Hebreos 10:36 - NandevaBiblia

³⁶ Pee pikotẽvẽ pyreko ñyhãrõkuaa kova jyhasa'asype, Tũpa potava pijapo verã hareka pipity verã ĩñee meẽva Hai hei vekua.

Hebreos 10:36 ပူးပေါင်းရင်းမြစ်များ

Mateo 10:22

Kuaretare pyndyreshatããpo shimimboiperã, tẽvã ara japyapeve tãnta jyroja shyreheva, ohojepepokui.

Mateo 12:50

Ĩme'ẽ japova Sheru vate'õ arapy potava, hokava hai shyryvy, shiindy hareka shesy.

Mateo 21:31

Mbavara mokue'iare japoshu tuu heiva? Hãrã haire heishu: Tay tynondeiteva. Jesús heishu reta: Ãñete hai pee, kyrypoti mbatyse'iare Roma pevarã hareka taupe heko porãmbare tynondepo iche pyhevikui Tũpa huvisharã'õpe.

Mateo 24:13

Tẽvã tãtangatu ẽẽva japypeve, ohojepepokui.

Mateo 7:21

Ha'ẽã opaiteva heisheva: “Sheja, Sheja”, iche verã vate arapy huvisha vasurã ẽvãpe, koñeĩ Sheru vate arapy'õ potava japovãĩpo ichekui.

Marcos 3:35

Opaite japoshuva Tũpa potava, hai reta rãnga, shyryvy, shiindy hareka shesy.

Lucas 21:19

Tãtãkatu peĩrã, peojepepokui.

Lucas 8:15

Timĩty yvy kaviape oava hai henduva Tũpa ĩñee, pya kavipe hareka hekope kavi nãtuva, hareka japova ñee hendu vekua, hãrã ia kavi hasa asytẽ'ia.

Juan 7:17

Tũpa ĩñee pota japova, kuaañoĩpokui she apyrỹmboiheva, haira Tũpa potava rãĩmi, maĩrã shijuhuviira aijeta.

Hechos 13:22

Hãrã Tũpa mohẽ Saul ẽvaivirã ñonoshu juhuvisharã David, heihe: “Ãvãheshu David, Isai tay, pente kuimbai she rãĩmĩ pya mbijetava, she aipotava opa japoshe verã”.

Hechos 13:36

Ãñeteara David opa kavi japo hẽta ĩrũre mbytepe, Tũpa potavarã, mano hãrã ñotyha tuu tynõndeshivekuare hãndi haivi hetekue opa ñymbai.

Romano 12:12

Vy'ape pyhãrõ pẽĩ, pyhasa kuaapo jyhasa'asy, avy pynykangy pimbo'e.

Romano 12:2

Hãrã avypo piko ko yvy'ĩãrẽ'iare ikova rãĩmi, koñeĩ pypya pimbijeta py'aupojy. Hãmerãpo pikuaa Tũpa potava rãĩmi, haikaviva, pya ohoheva hareka hekope kavi'õ.

Romano 2:7

Tũpa meẽposhukui tykove opambava, opaite haikavivaĩ japo'iare, haikavivaĩ Tũpaivi hekavare, mandu'akavihea hareka pente tykove katumba mambaihava.

Romano 8:25

Tẽvã ñaharõñaĩ jaheshambavarã, ñyhãrõkuape ñahãrõ.

1 Corintios 13:7

Japyryraihu he'ise opa mbaipe jahasa'asy, jairoja, ñahãrõ, hareka opa mba'e jepyhe.

Galatas 6:9

Hãrã avy ñanykangy jajapo verã mbai haikaviva; hãrã ñanate'ỹãrã vãhẽpokui ara ñamynoõ verãpe.

Efesios 6:6

Pijapo kavi maĩnunga mbe'uhape pijapo verã, ha'ẽã peja maĩ'ẽ pyndyrehe rãmẽĩ haikavi pijapo pota haikavi pẽĩ hãndirã, Cristo jokuerea rãĩmi jyve, pijapo kavi pyndypyaivive Tũpa potava.

Colosenses 1:11

Tũpa ñymbaikatukue tivishava rupiipo pynymypyrãta, hãrãpo opava porãmbava pijepyhekui ñyhãrõkuaa rupii, hareka kyrã vy'akue ryheve.

Colosenses 3:24

Pikuaama rãnga hekovia Tũpa meẽpope, hokava hai maĩnunga haikaviva meẽshu verã hai ryhevare. Pikuaapo pee pymba'apova Cristo pevarã, hai ãñeteĩte teja.

Colosenses 4:12

Pynymarãndu jyve Epafras, Cristo jokueva, hai rãnga jyve pente pyndyryheva. Hai heta õñehãã jurure'i pyndyreherã, tãntangãtu pẽĩ verã, porãmba pijapombape hareka opa kavi pijapo verã Tũpa potava.

1 Tesalonicenses 1:3

Yrỹmanduañoĩ pyrehe ñanu Tũpa hareka Ñanderu hỹnonde marãra jyhaihupe pymba'apo hareka marãra pirojaiterã hetavape pymbory, hareka marãra pyharõkuaa Ñandeja Jesucristo.

Hebreos 11:39

Tẽvã, penteã kova kuimbaire hipity hai Tũpa mbeu vekua, ajemaĩ Tũpa mbyhasateãre jyrojakue ĩmerea reta rupii.

Hebreos 12:1

Opaite hokava kuaretare ĩme'ẽ ñandijerekue ñandyresha'ẽva! Hãrã opapo ñambijiche mbai porãmba vekua ñandochava, shara tykove hai pente mbaretepe jykarerava.

Hebreos 13:21

Haipo pynymboi opa mbai haikaviape, pijapo verã hai potava, hareka tijapo pyndyrehe mbai kaviva Jesucristo rupii. Jesúspe tymyvãhẽha hĩmbipekue hareka opa ara toñemombai. Amén.

Hebreos 6:12

Avy piñymateỹ, kyrãtẽ verã peñehããpo piko jyrojavare hareka hãrõ kuaavare rãĩmi, shara haire hipitypo Tũpa ĩñee meẽ vekua.

Hebreos 6:15

Abraham pyareheimba'i hãrõrerã, hãrã Tũpa hipitykashu hai heishua meẽshu verã.

Hebreos 6:17

Hãrã Tũpa potañoĩ my'añete heshaka verã opaiteva hipity verã kova ĩñee meẽ vekua, yngavamba hekyjy verãpe.

Hebreos 9:15

Hãme rãnga Cristo hai ñee me'ẽã py'ahuva, henohavare myvãhẽva me'ẽãshu verãre Tũpa mbeu vekua ñee opamba ryheva, ã'ẽ hai manoma mbyhepy ñandyrehe ñanynohẽãjy verã opa mbai porãmba jajapo vekua tynonde ñee me'ẽã vekuape.

1 Pedro 1:9

shara ĩmemapyre pirojakue pota hipityva, hokava hai ñymondojepe.

1 Juan 2:17

Kova yvy opa oho'i opaite poramba vekuare ryheve, tẽvã Tũpa potava japo'iare, ikopo opa ara pevarã.

Apocalipsis 13:10

Ĩme'ẽ mbyperesoa verãrã, rahapo mbyperesoha, hareka kyse pukuvape jukaha verã, kyse pukuvapepo jukaha. Hokava he'ise Tũpa ryhevare ñyhãrõkuapepo hasa reta mbai hasyva hareka tantapo'ẽ jyrojakuepe.

Apocalipsis 14:12

Kope ẽẽ Tũpa ryheva hãrõkavivare, Tũpa heiva natu kaviva hareka opa ara jyrojaheva Jesús.