Hebreos 1:14 - NandevaBiblia

¹⁴ Shara Tũpa jokuevare hai espiriture mba'apova Tũpa pevarã, jokueshu mbory verãre opaite ñymondojepe hipityva retape.

Hebreos 1:14 ပူးပေါင်းရင်းမြစ်များ

Mateo 1:20

José pya mbijeta'irã, mondii jypaihupe ijeshakashu pente Tũpa jokueva hãrã heishu: “José, David ñymoñashia, avy kyje reru verã María ndyrekorã, ko sanjay María ĩmere verã hai Espiritu Santo japova rupii.

Mateo 13:41

Ko kuareta Tay, mondopokui jokuevare. Haire mbatypo hareka hekyposhi opaite tentavasu ryhevare, mbai porãmba japoka'iare hareka hapisha ity'iare porãmbape.

Mateo 18:10

Avy pijahehe sanjay rãĩmi jyroja shyryheva. Haipe Tũpa jokuevare haire ĩme'ẽ Ñanderu hỹnonde hareka hesha reta hova.

Mateo 2:13

Ohojyma karai ãrãndu retarã, Tũpa jokueva José jypaihupe ijeshakashurã hei: “Pũ'ã, narẽ'ãĩte raha sanjay hareka ishy Egiptope. Haipe pytakui she ãrỹmarãndujypeve, shara Herodes hekakapo'ẽ sanjay juka verã”.

Mateo 24:31

Ñyhendupo mimbyvasukue hỹnatu ipuva, haivi ãmondopokui ajokuevare mbaty verãre shyryhevare opaite yvy jerekue, ara japyivi opapeve.

Mateo 25:34

Haipe mburuvisha heiposhu jakata kyty'õre: “Pei Sheru ohovasashu vekua, piche ko Mburuvisha vasurã vate araivi mỹhẽva'ẽpeva Tũpa japorãvãĩ ko yvy'ĩãrẽ.

Mateo 4:11

Hãrã Ãña syryshi Jesús, haipe Tũpa jokuevare jyveru ñyngarekohe verãre.

Marcos 10:17

Jesús ohojyma verã, ñani ou pente kuimbai, ĩñesu hỹnonde hareka pyrãndushu: Pyrỹmboi'ia heko kaviva, mbaivarapo ajapo apity verã tykove opambava?

Lucas 1:19

Tũpa jokueva heishu: She hai Gabriel, ãĩme'ãĩva Tũpa hỹnonde; hãrã hai shymbou rẽĩvape ambeunde verã kova ñee haikaviva.

Lucas 1:23

Hãma opa japo tũpao pe japo verãrã, Zacaria ohojy hentape.

Lucas 16:22

Pente arape mano ko pavete'ia, hãrã Tũpa jokuevare ou rahashu Abraham ẽvãpe. Haivi iko katuva mano jyve, hãrã ñotỹha.

Lucas 2:13

Haipe mondii ijeshaka Tũpa jokueva hareka ĩrũre hetava hãndi vate araivi, Tũpa pyrahe ñynoĩshurã hei reta:

Lucas 2:9

Mondii ijeshakashu reta pente Tũpa jokueva, haivi Ñandeja hĩmbipekue sape juri reta, hãrã opa kyje reta.

Hechos 11:22

Tũpao Jerusalenpe'õre kuaama kyrã mbe'uharã, mondo reta Bernabé tenta Antioquiape.

Hechos 12:23

Haipevãĩ pente Tũpa jokueva mbypere, shara õmomba'ẽãshu Tũpa, hãrã Herodes hasorã mano.

Hechos 12:7

Sapy'aĩ ijeshaka Ñandeja jokueva hareka hĩmbipekue opa mykõĩ'ipe pyrỹmbyperesohaseape. Tũpa jokueva Pedro pokoherã, mombarã hei: Narẽã pũ'ã! Hãrã haipe kadenare opa oashi Pedro papyivi.

