Hebreos 13:20 - NandevaBiblia

²⁰ Tũpa pyakaviva, ñymanoivi puãjy vekua Ñandeja Jesús, avisha ñyngareko'ihea ojaimbava, ñee me'ẽãva opa ara pevarã huvy rupii.

Hebreos 13:20 ပူးပေါင်းရင်းမြစ်များ

Mateo 26:28

Kova hai shuruvy my'ãñeteva ñee me'ẽãva py'ahuva ryheva, ñohẽhava opava pevarãre, mbai porãmba japo vekua hejahareishi verã.

Marcos 14:24

Heijyshu reta: Kova hai shuruvy ñee me'ẽã py'ahuva ryheva, turuvy ñohẽa verã opava reta rehe.

Lucas 22:20

Kyrãĩ japojy opa karurã, heky vaso vino ẽpyarã hei: Ko vaso hai ñee me'ẽã py'ahuva shuruvype, ñohẽhã pyndyrehe verã.

Juan 10:11

She hai avishare ñyngareko'ihea pya kaviva. Hãrã ko avishare ñyngareko'ihea pya kaviva, meẽpo hykove jy'avisha retare.

Juan 10:14

She hai avishare ñyngareko'ihea pya kaviva; she aikuaa shy'avishare, hãrã haire shykuaa jyve.

Hechos 13:30

Tẽvã Tũpa mũpũajy manovare mbyteivi.

Hechos 17:31

Tũpa ñono pente ara mbivacheka verã hekope kavi yvy jerekuepy'õ, pente kuimbai rupii hai pyhỹrõ vekua, hareka heshaka hai pyhỹrõva mbivacheka verã mũpuãjy manovare mbyteivi.

Hechos 2:24

tẽvã Tũpa mynguerajy manovare mbyteivi, nohẽjyshu ñymanoivi, hãrã ñymano mba'etyre pyrãtãkue jepyhe verã.

Hechos 2:32

Tũpateiva rãnga mynguerajy Jesús, hãrã ore pytaha hokava heshahava mbe'ua verã.

Hechos 3:15

Kyrã pijuka tykove Ija, tẽvã Tũpa mynguerajy manovare mbyteivirã hãrã ore hai hokava mbai heshaha vekua.

Hechos 4:10

Mbe'uha kavi, opaite Israelpe õre kuaa verã, ko kuimbai pỹnonde'õ, Jesucristo Ñazaretpe'õ heepe kuera. Kova Jesús pee pymbysavava vekua kurusure hareka Tũpa mynguerajy mano vekuare mbyteivi.

Hechos 5:30

Ñanytynondevare Ñutũpa mynguerajymba Jesús, pee pijuka vekua pymbysavava kurusurerã.

Romano 1:4

tẽvã kuerajyrã, hareka Espiritu Santo ñymbaikatu rupii heshahakamba Jesucristo Ñandeja haiva Tũpa Tay.

Romano 10:7

Maĩrã “mbavara vejypo yvykua vasupe?” (jaishu hai pota Cristo jupijy manovare mbyteivirã).

Romano 15:33

Tũpa pya kavikue tõĩ penendie opaiteva. Amén.

Romano 16:20

kyrãrã Tũpa pyakaviva areãpo pyrõ ñonohekui Satanás pepy ipe. Ñandeja Jesús jy'ajetekue toĩ penendie.

Romano 8:11

Ãñete iko pyndypyape Espiritu Tũpa ryheva arykai Jesús mynguerajy vekua manovare mbyteivirã, hokava Jesucristo mynguerajy vekua, mynguerajypokui pyndyrete mano verãre, Espiritu Tũpa ryheva iko pyndypyapeva rupii.

1 Corintios 14:33

Shara Tũpa ha'ẽãhai Tũpa opa ñymomohẽvã ryheva, pyavapyva ryheva rãnga hai. Kyrã japo opaite Jesure jyrojavare ñymbatyvaipi.

