Hebreos 10:25 - NandevaBiblia

²⁵ Avypo japoi jaha ñymbatyha'õpe a'ãmore jypykuava rãĩmi, opaiteva ñaiñymykyrẽỹ katu jairojavehe Tũpa, hai ĩãrẽ pyhesha kooĩma vãhẽ ou ararã.

Hebreos 10:25 ပူးပေါင်းရင်းမြစ်များ

Mateo 10:15

Ãñete hai pee: Ñimbivache arape, ñunũpa haire pevarã teitevepo hoka tenta Sodoma hareka Gomorrape vekuaivi.

Mateo 18:20

Hãma mokue, maĩrã mbahapy shyreepe ñymbatyva, she haipe ãĩ hãndi reta.

Juan 12:48

Hãrã ĩme'ẽ shiñee mbijicheva hareka japombavarã, ĩmemare jahehe verã. Ñee she hai vekuapo jahehekui ara japyape vãhẽmarã.

Hechos 16:16

Pente arape ohoha ñymbo'eharã, haipe heshaha pente kuñataĩ jokueha'reirea ñymbai kuaa'ia ñyvãĩtĩhã hãndi. Hai heta mbykyrypoti ijarãreare, ñymbai kuaa'irã.

Hechos 2:1

Vãhẽma arete Pentekoste he'iashuarã, opaite jyrojavare penteapeĩ ñymbaty reta.

Hechos 2:42

Hãrã haire iko Apostolre mboishua rãĩmi mbijao ijupe reta ĩmereare, ñymbaty retarã hareka iko reta pente ñeepe, jurure hareka hou reta jykaru Tũpa ñymanduaheva ryheva.

Hechos 20:7

Ara semana oñepyrõheape, ñymbatyha pãhã pyse'ãhã verã, haipe Pablo mboishu Jesús jyrojaheare. Ohojymapojy ĩrũ arajyaperã, pyhare mbytepeve ijeta.

Romano 12:8

hãrã ñapyrỹmykyrẽỹ verãrã, ñapyrỹmykyrẽypo. Hãma mbai ĩme jarea ñameẽpotarã, jahaihumbapepo ñameẽ. Mbai ñamiñaka jai verãrã, jajapo kaviñoĩpo. Hareka maĩnunga mba'etyrea ñamborypotarã, vy'apepo ñambory.

1 Corintios 11:20

Kova opa porãmbapeĩva veruva hai, pimbatyrã haiveama Ñandeja jykaru ryheva.

1 Corintios 14:23

Tẽvã Tũpa hoope pimbatypeĩrã, opaiteva pijetapi ñee kuaahambaperã, iche ou haimba pyndyryhevarã maĩrã Jesús jyrojambahearã, he'ĩãrapope pikuakuaambapiva?

1 Corintios 14:3

Tẽvã Tũpa ñymbaikatukue ryheve ñimiñee'ia, ijeta mupũã verã kuaretare, mykyrẽy hareka mbypya kavijy.

1 Corintios 3:13

Tẽvã japo vekuare pepenteĩpo ijykuaakui ara opamarã; shara tata ryhevepo oukui hoka ara, hãrã tatapo heshakakui mbaivapera ñamupũã oo.

1 Corintios 5:4

pimbatymarã, shypyapeĩpo ãĩme'ãĩkui pynymbytepe hareka Ñandeja Jesucristo heepe. Hãme rãnga Ñandeja Jesús ñymbaikatukue ryheve,

Filipenses 4:5

Opavare tyhesha pynymbaikaviva. Ñandeja kõõima oujy!

1 Tesalonicenses 4:18

Hãrã kova ñee rupii piñymykyrẽy.

1 Tesalonicenses 5:11

Hãrã piñymykyrẽỹ hareka piñymyhãtangatu pijupe, kueĩpi pijaposea rãĩmi.

Hebreos 10:24

Hãrã ñañehããpo opaiteva jajepy'apy ijehe, hareka jaijyhaihu, hareka mbai haikavivaĩ jajapo.

Hebreos 10:37

Shara Mbyparahava hei: “Areãpo oukui ou'ẽ verã, kỹỹveãmapo'ẽ”.

Hebreos 13:22

Shyryvyre, airurepe pyhendu verã ñyhãrõkuaa ryheve kova ñee ñymykyrẽyva ryheva mishĩĩ ambyparapeva.

Hebreos 3:13

Kyrãte verã pimykyrẽypo opa ara, ẽẽterirã tantangatu ẽẽpeve hokava “ã'ẽ”, mahẽ mbai porãmba pynymbytavyrã pyndypya pymytãtashikui mbavaivi.

Santiago 5:8

Kyrãpo pyhãrõ kavi jyve hareka piñono kavi pyndypya; shara Ñandeja oujy verãpe vãhẽserima.

1 Pedro 4:7

Kooĩma'ẽ ara, opa mbai opa verãpe. Hãme rãnga, pyndypyareheiipo hareka pimboi katupo.

2 Pedro 3:11

Kyrãpo opa mba'e õñehundirã, marã'ĩrãra pikoãte tykove kyambape hareka Tũpa potava rãĩmi?

2 Pedro 3:14

Hãme shyryvyre ahaihuva, pyhãrõteripeĩ kova mbai jehu verãrã, pyrẽĩkatu pindijupe pyavapype, tykove kyambape hareka mbaimba mbojaharei pyndyrehevape.

2 Pedro 3:9

Ha'ẽã rãnga Ñandeja potai kỹỹ'ẽva japo verã hai hei vekua, ã'ãmore pya mbijetahea rãĩmi, koñeĩ pyny'ãrõpeveĩ'ẽ, shara hai potãã mbava manoshi, koñeĩ pota opaiteva oujy Tũpa kyty.

Judas 1:19

Kova reta rãnga opa ñanimbijao, haire potavaĩ japojyre, shara mba'etyre Espiritu Tũpaivi ouva.