Hechos 13:2

Pente arape pyraheavape õmombai vasu hareka karumbape ñynõirã Espiritu Santo hei: Piñonoshe Bernabé hareka Saulo japo verã tijapo she ameẽshuva.

Hechos 16:26

Haivi sapy'ãĩ hỹnatu yvyryry hãrã opa my'õmy oo jypyre, õchere opa jypea hareka mbyperesoareare opa jerashi kadenare.

Hechos 27:23

Shara je'i pyhare Tũpa jokueva ijeshakashe, she amombai'area,

Hechos 5:19

Tẽvã pente Ñandeja jokueva, pynturã pea pyrỹmbyperesohaseape hõche, hãrã nohẽjyrã heishu reta:

Romano 11:14

Aipota a'ãmore shyryhevare ñyngareko pyndyrehe, kyrãrã a'ãmo hipitypo ñymondojepeva.

Romano 13:6

Mburuvishare Tũpa ipope ẽẽ jyve reta hareka japo ñynoĩ japo verã. Hãme rãnga pee pymbyhepy jyve tenta jurureva.

Romano 15:16

shara shypyhyrõ amba'aposhu verã Cristo Jesús hareka haimba Judiore amboryshu verã. Ĩme'are ajapo verã paire rãĩmi, ambeu verã Tũpa Ĩñee Kavi hareka arahape pee haimba Judiovare Tũpape me'ẽãva haikaviva, Espiritu Santo rupii mbijicheava.

Romano 15:27

Haikavishu reta ha'ire japo verãrã, japo kavi reta, ajemaĩ hai jyve japoñoĩ verãre. Shara kyrã Judio jyrojavare mbijajao jyveshu espiritu ryheva haire hipityva haimba Judiovare, myvãhẽ jyve reta mbai haikaviva espiritupe, kyrã ẽñoĩjyvepe pymbory verã ñandyryvyre maĩnungape.

Romano 8:17

Hareka ñande hai tay retarã, ha'eĩ jyve ñande tay tynondevare; Tũpa tay tynondevare, hareka tynondeiteva Cristo hãndi, añeteĩte jahasa'asy Cristo handirã ñanymbyveteapo jyve handikui.

1 Corintios 1:21

Shara Tũpa ñonoãshu kuaretare yvy'ĩãrẽ'õ ñy'ãrãndukue rupii kuaashu verã, hai ñy'ãrãndukue heshakavape. Tũpa pyryparekorã mondojepe ĩñee mbe'uava rupii opaite jyrojaheare, ajemaĩ ko ñee hãĩtẽ mbaimbava.

2 Corintios 9:12

Shara kova mbai haikavi pijapova pymbory verã ñandyryvyre, ha'ẽã mbai mba'etyrevapeĩ mboryvare, koñeĩ mykyrẽ'ỹha reta pyraheshu verã Tũpa.

Galatas 3:29

Hãrã pee hai Cristo ryhevarã, pee hai Abraham tayre, hareka opaite pipitypo Tũpa ĩñee meẽ vekua.

Galatas 3:7

Hãrã pikuaapo ãñeteite Abraham tay reta hai jyrojavare.

Galatas 3:9

Haima Abraham rãĩmi jyrojavare ohovasa jyveshu.

Efesios 3:6

Hãrã kuaahamba vekua hai kova: Jesucristo Ñee Kaviva rupii haimba Judiore myvahe verã jyve pyrỹmondojepeva, hareka ĩñee meẽva tenta Israelva retape, hareka pente tentaĩ iko hãndi verã Israel.

Filipenses 2:17

Ajemaĩpo shyrykove hekyhatẽ shyhevi opa japo verã pee pymeẽva Tũpape pirojakue rupii, hãrã avy'a jyve penendie.