1 Corintios 15:15

Kyrãrã ore yrapureiimbapo he'iha Tũpa mynguerajyva Cristo; ãñete kyrããmbapo jehu manovare kuerajyvyarã.

1 Corintios 6:14

Tũpa mynguerajya Ñandeja Jesucristo, ñande ñanymynguerajypokui hai ñymbaikatukuepy.

2 Corintios 13:11

Koñymahea shyryvyre, pyvyañoĩ, pẽĩkavi, piñymykyrẽy pepenteĩ, pente pyapeĩ piko hareka pyavapype. Kyrã Tũpa jyhaihukue hareka pyavapy Ija ẽẽpo penendie.

2 Corintios 4:14

kuaaha marãra Tũpa mynguerajy Ñandeja Jesús manovare mbyteivi, hareka ore yrỹmynguerapo jyve hãndi, hãrã yryrahapo penendiekui hai hỹnonde.

Galatas 1:1

She Pablo, apostol, haimbaa kuaretare ñonova hareka kuaretare mondova, koñeĩ Jesucristo rupii hareka Tũpa, Jesúspe mupuãjy vekua manovare paũvi.

Efesios 1:20

Hãma Tũpa mynguerajy Cristorã, meẽshu ẽẽ verãpe vate arapy, jakata kyty hai vapyape,

Filipenses 4:9

Pijapo katu she apyrỹmboihe vekua hareka ahejapeva pijapo verã, opaite pyhendu hareka pyhesha shyreva ajapo vekua; kyrã pijapo hãrãpo Tũpa pya kavikue ẽẽ penendiekui.

Colosenses 2:12

Pee pimyngaraimarã, piñyñoty hãndi Cristo, kyrãijy pykuerajy manovare mbyteivi, shara pyroja Tũpa ñymbaikatukue mynguerajyva Jesús manovare mbyteivi.

1 Tesalonicenses 1:10

hareka pyhãrõ vate araivi Tay Jesús, hai Tũpa mupuãjy vekua manovare mbyteivi, Jesús hai ñanymondojepeshi vekua jaheha pyryreheva jy'ara ou verãivi.

1 Tesalonicenses 5:23

Tũpateiva, pyavapy Tũpa ña'ãpova, pynymbyheko kavi hareka tiñono kavi pyndyrykove, espiritu, pyndykove hareka pyndyrete, kyambape'ẽ verã, Teja Jesucristo oujyrã verã.

2 Tesalonicenses 3:16

Hareka Teja pyavapyva ryheva, tymeẽpe pyavapy opa hendaipi hareka opa ara. Ñandeja tõĩ penendie opa ara.

Hebreos 10:22

Hãrã, ñaimbojahe Tũpa ẽvãpe pya añetevape hareka tanta jairojavape, joheha ñandypya potaveãma jajepy'apyhe verã mbai porãmba vekuare hareka yy kyambavapy joheha tyretere.

Hebreos 10:29

Hãme mbovykuerapo jahehahe Tũpa Tay pyrõheva hareka heivare Cristo huvy mbaimbava, mymorãmbava Espiritu Tũpa ryheva haihushuva.

Hebreos 9:20

Hãrã Moisés heishu reta: “Kova hai turuvy my'añete ñaĩ handiva Tũpa meẽ pee pijapo verã”.

1 Pedro 1:21

Cristo rupii pyroja jyve Tũpa, mynguerajy vekua manovare mbyteivi hareka õmombaishu, jyrojakue hareka ñyhãrõ kuaa tõĩ Tũpa rehe.

1 Pedro 2:25

Arykai rãnga avishare kañyva rãĩmipi, tẽvã ã'ẽ peijy jykoty avisha ñyngareko'ihea hareka pyndykove ñyngareko'ihea.

1 Pedro 5:4

Hãrãpo avisha ñyngareko'iheare juhuvisha vasu oumarã me'ẽãpekui tankare ñonoãva ita vera ijuva opa ara pevarãva.