Filipenses 4:18 - NandevaBiblia

¹⁸ Ã'ẽ opama ĩme'are perukasheva. Hoka peruka she vekua Epafrodito rupii, mbaiveama mba'ety ẽẽ she. Kova pymbousheva hãĩ mbai pishekatuva, pishe kaviva rãĩmi, mbai mbijichehava haikaviva Tũpa pevarã.

Filipenses 4:18 ပူးပေါင်းရင်းမြစ်များ

Hechos 10:4

Kornelio haipe mãĩ'ẽhe Tũpa jokuevarã kyje ryheve pyrãndushu: Mbaivara ripota, Sheja? Tũpa jokueva heishu: “Tũpa hendu rirureshuva hareka vy'aite'i rijapovare, pavetevare rymboryshurã.

Romano 12:1

Hãmeara, shyryvyre, Tũpa jyparekokue ojaimbava rupii airurepe, pymeẽ verã pyndyrete Tũpape me'ẽãva rãĩmi ĩmeĩ'ia, kyambape hareka Tũpa mbyvyashu verã. Kyrã rãngatẽpo õñemombaishu.

2 Corintios 11:8

Amba'apo pyrehe verã hareka apyrỹmbory verã, yngaipi'õ jyrojava ñymbatyvare ahekyshi reta kyrypoti.

2 Corintios 9:12

Shara kova mbai haikavi pijapova pymbory verã ñandyryvyre, ha'ẽã mbai mba'etyrevapeĩ mboryvare, koñeĩ mykyrẽ'ỹha reta pyraheshu verã Tũpa.

Efesios 5:2

Piko jyhaihuvape Cristo ñandyraihuva rãĩmi. Cristo hykove meẽ ñandyrehe vekua, pente avisha ray jukahava rãĩmi hareka me'ẽãva Tũpape pishe katuva.

Filipenses 4:12

Aikatu aiko shypavete ryheve hareka aikatu heta ĩme'arejy maĩnunga, opavare hareka opava pevarã shymbo'eha jyve, shỹvãta hareka shimbahy ai verã, opa ĩme'arevape maĩrã mba'etyite arevape.

2 Tesalonicenses 1:3

Shyryvyre, opa arañoĩpo ajetekue ñameẽshu Tũpa pyndyrehe, kyrãñoĩpo jaiko, shara pee pirojave pehohe Tũpa, hareka pepenteĩ jyhaihukuepy pijyhahaihuve peho.

Hebreos 13:16

Avy pyndysarehe haikaviva pijapo verã hareka pymeẽ jyveshu yngavare mbai ĩmepyreva, shara kova me'ẽãvare hai mbyvyava Tũpa.

1 Pedro 2:5

Pee jyve, ita hykovevare rãĩmi Tũpa mupuãheva oo Espiritu ryheva hareka pee hai paire kyambaa hokava tũpaope, mymba jukahava espiritu ryheva meẽ verã Tũpa myvãhẽva Jesucristo rupii.