Filipenses 2:25

Tẽvã haikavivepokui amondo shyryvy Epafrodito hareka mba'apo'i shendieva, shi'ĩrũ õñehãã'i shendieva hareka pymboushu vekua maĩ shyrehe verã aikotẽvevape;

2 Tesalonicenses 1:7

hareka pee pyhasa'asypeĩva, ore rãĩmipo me'ẽã jyvepe putuu. Kova ikopokui Ñandeja Jesús iñandukama tata ryheve vate araivirã, jokuevare mbaikatuva hãndi,

Tito 3:7

Hai, ñanymbyheko kavi verã jyhaihukue tivishava rupii, japity verã tykove opambava ñahãrõva.

Hebreos 10:11

Opaite paire japoñoĩ jy'arete mbeu reta mymba jukahava ryheva, ajema mapemba heky verã mbai porãmba vekuare.

Hebreos 2:3

marãrapo ñañemikui, ñymondojepeva ryheva ojaimbava ñaingarekoãherãme? Shara Ñandeja rãnimba tynonde mbeu kova ñymondojepeva ryheva, haivi kova ñee henduvare heshaka ñande añetevarã.

Hebreos 5:9

Hãrã ñymbyheko kavimarã opa ara pevarã ikoshi pyrỹmondojepe'ia, opaite ĩñee hendushuare pevarã.

Hebreos 6:12

Avy piñymateỹ, kyrãtẽ verã peñehããpo piko jyrojavare hareka hãrõ kuaavare rãĩmi, shara haire hipitypo Tũpa ĩñee meẽ vekua.

Hebreos 6:17

Hãrã Tũpa potañoĩ my'añete heshaka verã opaiteva hipity verã kova ĩñee meẽ vekua, yngavamba hekyjy verãpe.

Hebreos 8:6

Tẽvã ã'ẽ ñandy Pai Vasure me'ẽãshuhai japo verã haikaviveva. Kyrã, ñee me'ẽãva py'ahuva hai veruva tivishaveshi tuja vekuaivi, shara ou ñee me'ẽãva haikavitevevaivi.

Hebreos 9:28

Kyrã jyve Cristo penteĩmba meẽ hykove hetava retaivi heky verã mbai porãmba vekua; oujyrã haiveãma raha verã mbai porãmba, koñeĩ hãrõ pytambavare mondojepe verãĩmapo.

Santiago 2:5

Pyhendu, shyryvyre ahaihuva: Tũpa rãnga pyhyrõ pavetevare ko yvy'ĩãrẽ, ikokatu verã jyrojakuepy hareka me'ẽhashu verã tenta vasu mbeushuva haihuvare.

1 Pedro 1:12

Tẽvã Tũpa opa mbykuaaka reta hoka maĩnunga mbeu jyrevare ha'ẽã haire pevarãñoĩteva, koñeĩ haikavipe verã. Hãrã ã'ẽ kuaaka pe ko maĩnunga ñimiñee'ipe vekua ko Ñee kavivare, Espiritu Santo mboua vekua vate araivi. Kova mbai rãnga Tũpa jokueva retatei pota hesha.

1 Pedro 1:4

Pipity verã maĩnunga Tũpa ĩmereva vate arapy, ñymbaimba verã, kyambava maĩrã jipimbava.

1 Pedro 3:7

Pee jyve temere, piko handi arãndupe, shara pymbyvetepo jyveshu vaso tantambava rãĩmi, tẽvã hairetape Tũpa hei meẽshu verã tykove opamba. Kyrã pijaporã Tũpa hendupo pirurerã.

Judas 1:14

Kova retare rãnga Enoc ijeta jyve, kuimbai 7 hea, Adan heirã vekua: “Pymaĩhe, Ñandeja heta ou hãndi jokuevare,

Apocalipsis 5:6

Haivi ahesha vapyhaseape, urũndy ĩmeĩteri'iare hareka karai kuakuavare mbytepe, ñymbo'y'ẽ pente Avisha Ray jukahava rãĩmi vekua 7 ijuu ĩmere hareka 7 hesa, hareka hesare hai 7 Tũpa ijespiritu mondoha vekua oparupi yvy'ĩãrẽ.