Hebreos 10:22 - NandevaBiblia

²² Hãrã, ñaimbojahe Tũpa ẽvãpe pya añetevape hareka tanta jairojavape, joheha ñandypya potaveãma jajepy'apyhe verã mbai porãmba vekuare hareka yy kyambavapy joheha tyretere.

Hebreos 10:22 ပူးပေါင်းရင်းမြစ်များ

Mateo 3:11

Añete yypeĩ apyrỹmyngarai pyhejama mbai porãmba pijapo vekuarã. Tẽvã shaykue ouva pynymyngaraipokui Espiritu Santo hareka tatape, hai mbai vasuve shyhevi, jypasaĩmba katu ajorashua.

Lucas 1:1

Heta'ẽ oñehãã hendape kavi ñonova arykai mbai añeteva ỹrymbytepe iko vekua,

Juan 3:5

Jesús heishu: Añeteĩteva hai nde, oa py'ahujymba yy hareka Espiritu rupii, katuãpo iche Tũpa ẽvãpe.

Juan 8:9

Henduma reta kovarã, pepenteĩ õñepyrõ ohojy, tynonde kuakuaitevevare opajy oho. Hãrã Jesús hã'ẽĩ ĩme hãndi haipe taupe.

Hechos 22:16

Hãmera ã'ẽ, mbaiva ryhãrõ? Pũ'ã hareka ñymyngarai hareka jurureshu Ñandeja hejareindyhevi verã mbai porãmba vekua”.

Hechos 8:21

Nde mba'ẽã ĩmeryrende kovape, shara ndypya symyĩã Tũpa hỹnonde.

1 Corintios 6:11

Ĩme'ẽ aryka'e pymbytepe kyrã'i vekuare; tẽvã ã'ẽ pyndykyaveãma Ñandeja Jesús heepe hekokavivamape, hareka Espiritu ñanu Tũpa ryheva rupii.

2 Corintios 7:1

Hãme, shyryvyre ahaihuva, kova ĩmejareva hai ñee me'ẽãva. Hãme avypo ñaimyngyapy opaite katu ñanymyngyavare, katupo ñandyretepe maĩrã espiritupe, kyrãpo ñandyky'ãã shara Tũpaivi jakyje.

Efesios 3:12

Ñameẽshu ñandyvya Cristo, shara jairojaherã, jareko pyrãtãkue jahahe verã Tũpa jakyjembape.

Efesios 5:26

Hai mano japo ñandyhevi verã Hai pevarãĩ, johema hai ĩñee kavi rupii yype joheava rãĩmi.

Efesios 6:5

Pee jokuehareare, ñee pyhendushu pokue'ia ko yvy'ĩãrẽ, mbyveteavape hareka japumbape, pijapo hai heipeva hareka pya kavi ryheve, jokueharea Cristo pevarã japo'ia rãĩmi.

1 Timoteo 4:2

Japoposhu kuaretare hova mokue'iare hareka japuvare heiva, katuveãma ñynotivare.

Tito 3:5

ñanymondojepe haimbatẽ mbai haikaviva jajapo jairã, shara ñandypareko. Ñandohe mbai porãmbavaivi, ñanymby'oa py'ahujy hareka Espiritu Santo rupii meẽ ñande tykove py'ahuva.

Hebreos 10:1

Moisés mbypara vekua rãnga hai pente haikaviva heshaha verã Tũpa meẽ ñande verã. Hãrã mbyparahava katuã añeteĩte mbyhaikavi ñono opaite ãñope raha mymba jukarã meẽñoĩva Tũpa pevarã.

Hebreos 10:19

Hokava rehe shyryvyre, ã'ẽ jyroja ñaĩ jaiche verã Tyrẽnda Kyamba'eiteveva Jesucristo huvy rupii.

Hebreos 11:28

Moisés jyrojaiterã õñepyrõ mby'arete Pascua hareka kytykahe onchere avisha huvykuepy, potamba Tũpa jokueva puruka ouva pokohe verã Israelitare tayre tynondeva.

Hebreos 12:24

Jesure jyve, mbivache kaviva ñee me'ẽã py'ahuva hareka turuvyre kytyhaheva, hokava ijeta kavivehe Abel huvykue.

Hebreos 4:16

Hãrã jyrojakue ryheve ñaĩmbojahe Tũpa ñandyraihuva vapy'õpe, ñandypareko verã, hareka ñavãhẽshu verã pyakavi ñaikotẽverã.

Hebreos 6:11

Ore potaha pyheshakañoĩ pyraha hokava kyrẽ'ỹkue ĩmepyreva opapeve, opaite ikopeve pyhãrõ peĩvape.

Hebreos 7:19

Shara Moisés mbypara vekua mba'ẽã mbyhaikavi, tẽva ã'ẽ jairojamahe ñyhãrõ kavipe, hokava heja ñande ñaimbojahe verã Tũpa.

Hebreos 9:10

Opaite me'ẽãva hareka mymba jukahava koñeĩ ijetahe ho'uavare, mbusururuava hareka hete joheva pevarãĩ ñonoha Tũpa yngava ñonoãjyrã.

Hebreos 9:19

Shara Moisés mbeumashu opaite Israelitare ñeẽ japoha verãrã, heky vakaray huvy handi kapuraray huvy hareka yy mbihia, haivi heky avisha haa pyntava hareka pente isopo hãka, momohẽhe verã kuatia ñee mbyparahava hyru hareka jyve opaite israelitare.

Santiago 1:6

Tẽvã tirure jyrojakue ryheve, pyhumba ryheve; shara pyhuva ova yyvasu yvytu kokoty rahava.

Santiago 4:8

Piñymbojahe Tũpa hãrã hai ñymbojapo jyve pyndyrehe. Mbai porãmba japo'iare pijohe pepo; hareka pee Tũpa pota pyhaihuva hareka jichepeĩ pyhaihuvajy yvy'ĩãrẽ'õ, opa pijohe pyndypya.

1 Pedro 1:2

Opaiteva Tũpa Teru potava rãĩmi pyhyrõãvare Tũpa ñymbaikuaakue rupii. Espiritu Santo rupii pinimbijicheha Tũpa pevarã, ñee pyhendu hareka pijyjoheka verã Jesucristo huvype. Tyvãhepe heta jyhaihukue hareka pyavapy.

1 Pedro 3:21

Hareka hokava yy heshaka ã'ẽ japoryva ñaĩmyngarai verã, hai rupii Tũpa ñanymondojepe. Ñymyngarai ha'ẽã mbai kya opama ñandyreteivi hekyva, he'iseĩ mbaikuaakue kyamba Tũpa hỹnonde. Jesucristo kuerajy rupii veru ñande pyrỹmondojepeva;

Apocalipsis 1:5

hareka Jesucristoivi heshava jyrojaheva, tynondeite kuerajyva hareka mbaivasuveshiva mburuvisha vasu yvy ĩãrẽ'õre. Hai ñandyraihurã hareka opa ñandohe mbai porãmba vekuaaivi huvypy,