Hebreos 2:17 - NandevaBiblia

¹⁷ Hãrã Jesús tyvyre ikova rãĩmirãnipo iko reta, ikoshi verãkui Tũpa hỹnonde Pai ruvisha jyrojahaheva hareka pyryparekova, hareka opa hejahareiishi verã kuaretare heko porãmba vekua, hai mano rupii.

Hebreos 2:17 ပူးပေါင်းရင်းမြစ်များ

Romano 15:17

She Cristo Jesús airojaheva, airojashijehe mbai Tũpa ryheva retape.

Romano 5:10

Ajemaĩ ñaĩñymbyvaishotẽhe Tũpa, Tay ñymano rupii ñaniñonoãjykavi hãndi, hareka hai ñaniñonojy kaviteve hãrã jahajepepo Tay hykove rupii.

Efesios 2:16

Kyrã Cristo kurusure mano rupii, Tũpa japo Judiore hareka haimba Judiore iñiñono verãre pente ñeepe Hai hãndi, poima ijeshatamba verãre hareka pente tyretepeĩ jyre verã.

Colosenses 1:21

Pee rãnga aryka'e Tũpa mbyry pẽĩshi, hareka pyheshatãã pyndypyape, shara pya mbijeta reta hareka japomba jyre mbai porãmbava; tẽvã ã'ẽ Tũpa pinimbi'iko kavijy;

Hebreos 10:21

Hai rãnga ñandy pai vasu, ñyngareko'ẽhe Tũpa hoo.

Hebreos 2:11

Shara opaiteva pente Tuuĩre; mbyhekoa kaviva hareka pyrỹmbyheko kaviva. Hãrã, Tũpa Tay notiã heihe verãre haiva “tyvyre”,

Hebreos 2:14

Hãrã tayre ho'o hareka huvykueivi me'ẽha jyveshu Jesucristo tyro'o hareka tuvy, ñymano rupii jukashu verã Ãña, hokava ñymano ijakue.

Hebreos 2:16

Ãñeteara ouã mboryshu verã Tũpa jokuevare koñeĩ ou mbory Abraham ñymoñashiare.

Hebreos 3:1

Hãme rãnga shyryvyre, pee Tũpa ryhevare, pyhỹrõava hareka hẽnohava vate arape oho verã. Hãrã pypya pimbijeta kavihe Jesús: Hai rãnga apostol hareka Pai Vasu jairojahea ryheva.

Hebreos 3:2

Jesús japoñoĩmbashu Tũpa potava, ñonohashu ñanymbory verã, Moisés hekopekavi japova rãĩmi opa mbai Tũpa hoope.

Hebreos 3:5

Kyrã Moisés, jokuehava rãĩmi, hekope kaviñoĩmba japo opa mbai Tũpa hoope, mbeu verã mbaivara Tũpa heipo'ẽ mbai arape.

Hebreos 4:14

Jesús Tũpa tay, hai ñandy pai ruvishavasu ĩmejareva vate arapy ohojy vekua, hãrã jairoja katupohe.

Hebreos 4:15

Ñandy pai ruvishavasu katupo ñandyparekorã ñanymborykui ñanykangyñaĩrã, shara ñande rãĩmimba heta pyahã'ãha jyve; koñeĩ mbai porãmba japoã hai rãmeĩmba.

Hebreos 5:1

Opaite pai vasure hekahapyva kuimbaire mbyteivi, ñonoha kuaretare reheĩ mba'apo verã Tũpa hỹnonde hareka Tũpape me'ẽãva mbeu verã hareka mymba jukahava mbai porãmba kuareta japo vekua hejahareiishi verã.

Hebreos 5:10

Hãme rãnga Tũpa ñono Pai Ruvisha vasurã Melquisedec heko rãĩmiva.

Hebreos 5:2

Pa'irã'õ katu hãrõkuaashu pirĩmbijiche'iare hareka mbai porãmba japo'iare, shara hete kangy jyve yngavare rãĩmi,

Hebreos 5:5

Kyrãĩ jyve Cristo õñemomba'eã ha'ei pai vasurã iñiñonorã, Tũpa rãnga ñono; hareka heimbashu: “Nde hai Shyray, ã'ẽ hai ndyrehe nde haiva Shyray”

Hebreos 6:20

haipemba iche aryka'e Jesús japo ñande verã pente tape, kyrã ikoshi pai ruvisha vasu opa ara pevarã, Melquisedec heko rãĩmiva.

Hebreos 7:26

Kyrãvã Pai Ruvisha vasu rãnga mba'ety ñande. Hai heko ky'ãã, heko kavi hareka hai japoã mbai porãmba, Tũpa mbyry ñonoshi mbai porãmba japo'iare hareka vateve araivi hupiha.

Hebreos 7:28

Ñee mbyparahava rupii rãnga ñonohãmba pai vasu kuaretare ikangyva, tẽvã Tũpa ĩñee meẽva ñee mbyparahava haykue, ñonomba pai ruvisha vasurã Tay, hai mbyheko kavi opa ara pevarã.

Hebreos 8:1

Mbai vasuveva opa mbai ja'evaivi rãnga hai kova, imẽjare pente pai vasu vate arapy'ẽvã, vapy'ẽva Tũpa vapy'õpe jakata kyty,

Hebreos 8:3

Opaite pai vasure ñonoha mbishaka verã Tũpape me'eãva hareka mymba jukahava me'ẽhava Tũpa pevarã, hãme rãnga Jesucristo ĩmeñoĩpore jyve meẽ verã.

Hebreos 9:11

Tẽvã Cristo ouma hai pai vasurã veru verã mbai kavikue ã'ẽ ĩmejareva. Hai iche Tũpa tabernáculo haikaviveva hareka hekope kavi'õ vate arape'õ, ha'ẽã kuareta japo vekua, hareka ha'ẽã yvy'ĩãrẽ'õ.