Hebreos 13:18 - NandevaBiblia

¹⁸ Pimboi yryrehe. Kuaa kavi rãnga yrypya vapy kavirã, shara potate yryreko kavi opavaperã.

Hebreos 13:18 ပူးပေါင်းရင်းမြစ်များ

Hechos 23:1

Pablo maĩ'ihe haipe huvisha ñymbaty'õ retarã hei: Shyryvyre, ã'ẽpeve aiko shãka vapy kavi ryheve Tũpa hỹnonde.

Hechos 24:16

Hãme rãnga ãñehãñoĩ añymbyheko kavi verã Tũpa hỹnonde hareka kuaretare.

Romano 12:17

Avy mbavape porãmba myngoviajyshu. Piñyhããpo haikaviva pijapo opavare hỹnonde.

Romano 13:13

Hekope kavi jaiko, arapeva rãĩmi hareka japoipo jajapo mbai porãmba, karuraivambape, jakaumbape, yngangavamba iko'i handia hareka kyrãrãĩmba'ia, avy jaiko jaijeshashatãã hareka ñaĩmymorãmbape.

Romano 15:30

Shyryvyre, Ñandeja Jesucristo rupii airure'asype hareka Espiritu jyhaihukue rupii, pẽĩ shendie verã kova ñyrãrõpe, pimboitẽve shyrehe Tũpape.

2 Corintios 1:12

Ore rekoha mbaiva rehera jyrojahapo irijehe, ñanduha yrypyape tykove kyambava hareka pyrỹmbytavyhãã ohohava retaipi, tynondeite hai pynymbyteipi. Aporyã ãrãndu ko yvy'ĩãrẽ'õ, Tũpa pya kavi rupii rãnga hai yrỹmbory kyrã ikoha penendie verã.

Filipenses 4:8

Koñemahea shyryvyre, pypya pimbijeta katuhe opava oumbava japuivi, heko kaviva, pyrỹmbyhoryva hareka hyrãkua kavivare. Opaite ĩmereva mbai haikaviva hareka katu pyraheva, kova pypya pimbijetahe.

Colosenses 4:3

Pirurejyve yryrehe, Tũpa tiñono'ore mbe'uha verã ko ñee hareka mbykuaahaka kavi verã Cristo ña'ãpoa ñemiape'õ, hai rehe shymbyperesoha.

1 Tesalonicenses 4:12

Kyrãrãpo mbai vasuva rãĩmi pindijapo haimba ñandyryhevare, hareka ĩmeñoĩpopyre maĩnunga.

1 Tesalonicenses 5:25

Shyryvyre, pirureve yryrehe.

2 Tesalonicenses 3:1

Koñemahea, shyryvyre pirurejyve yryrehe, Ñandeja Jesús ĩñee narẽã tymyvãhẽha oparupi, hareka kuaretare tyroja hãrã tijapo, pee pijapova rãĩmi.

1 Timoteo 1:5

She rãnga hai nde kova mbai ẽẽ verã jyhaihukue ouva pya kyambaivi, pya kavivaivi, hareka jyrojakue añetevaivi.

1 Pedro 2:12

Piko kavi jyve Tũpa rojambavare mbyteipi; hãrã ijeta porãmba'i pyndyreheva mbai porãmba pijapopiva rãĩmi, heshajy pyndyrehe mbai kavivaĩrã õmombaipo jyve reta Tũpa.

1 Pedro 3:16

Tẽvã pijapo peñemomishĩvape hareka ñee henduvape. Piko pypyavapy ryheve, hãrãpo ijeta porãmbahea pyndyreko kavi ĩmepyreva Cristo pirojaherã, ĩñe'ẽkue rehe ñymymarãka retakui.

1 Pedro 3:21

Hareka hokava yy heshaka ã'ẽ japoryva ñaĩmyngarai verã, hai rupii Tũpa ñanymondojepe. Ñymyngarai ha'ẽã mbai kya opama ñandyreteivi hekyva, he'iseĩ mbaikuaakue kyamba Tũpa hỹnonde. Jesucristo kuerajy rupii veru ñande pyrỹmondojepeva;