Hebreos 10:29 - NandevaBiblia

²⁹ Hãme mbovykuerapo jahehahe Tũpa Tay pyrõheva hareka heivare Cristo huvy mbaimbava, mymorãmbava Espiritu Tũpa ryheva haihushuva.

Hebreos 10:29 ပူးပေါင်းရင်းမြစ်များ

Mateo 26:28

Kova hai shuruvy my'ãñeteva ñee me'ẽãva py'ahuva ryheva, ñohẽhava opava pevarãre, mbai porãmba japo vekua hejahareishi verã.

Mateo 7:6

Avy pymeẽshu ñaũmba mbai kyambaa, mahẽ jere pykotyrã opa pususukui, avy pymomboshu mãĩnũnga hepyva kushire hỹnonde, mahẽ opareii pyrõhekui.

Marcos 7:2

Kovare hesha Jesús mboireare a'ãmo karu ñynoĩ ipo kya ryheverã, he'ise jypoimbaa, ijeta porããhe reta.

Lucas 12:10

Hãrã ĩme'ẽ ijeta porãmbaheva Kuareta Tay, Tũpa hejareiiposhu; tẽvã Espiritu Santo jahe'ihea ha'eã hejareiishu verã.

Juan 10:36

Tũpa shypyhỹrõ hãrã shymbou yvy'ĩãrẽ: Hãmera marã'ĩrã pere, she aijeta porãmbahea, Tũpa Tay she hairãme?

Juan 17:19

Hai reta reheĩ rãnga añymyngy'ã, haire kyamba verã jyve añeteva rupii.

Hechos 7:51

Tẽvã pee, heishu reta Esteban: Pyndypya tãnta ñoĩva, papysa hareka pyndypya Tũpa kuambava rãĩmi pyre. Espiritu Santo piñymbyvaisho ñoĩpihe.

Romano 16:20

kyrãrã Tũpa pyakaviva areãpo pyrõ ñonohekui Satanás pepy ipe. Ñandeja Jesús jy'ajetekue toĩ penendie.

1 Corintios 11:27

Hãma ĩme'ẽ houva pãhã hareka ñymbyuva kopa Ñandeja ryheva hekopemba'ẽ vekuarã, japo mbai porãmba Ñandeja hetere hareka huvyre.

1 Corintios 11:29

Shara pãhã houva hareka ñymbyuva hekope kavimba ryheverã, ha'ii pevarãĩ japo kuaa kavimba'ẽvã Tũpa ña'ãpoteva hoka tyrete.

1 Corintios 15:25

Shara Cristo mburuvisha vasurãñoĩpo'ẽ opa ñonopeve ipy ipe hyvaishorãreare.

1 Corintios 15:27

Shara Tũpa opa mbaipo ñono Cristo ipy ipe. Hãrã opaiteva mburuvishare ñonohã ipope heirã, he'iseã Tũpa ñonoãjyveva Cristo ipope. Shara Tũpa hai opa mbai ñonova Cristo ipope.

1 Corintios 6:11

Ĩme'ẽ aryka'e pymbytepe kyrã'i vekuare; tẽvã ã'ẽ pyndykyaveãma Ñandeja Jesús heepe hekokavivamape, hareka Espiritu ñanu Tũpa ryheva rupii.

Efesios 4:30

Avy pymbyvy'ãpi Tũpa Espiritu Santo, shara Espiritu hãĩ jyve ñanymyhã'ãngapya heshakava ñande hai Tũpa ryhevarã, opava retape me'ẽha jahajepe verã.

Efesios 5:26

Hai mano japo ñandyhevi verã Hai pevarãĩ, johema hai ĩñee kavi rupii yype joheava rãĩmi.

Hebreos 10:10

Tũpa ñanymbyheko ky'ãã shara Jesucristo japoshu Tũpa potava ha'eĩ meẽ hete jukaha verã penteĩ hareka opa ara pevarã.

Hebreos 12:25

Pingareko kavi avypo pimbijiche ijeta ñandeva. Shara ohojepeã reta potamba henduvare ko yvy'ĩãrẽ mbo'ea retarã, ñande pevarã javaipo jyve jahajepe verã jyve potaã ñahendu vate araivi ñanymboivarã.

Hebreos 13:20

Tũpa pyakaviva, ñymanoivi puãjy vekua Ñandeja Jesús, avisha ñyngareko'ihea ojaimbava, ñee me'ẽãva opa ara pevarã huvy rupii.

Hebreos 2:11

Shara opaiteva pente Tuuĩre; mbyhekoa kaviva hareka pyrỹmbyheko kaviva. Hãrã, Tũpa Tay notiã heihe verãre haiva “tyvyre”,

Hebreos 2:3

marãrapo ñañemikui, ñymondojepeva ryheva ojaimbava ñaingarekoãherãme? Shara Ñandeja rãnimba tynonde mbeu kova ñymondojepeva ryheva, haivi kova ñee henduvare heshaka ñande añetevarã.

Hebreos 4:14

Jesús Tũpa tay, hai ñandy pai ruvishavasu ĩmejareva vate arapy ohojy vekua, hãrã jairoja katupohe.

Hebreos 6:4

Shara katuãã sapeamaheare hareka kuaamava Tũpa meẽreiiva, hareka me'ẽãshu vekuare Espiritu Santo,

Hebreos 6:6

hykuaĩ oajyrã, katuveãmapo ñymbeujy retakui Tũpape, maĩny haire hykuaĩpo Tũpa Tay jukarã kurusure ñonojy retakui hareka ñymbyhorypohe kuaretare hỹnonde.

Hebreos 9:13

Toro hareka kapuraray huvykue, hareka vakaray timbo momohẽava kuaretare'ĩãrẽ rãnga mbyheko kavi hareka hete ĩãrẽĩ joheshu,

Hebreos 9:20

Hãrã Moisés heishu reta: “Kova hai turuvy my'añete ñaĩ handiva Tũpa meẽ pee pijapo verã”.

Apocalipsis 1:5

hareka Jesucristoivi heshava jyrojaheva, tynondeite kuerajyva hareka mbaivasuveshiva mburuvisha vasu yvy ĩãrẽ'õre. Hai ñandyraihurã hareka opa ñandohe mbai porãmba vekuaaivi huvypy,