Hebreos 11:7 - NandevaBiblia

⁷ Noé, Tũpa mbeumashu jehu verã heshambateri verãrã, hendushu, hareka kyje ryheve japo pente varko marẽyva mondojepe verã ñymoña hãndiare. Noé hipity mbai kavikue Tũpa meẽshuva opaite hendushua retape. Hareka hokava jyrojakue rupii Noé japohe kuareta ko yvy'ĩãrẽ jaheahe verã.

Hebreos 11:7 ပူးပေါင်းရင်းမြစ်များ

Mateo 2:12

Tẽvã Tũpa kuaakashu reta jypaihupe, potamba ohojy verãre Herodes ẽvãpe, hãrã tape yngavaipi jyrahajy hentape.

Mateo 24:15

Pyheshama ko mbai porãmba'eite vekua ẽẽ kyamba'ẽvãpe, Tũpa ĩñee mbeu'ia Daniel heiva rãĩmi. Henduva ko he'iava, tikuaa mbaivara he'ise.

Mateo 24:25

Ãmbeu'ãiĩpe kova, ndei ikorã.

Mateo 24:38

Hoka arape ndei ãmavãsurã opava iko, karu, ñymbyu y hareka omenda jyre, Noe ichepeve varko vasupe.

Mateo 3:7

Tẽvã Juan heshama fariseore hareka saduceore heta ou ẽvãpe myngarai verãrã, heishu reta: Pee mboi rãĩmipiva! Mbavara heipe katu piñemishi verã ñunũpa pohyva kõõĩma ouva?

Lucas 17:26

Noe arape jehushuva rãĩmi katĩĩpo, jehujykui Kuareta Tay oujymarã.

Romano 1:17

Ñee kaviva rãnga ñanymboihe Tũpa mbyheko kaviva Jesús jyrojahea. Mbyparahava heiva rãĩmi: “Heko kaviva Tũpa jyrojaherã rupiipo iko”.

Romano 10:6

Tẽvã ñymbyheko kavi ouva jyroja rupii hei: “Avy ere ndypyape, mbara jupipo vate arape?” (hokava hai Cristo pota mbyvejy vate araivirã).

Romano 3:22

Jyrojakue rupii Tũpa mbyheko kavi opaite Jesucristo rojavare, mba'ẽãshu haira Judio maĩrã ha'ẽãra.

Romano 4:11

Hãrã Abraham ñonoãhe heshaha verã ñichĩchĩkava sello ñimbivache ryheva Tũpa mbyhekokavimashuva jyrojakue rupii. Kyrãmba Abraham ikoshi jyrojavare tuu, ajemaĩ ñichĩchĩkambatẽãre, hãrã Ñandeja Tũpa reko jyvehe reta heko kyamba rãĩmi jyrojakue rupii.

Romano 4:13

Shara ñee me'ẽãshuva Abraham hareka opaite ñymoñashiare opa pytashu verãre yvyjerekue ha'ẽã, japoã Moisés mbypara vekuape'õrã, shara Tũpa heimahe heko kaviva jyrojakue rupii.

Romano 9:30

Mbaivarapo ja'eshu kova? Jyrojakue rupii rãnga Tũpa opa mbyheko kavi haimba Judiovare. Hokava he'ise jyrojakue rupii haimba Judiovare hipityva teko kavikue;

Galatas 5:5

Tẽvã ñande, Espiritu rupii, ñahãrõ jyvyĩ he'ia ñandyrehe verã kyambaa Tũpa hỹnonde jairojakue rupii.

Filipenses 3:9

Añymypente handi verã, ha'eã ñimbivacheva rupii Moisés mbypara vekua rehe, koñeĩ Cristo jairojaherã, ñimbivacheva hai jyrojakue rupii Tũpaivi ouva.

Hebreos 11:1

Jairojahe Tũpa hai ẽẽma heky verã hãrõ'õva. Hai heshahava jyrojakue rupii mbai katumba teri heshahava.

Hebreos 12:25

Pingareko kavi avypo pimbijiche ijeta ñandeva. Shara ohojepeã reta potamba henduvare ko yvy'ĩãrẽ mbo'ea retarã, ñande pevarã javaipo jyve jahajepe verã jyve potaã ñahendu vate araivi ñanymboivarã.

Hebreos 5:7

Cristo ko yvy'ĩãrẽ kuareta rãĩmi ikorã, hỹnatu, hareka jaheo ryheve jurure'asyshu Tũpa, rekova mbaikatu mondojepeshi verã ñymano; hãme ñee hendurã Tũpa hendushu.

Hebreos 8:5

Kova paire japo jyre vekua rãnga, vate arape'õ rãĩmiva myha'ãngaheva hareka kuarãsyã; Tũpa heishuva rãĩmi Moisés, japomapo'ẽ tavernakulorã: Mãĩkavikui, rijapo ryraha verã arymbyheshakava rãĩmi yvyturusupe.

1 Pedro 3:20

Haire ñee henduã reta aryka'e, Noé ikoteri'irã, Tũpa ñyhãrõkuaa ryhevepe hãrõtẽva, japohateri'ẽ varko vasurã. Koñeĩ 8 kuareta ohojepe yy rupii.

2 Pedro 1:1

She, Simón Pedro Jesucristo jokueva hareka apóstol apyrỹmymarandu, Jesucristo ñanu Tũpa ñanynohẽva porãmbaivi hekokavi rupii, hejape pente jyrojakue mashyãva ore ĩme rekohava rãĩmi.

2 Pedro 2:5

Tũpa hejareiãmbashu reta arykaiva kuaretare, hãrã mboumbashu arykai amavasu yvy ĩãrẽ'iare, koñeĩmba Noé mondojepe, pyrỹmboi'ihea teko jyvache hareka 7 ĩrũre hãndi.

2 Pedro 3:6

Yy rupii opa oñehũndi jyve arykai ko yvy ĩãrẽ'õre amavasu ourã.