Hebreos 10:24 - NandevaBiblia

²⁴ Hãrã ñañehããpo opaiteva jajepy'apy ijehe, hareka jaijyhaihu, hareka mbai haikavivaĩ jajapo.

Hebreos 10:24 ပူးပေါင်းရင်းမြစ်များ

Hechos 11:29

Hãrã opaite Jesús mboireare mambaty verã pepenteĩ ĩmereamire, mboryshu verã ñandyryvyre Judeaipi iko'iare.

Romano 11:4

Tẽvã Tũpa heishu: “She pevarã yngai ãñono 7.000 kuimbaire, Baal hỹnonde ĩñesumba vekuare”.

Romano 12:15

Pyvy'a hãndi vya'õre hareka jaheo'õre pijaheo hãndi.

1 Corintios 10:33

She jyve opa mbaipe ãñehãã opava retape ambyvya verã, hareka ahekãã she pevarãĩ haikavi verã, hetava retape haikavi verã rãnga jyve, ohojepe verã reta jyve.

1 Corintios 9:22

Pyrãtambavare mbytepe, aiko jyve pyrãtambava rãĩmi, aru verã reta jyve pyrãtambavare. Jaishu opaĩ añimbivache hãndi, a'ãmo ohojepe verã reta jyve.

2 Corintios 8:8

Ha'ẽã katu pijapoñoĩ verã she hai peeva. Pota rãnga aheshakape marãra yngavare opa ñymykyrẽỹ jyve, pyheshaka verã jyve marãra pyhaihu papishare.

2 Corintios 9:2

Shara aikuaa õĩmavare hareka kyrẽỹ retarã. Hãrã vy'apeñoĩ ambeushu ko Macedoniape'õre, pee Acayape pẽĩvã ãño hasa vekuapevãĩ opa pẽĩ kavi, hãrã kyrẽ'ỹkue hetavape mykyrẽỹ jyve.

Galatas 5:13

Pee rãnga shyryvyre piñyheno poia pyhevi verã. Avy pipory kova poia pyndyheviape pijapo verã pyndyroo potava, haikavivepo piñymbory jyhaihuperã.

Galatas 5:22

Espiritu Santoivi rãnga ou jyhaihu, vy'a, pyasymyĩ, ñyhãrõkua, pyakavi, mbaikavi, tãnta jyroja,

Galatas 5:6

Ñande rãnga ñañymypenteĩ hãndi Cristo, hãrã mba'eã he'ise iripire chĩchĩhãkara maĩrã mba'ety, koñeĩ haikaviveva hai jyrojakue, hareka kova jyrojakue rupii jahaihu jyve ñandapishare.

Galatas 6:1

Shyryvyre, ĩme'ẽ oava pynymbytepe mbai porãmbaperã, pee pikova Espiritu Santo potava rãĩmi pymboryshu puãjy verã. Tẽvã pijapo pyakavi ryheve, hãrã pepenteĩ pingareko ijehe mahẽ peeave peajy vekui mbai porãmbape.

Colosenses 3:16

Cristo ĩñee tytynyhẽ kavi pyndypyare. Piñymbarakuaa hareka perepijupe mbai kuaakuepe. Pyndypyaivive pymeẽshu Tũpa pyndy'ajetekue, pypyrahe salmope'õ, mbyrahe haikaviva hareka mbyrahe Espiritu ryheva.

1 Tesalonicenses 1:3

Yrỹmanduañoĩ pyrehe ñanu Tũpa hareka Ñanderu hỹnonde marãra jyhaihupe pymba'apo hareka marãra pirojaiterã hetavape pymbory, hareka marãra pyharõkuaa Ñandeja Jesucristo.

1 Tesalonicenses 5:11

Hãrã piñymykyrẽỹ hareka piñymyhãtangatu pijupe, kueĩpi pijaposea rãĩmi.

2 Tesalonicenses 3:9

Ajemaĩ ẽẽte ore jurureharã yrỹmboryñoĩpi verã, tẽvã mba'apohaĩ ho'uava vãhẽhashu verã, kyrã heshahakape, ikohava rãĩmi piko verã jyve.

1 Timoteo 6:18

Ereshu reta tijapo haikaviva, tikokatu reta mbai haikaviva japovapy, tymeẽ hareka timbijaoveshu hapisha mbai haire ĩmerea.

Tito 2:4

Tymboihe kuñataĩre haihu verã ĩmere hareka membyre,

Tito 3:8

Kova rãnga hai ñee añeteva hareka aipota hykuaĩ rerejykui kova mbaire, õñehã japo verãre Tũpare jyrojavare haikaviva. Kova mbaire haikavi hareka opava pevarã poryha verã.

Hebreos 13:1

Avy pypoi pijyhaihu shyryvyre.

Hebreos 13:3

Pynymanduahe mbyperesoavare, kyrã pee pẽĩ hãndia rãĩmi mbyperesoavape, hareka, peeteiva pyhasa'asypeĩva rãĩmi.

Hebreos 3:13

Kyrãte verã pimykyrẽypo opa ara, ẽẽterirã tantangatu ẽẽpeve hokava “ã'ẽ”, mahẽ mbai porãmba pynymbytavyrã pyndypya pymytãtashikui mbavaivi.

1 Juan 3:18

Shyryvyre, avy ñandijurupeĩ japyryhaihu, añeteape rãngapo japyryhaihu mbai jajapova rupii.