Filipenses 2:6 - NandevaBiblia

⁶ Ajemaĩ haite Tũpa, hai he'iã ijehe mbivacheva Tũpa maĩnunga ha'ĩ pysy verã rãĩmi,

Filipenses 2:6 ပူးပေါင်းရင်းမြစ်များ

Mateo 1:23

Ko kuñatãi ndei kuimbai pokohea memby kuimbaipo. Hãrã hai heerãpo “Emanuel” he'iseva: “Tũpa ẽẽ ñanendie”.

Juan 1:18

Mba'ety heshava Tũpa; tẽvã Tay penteĩ'ia Tuu hãndi ẽvã, opa mbeu ñande marãvara hai.

Juan 10:30

Teru hareka She, penteĩ'õĩhã.

Juan 10:33

Haire heishu: Ndukahããpo itape mbaikavi rijapo vekua rehe, Tũpa porãã rijetaherã reheĩ rãnga. Kuimba'ẽĩ rãnga nde, tẽvã rijijapori Tũpa rãĩmi.

Juan 10:38

Tẽvã ajaporã, ajema shyrojambatẽpiva, pyroja ajapovare, pikuaa kavi verã Sheru hareka she pentevãĩ orerã.

Juan 14:28

Pyhenduma rãnga hai'ãipeva ahajypo, tẽvã aijypo aiko penendiekui. Pee ãñete shyraihurã pyvy'aĩtẽ verã, shara pikuama ahajypo Sheru ẽvãperã mbaivasuve shyheviva.

Juan 14:9

Jesús heishu: Felipe, kuriãã rãnga aiko ai penendie, hãmerã nde'iave shykuaa? Shyresha'ia reta rãnga, heshama jyve Sheru. Marã'ĩrãra rirureshe aheshakape verã Sheru?

Juan 17:5

Ã'ẽ, Sheru, hykuaĩ shymbyvetejy rẽĩvape, hareka meẽshe mbaikatu ĩme'are vekua aiko ai nendierã, ndeiteri ko yvy ẽẽrã.

Juan 20:28

Haipe Tomas hei: Sheja, hareka shu Tũpa!

Juan 5:18

Kova rehe Judiore potaiteve jukajyre Jesús, shara japo pente mbai japohamba verã putu'uava jy'arape harekajy ñimbivache'i hãndi Tũpa, hei Tũpa haiva Tuu.

Juan 5:23

opaiteva kuaretare õmombai verãre Tay, Tuu õmombaiva rãĩmi. Tay õmombaimbava, õmomba'eã jyveshu Tuu hai mbou vekua.

Romano 9:5

Hai reta rãnga ñanytynondevare ñymoñashi vekuare, hareka kuareta hekope Cristo oujyve haivi, hai rãnga Tũpa opa mbai ĩãrẽ'õ. Tomomba'ea vasushu opa ara pevarã! Amén.

2 Corintios 4:4

Haire rojãã, shara ãña ko yvy ija ñakapy mypyntushi reta, potãã mykõĩshu reta Ñee kaviva hĩmbipeva Cristo ryhevarã, shara Cristo hai Tũpa rãĩmiva.

2 Corintios 8:9

Pee rãnga pikuaama Ñandeja Jesucristo, marãra pya kavi, pyndyraihuiterã hai ikokatutẽva paveteva rãĩmi ou iko'i, hai pavetekuepe pikokatu verã.

1 Timoteo 1:17

Hãrã ñamombaivasu hareka ñambitivishañoĩpo Mburuvisha vasu opambava, manombava, katumba heshahava, hareka Tũpa koñeĩ'õ ikova opa ara! Amén.

1 Timoteo 3:16

Mbe'uha kova añeteva heshahaka ñandeva ko tykove mbijicheavaivi Tũpa pevarã, hai pente mbai ojaimbava: Jesucristo ijeshaka kuareta rãĩmi. Espiritu rupii kuaahava. Tũpa jokuevare hesha hareka mbe'uha opaite tenta retaipi. Opaite yvy jerekueipi'õre roja reta hareka hupihajymba vate ara hĩmbipeape.

Tito 2:13

ñahãrõteri ñaĩvape hĩmbipekue ryheve ou verã ñanu Tũpa ojaimbava hareka Ñanymondojepeva Jesucristo.

Hebreos 1:3

Tũpa hĩmbipekue heshahahe Tay, hai rãnga penteva rãĩmi handi Tũpa, Tay rupii tanta'ẽ opa mbai ĩñee ñymbaikatuva rupii. Opama johe ñandyhevi mbai porãmba jajapo vekuarã, vapy'ẽ Tũpa ñymbaikatuva jakata kyty vate arapy,

Hebreos 1:6

Hareka hykuaĩ Tay Tynondeva mbou ko yvype, hei: Tõmombai vasushu opaite Tũpa jokuevare.

Hebreos 1:8

Tẽvã Tay rehe hei: Tũpa, huvisharã rẽĩvape hai opa arapeva hareka hekope kavipo huvisharãrẽĩkui.

Hebreos 13:8

Jesucristo rãnga hai ka'ãmeva, ã'ẽva hareka opa ara pevarã.

Apocalipsis 21:6

Heijyshe: “Opama iko! She hai õñepyrõhea hareka opahea. Ju'uhe'ia, ameẽreiiposhu ñymbyupy verã yy õhẽ'õ tykove meẽva.