Filipenses 3:16 - NandevaBiblia

¹⁶ Tẽvã ñande hokava japitykavivare, pente ñeepeĩpo jaiko hareka penteva pyapeĩ.

Filipenses 3:16 ပူးပေါင်းရင်းမြစ်များ

Romano 12:16

Pente pyapeĩ piko yngavare hãndi. Avy piroja pindijehe, koñeĩ piñimbivache handi mbaimbava rãĩmi'iare. Avy pere pindijehe peĩĩ mbai opa pikuaava.

Romano 15:5

Tũpa meẽva ñyhãrõ hareka pya kaviva, pynymbory pepenteĩ piko kavi ijupii verã, Cristo Jesús iko vekua rãĩmi,

Galatas 5:7

Pee rãnga peñepyrõ kavitẽ kueve. Mbavara akuarã pindijoko pypoi pijapo verã añeteva?

Galatas 6:16

Pyreko pya symyĩ hareka jyparekokue opaite ikova ko ñee heiva rãĩmi, opaite tenta Israel hãndi Tũpa ryhevare.

Filipenses 1:27

Koñeĩ airurepe pikokavi verã Ñee kavi Cristo ryheva pyrỹmboiva rãĩmi. Shara aha apyryresharã maĩrã ãĩmbate haipeva, koñeĩ tahendu pyndyhevi piko kavi ijupiiva hareka piñyhãã pente pyapeĩ Ñee kaviva pirojaheva rupii.

Filipenses 2:2

kyrãpo shymbyvyapi, piko ijupive pente ñeeperã, jyhaihupe, pente pyapeĩ piko, hareka pente mbai pevarã rãĩmi.

Filipenses 4:2

Airure Evodiape, hareka Síntiquepe jyve, tiñymbypya penteĩ Ñandejare.

Colosenses 2:6

Hãrã pee pymyvãhẽshuva rãĩmi Jesucristo Pyndejarã, kyrãĩpo piko jyve Hai potava rãĩmi;

Colosenses 4:2

Pirure katu, pimoã ryheve hareka pymeẽ pyndy'ajetekue Tũpape.

Apocalipsis 3:3

Nymanduahe mbai me'ẽhande vekua hareka rỹhendu vekuare; eijy Tũpa jykoty hareka japoshu heiva. Rysarekoãrã, ahapondekui manarõ'ia rãĩmi, rĩmoambarẽĩvape.