbava ovakui pente yvyra hapo irova hareka opavape myporããkui.

Hebreos 12:22

Katynga pee piñymboja yvyturusure hareka tenta Tũpa hykove'ia ña'ãpova, Jerusalén mashyãva hareka piñymboja jyvehe hetaraivi Tũpa jokuevare haipe ñymbaty pyraheshu verã Tũpa,

Hebreos 12:25

Pingareko kavi avypo pimbijiche ijeta ñandeva. Shara ohojepeã reta potamba henduvare ko yvy'ĩãrẽ mbo'ea retarã, ñande pevarã javaipo jyve jahajepe verã jyve potaã ñahendu vate araivi ñanymboivarã.

Hebreos 3:1

Hãme rãnga shyryvyre, pee Tũpa ryhevare, pyhỹrõava hareka hẽnohava vate arape oho verã. Hãrã pypya pimbijeta kavihe Jesús: Hai rãnga apostol hareka Pai Vasu jairojahea ryheva.

Hebreos 3:10

Hãme rãnga shyposhyshu kuaretare ã'ẽvare, hareka hai: Ikoñoĩ retakueipi haimbaa shyrapeipi, shara haire kuaãmba reta shyrape.

Hebreos 3:19

hareka añete katuã iche Canaanpe shara jyrojããhe reta Tũpa.

Hebreos 9:14

mbovykuerapore mbaikatukue Cristo huvykue! Hai, Espiritu opamba rupii, ñymeẽ kyamba ryheve Tũpape, johe verã ñandypyape opaite mbai japoarã manõa ryhevaivi, jaijokuekashu verã Tũpa hykove'ia.