Hebreos 13:16 - NandevaBiblia

¹⁶ Avy pyndysarehe haikaviva pijapo verã hareka pymeẽ jyveshu yngavare mbai ĩmepyreva, shara kova me'ẽãvare hai mbyvyava Tũpa.

Hebreos 13:16 ပူးပေါင်းရင်းမြစ်များ

Lucas 18:22

Jesús hendu hokavarã heishu: Pente mbai, mba'etyteri nde; opa evende ĩmeryreare haivi hepykue memeẽshu pavete'iare, hãmerãpo ripitykui rikokatu verãpe vate arapy. Haivi ei shimĩ'ĩrũ.

Hechos 10:38

Tũpa ñonohẽ Jesús Nazareno Espiritu Santo hareka ñymbaikatukuepy, heta Ãña ichepy vekuare opa kuera, shara Tũpa ẽẽ hãndirã.

Hechos 9:36

Hãrã ĩmemba'ẽ Jopepe pente mbo'eharea Tabita he'iashua, he'iseva griego ĩñeepe Dorcas. Kova taupe hykovepe heta mbai haikaviva japo hareka mbaimba ĩmereva mboryva.

Romano 12:13

Pymeẽveshu pyndyryvyre maĩnunga mba'etyreare. Pymyvãhẽ kavi ou punumbuhupava.

Galatas 6:10

Hãrã katuteri jajapo mbai haikaviva opava retare, tẽvã tynondepo ñandyryvy jyrojava retare.

Galatas 6:6

Opaite mbo'eava ko ñee haikaviva rupii, opaite hipityva mbai kavi mbijaopoveshu mboirea.

Efesios 4:28

Hoka manarõ'i vekua, ỹnteño tymanarõ hãma tiñiñono tymba'apo, tijapo maĩnunga kavi ipo rupii ĩmere meẽ verã jyve pavete'ia retape.

Filipenses 4:14

Katynga, pee pijapo kavi shymborypi aikotẽvevaperã.

Filipenses 4:18

Ã'ẽ opama ĩme'are perukasheva. Hoka peruka she vekua Epafrodito rupii, mbaiveama mba'ety ẽẽ she. Kova pymbousheva hãĩ mbai pishekatuva, pishe kaviva rãĩmi, mbai mbijichehava haikaviva Tũpa pevarã.

1 Tesalonicenses 5:15

Pingareko kavi avy mbava tymbyhekoviashu yngava porãmbape. Kyrãtẽ verã; piñyhãpo haikavivaĩ pijapo ijehe hareka opava retare.

2 Tesalonicenses 3:13

Tẽvã pee shyryvyre, avy piñymykangy pijapo verã mbai haikaviva.

1 Timoteo 6:18

Ereshu reta tijapo haikaviva, tikokatu reta mbai haikaviva japovapy, tymeẽ hareka timbijaoveshu hapisha mbai haire ĩmerea.

Filemon 1:6

Jyroja katuhe Ñandeja, ore rãĩmi. Hãme rãnga airure Tũpa rirojañoĩhe verã opa mbai haikaviva rikuaapeve jajapo verã Cristo jahaihurã.

Hebreos 6:10

Shara Tũpa heko kaviva hai, sareãpohe pijapova hareka jyhaihukue pyheshakava jyrojavare pymbory retarã, ã'ẽpeve pijapoteripeĩva rãĩmi.

3 Juan 1:11

Shyryvy ahaihuva, avy ñymboihe porãmba japo'iare ikova rãĩmi, haikavivaĩpo. Mbai haikaviva japo'ia rãnga hai Tũpa ryheva, tẽvã mbai porãmba japo'ia, kuãã hai Tũpa.