Hebreos 11:32 - NandevaBiblia

³² Mbaiveerapo haijy? Javeãpo'ẽshe ara aijetahe verã Gedeón, Barac, Sansón, Jefte, David, Samuel hareka Tũpa ĩñee mbeu'iare,

Hebreos 11:32 ပူးပေါင်းရင်းမြစ်များ

Mateo 5:12

Pyvy'a, hareka pyndypya hory, shara vate arape ĩme'ẽ me'ẽãpe verã, kyrãmba hasa'asy jyve arykai Tũpa ĩñee mbeu'iare tynonde pyndyhevi vekuare.

Lucas 13:28

Haipe ẽẽpo jaheova, hareka tyrãĩ mbupupuruva pyheshama Abraham, Isaac, hareka Jacob perã, hai hoka Tũpa ĩñee mbeu'ia arykaivare Tũpa ẽvãpe'õ ryheva tẽvã pee pymohẽãpo katuape.

Lucas 16:31

Abraham heishu: “Henduseã Moisés, hareka Tũpa ĩñee mbeu'ia retarã, rojã'ãĩpo jyve reta ĩmetẽ'ẽ pũãjyva manovare pãũvi”.

Juan 21:25

Heta'ẽjy yngava mbai haikaviva Jesús japo vekua mbyparahambava kuatiape. She pevarã ko yvy'ĩãrẽ javeãpo kuatia pepenteĩpo mbyparaharã. Amén.

Hechos 10:43

Opaite Tũpa ĩñee mbeu'iare ijetahe Jesús hareka hei reta jyrojaheva hai heepe mbai porãmba japo vekua hejareiiposhi reta.

Hechos 13:20

Opaite kova 450 ãño pukukueipi tãta ẽẽ. Haivi kova oparã Tũpa ñonõshu reta pirĩmbivacheka'iare Tũpa ĩñee mbeu'ia Samuel jy'arapeve.

Hechos 3:24

Shara Tũpa ĩñee mbeu'ia Samuelvive õñepyrõ ijetahahe kova ara.

Romano 3:5

Tẽvã katuãpo jai Tũpa hekope kavimba'ia poshyrã hareka ñanunuparã. Mbaivarapo jai? Tũpa hekope kaviãra'i ñanunupa'i verã? (Kuaretare ijetava rãĩmi aijeta).

Romano 4:1

Akuarã, mbaivarapo jaihe Abraham hasa vekua, ñanytynondeva?

Romano 6:1

Mbaivara jaipojy? Mbai porãmba vekuaĩrapo jajapojai Tũpa hejavereii ñandyhevi verã?

Romano 7:7

Hãmera jaipo Moisés mbypara vekua haiva mbai porãmbava? Mba'ety! Tẽvã mba'ety mbyparahava japoa verãrã, aikuããmbapo mbaivara mbai porãmba. Aikuããmbapo yngavare ña'ãpova jaipotava ryheva, Moisés mbypara vekua he'ĩãrã: “Avy pota yngavare ña'ãpova”.

Santiago 5:10

Shyryvyre, pyraha pindijehe marãra hasa'asy hareka hãrõ kavi Tũpa ĩñee mbeu'iare arykaivare Ñandeja hee ijeta'ihe vekuare.

2 Pedro 1:21

Shara Tũpa ĩñee mbeu'iare mapeãmba ijuhuvireii ñimiñee reta. Koñeĩ kuareta pyhyrõavare Tũpa heepeimba ñimiñee reta Espiritu Santo mboivare rãĩmi.

2 Pedro 3:2

Pynymanduahe arykai Tũpa ĩñee mbeu'ia heko kyambavare hareka ñeẽ japoa verã Ñandeja ña'ãpova hareka Pyrỹmondojepe'ia apostolre rupii.