Hebreos 12:22 - NandevaBiblia

²² Katynga pee piñymboja yvyturusure hareka tenta Tũpa hykove'ia ña'ãpova, Jerusalén mashyãva hareka piñymboja jyvehe hetaraivi Tũpa jokuevare haipe ñymbaty pyraheshu verã Tũpa,

Hebreos 12:22 ပူးပေါင်းရင်းမြစ်များ

Mateo 16:16

Simón Pedro heishu: Nde hai Cristo, Tũpa tay hykove'ia.

Mateo 5:35

yvypemba pymeẽ verã, shara kova hai ipy ẽvãpe; avy Jerusalenre pymeẽ, shara hokava hai mburuvisha vasu henta.

Romano 11:26

Hãma kova ikomarã, opaite israelvare ohojepepokui, kuatia mbyparahavape heiva rãĩmi: “Pyrỹmondojepe'ia oupokui Sionvi hareka opapo joheshikui mbai porãmba vekua Jacob ñymoñashi vekuare.

Romano 9:26

Haipe he'iashua retape: Pee ha'ẽã shyrẽta ĩrũre, he'iaposhu retakui Tũpa hykove'ia tayre”.

Galatas 4:26

Hoka tenta Jerusalen vate arapy'õ hai kova taupe haimba jokuearea, hokava hai opaiteva ñandesy.

Efesios 2:19

Hãrã pee haiveãma tenta mbyryvare jy'yvymbape, pente tenta kyamba jyvepe Tũpa ña'ãpova. Pee rãnga hai jyve Tũpa henta ĩrũre.

Filipenses 3:20

Ñande katy hai vate arapy'õ ryheva, haivi ñahãrõ jyve ñanykyrẽỹ ryheve Ñanymondo jepeva Jesucristo.

1 Tesalonicenses 1:9

Hai retateiva mbeu marãra pee ỹrỹmyvãhẽ kavi, hareka mbeu reta marãra ta'ãnga pypoi pemombai Tũpa jykoty peijy verã, hai potava pijapo verã Tũpa manombava hareka añeteva,

2 Timoteo 4:18

Ñandeja shynohẽpokui porãmbavaivi hareka shymondojepepokui shyrahama verã mburuvisharã'õpe. Hai pevarã pyrãtakue opaite arapeve. Amén.

Hebreos 10:31

Mbai kyjehashia rãngapo Tũpa hykove'ia ipope ja'arã.

Hebreos 11:10

Shara Abraham jyroja katu mbai arape hesha verã hokava tenta ĩmereva jypy tanta'õ, Tũpa hai myha'ãngava hareka mupuã verã.

Hebreos 11:16

Tẽvã potañoĩ reta pente tenta haikaviva iko verã retape, jaishu, tenta mashyãva vate arape'õ. Hãme rãnga Tũpa notiã he'iashu verã haire ñu Tũpa, hareka ĩmere pente tenta myhẽvãha'õ haire pevarã.

Hebreos 13:14

Ko yvy jerekuepe mba'etyjare pente tenta opa ara pevarã, koñeĩ jaha jai jykoty jaheka hokava tenta ou verã.

Hebreos 3:12

Pymaĩ shyryvyre, avy mbava pee ĩmetyre pya porãmba hareka mbai rojamba'ia Tũpa hykove'ia pynymymbyryshi verã.

Hebreos 9:14

mbovykuerapore mbaikatukue Cristo huvykue! Hai, Espiritu opamba rupii, ñymeẽ kyamba ryheve Tũpape, johe verã ñandypyape opaite mbai japoarã manõa ryhevaivi, jaijokuekashu verã Tũpa hykove'ia.

Judas 1:14

Kova retare rãnga Enoc ijeta jyve, kuimbai 7 hea, Adan heirã vekua: “Pymaĩhe, Ñandeja heta ou hãndi jokuevare,

Apocalipsis 14:1

Haivi amaĩrã, aheshajy Avisha Ray ñymboy'ẽ ñana'õ Sionpe, haipe õĩ hãndi 144.000 ĩmereva Avisha Ray hee hareka Tuu hee mbyparava syvare.

Apocalipsis 21:10

Hãrã Tũpa Espiritupe ahesha shyresape ouva, Tũpa jokueva shyrahajy pente yvyturusu vate'õpe, shymbyheshaka verã tenta tivishava kyamba Jerusalén, vate araivi vejyva, Tũpa ẽvãivi.

Apocalipsis 21:2

Hareka aheshajy tenta kyamba, Jerusalen py'ahuva, vate araivi vejyva, Tũpa ẽvãivi, myhẽvãhava tyrekorã ñymymashiãva, temerã vãhẽma ourã pevarã.

Apocalipsis 22:19

Ĩme'ẽ ñee iko verã ko kuatiape'õ hekyshiãrã, Tũpa hekyposhikui tykove ryheva kuatia'ẽvaivi, hareka ma'ẽĩapohe icheve tenta kyambape, heiva rãĩmi kova mbyparahavape.

Apocalipsis 3:12

Opa õhẽkaviva ñyrãrõivi, ajapoposhi Tũpa jytũpao ñyrãntahe verã, hareka õhẽjyveamapo haivi, she ambyparapohe shu Tũpa hee hareka shu Tũpa vasu henta hee, haiva Jerusalén py'ahu vate araivi vejyva shu Tũpa ẽvãivi, hareka ambyparapo jyvehe shyree py'ahu.

Apocalipsis 7:2

Haivi aheshajy ynga Tũpa jokueva kuarasy ohẽaivi õhẽ ouva, ĩmerea Tũpa hykove'ia isello, hãrã hỹnatu sapukeshu urũndy Tũpa jokuevare mbaikatu me'ẽãshu vekuare porãmba japohe verãre yvy hareka yyvasure: