Filipenses 3:14 - NandevaBiblia

¹⁴ Ahaterihe ãvãhẽ verã japyape, hareka apity verã me'ẽãreiiva Tũpa ñanyrẽno ñamyvãhẽ verã Cristo Jesús rupii.

Filipenses 3:14 ပူးပေါင်းရင်းမြစ်များ

Lucas 16:16

Moisés mbypara vekua, hareka Tũpa ĩñee mbeu'iare hei vekua japoa verã vãhẽ Juan arapeve; haivive mbe'uhajy Tũpa ẽvãpe'õ ryheva ñee kavi, hãrã opaite õñehãã pota pyrãtakuepe ichepyrã.

Romano 11:29

Shara me'ẽhãĩva Tũpa meẽva hekyjyvyã, hareka sareãhe hai pyhỹrõva.

1 Corintios 9:24

Pikuaa jyve ñanivape ĩñoñokuevare, heta'ẽ ñaniva, tẽvã penteĩ'ẽ me'ẽãshuva maĩnunga. Hãrã piñyhããngatu pipity verã jyve me'ẽãpe verã.

2 Corintios 4:17

Shara jyhasa'asyre sapy'aiteĩ hai hareka areã opa hasa. Tẽvã hai rupii, Tũpa meẽ ñande tykove hĩmbipeva opamba ryheva, hareka hetaiteveva.

Filipenses 3:3

Ñande hai ãñete ñymbai pire chĩchĩava; ñamombaiva Tũpa ñande espiritu ryheve, javyava Cristo Jesure, hareka jairojambaheva tyroore.

Colosenses 2:18

Avy pyma'ẽĩhe tijahe pyndyrehekui, ñymby pya kavi rã'ãnga'iare hareka õmombaivasu'iare Tũpa jokuevare, hei'ia maĩnunga heshahakashua hareka jyrojahe kuaretare ñãkape ñanduva ĩmereva.

1 Tesalonicenses 2:12

hareka jururehajyvyĩpe Tũpa ryhevare ikova rãĩmi piko verã, hai vapy'õpe pynyrẽno hareka hĩmbipevape hai ẽvãpe.

2 Timoteo 1:9

Tũpa rãnga ñanymondojepe hareka ñanyrẽno tykove kyambavape, ha'eã ñande jajapova rupii, shara hokava hai potava hareka jyhaihu meẽ ñande ndeiteri ara oñepyrõrãvãĩ Cristo Jesús rupii,

Hebreos 3:1

Hãme rãnga shyryvyre, pee Tũpa ryhevare, pyhỹrõava hareka hẽnohava vate arape oho verã. Hãrã pypya pimbijeta kavihe Jesús: Hai rãnga apostol hareka Pai Vasu jairojahea ryheva.

Hebreos 6:1

Hãrã jaha tynonde opa jasyrypeve, jaheja jaraha Cristo ryheva tynondeite ñanymbo'eahe vekua. Avy hykuaĩ jaijyshu mbai javaiveãma ñandevape, jaishu ñaimbeujya ryheva hareka jaheja jajapova pyryrahava ñymanope, jyrojakue Tũpare,

1 Pedro 1:13

Hãme rãnga pyhãrõpo, pyny'ãrãndupo hareka pyharõkuaapo, mbai haikavivare Tũpa meẽpope Jesucristo ijeshakamarã.

1 Pedro 5:10

Tẽvã Tũpa jyhaihukue ojaimbavapy ñanyrẽno hĩmbipekuepy opa arapeva Jesucristore, mishĩĩ jyhasa'asy pyhasamarã, hai pynymbyhekokavi, pynymysymyĩ, hareka pynymypyrãtapo peamba verã.

2 Pedro 1:3

Tũpa ñymbaikatu rupii meẽ ñande opava maĩnunga mba'etyjareva ĩmejare verã tykove hareka jaiko hai potava rãĩmi. Hai ñanymbykuaaka Cristo, ñanyrẽno hai ojaimba rupii hareka mbai haikaviva japovare rupii.

Apocalipsis 3:21

Opa õhẽkaviva ñyrãrõivi ambyvapypokui shyvapyka mburuvisha vasu vapypya, she avapysepyape, she ãhẽkaviva rãĩmi ñyrãrõivi hareka avapyĩma hãndi Sheru vapyseape.